ផ្អាកដំណើការ គ្រឹះស្ថានមីក្រូ ហិរញ្ញវត្ថុប្រាសាក់ សាខាខេត្តតាកែវ បន្ទាប់ពីរកឃើញ បុគ្គ លិក៣នាក់ វិជ្ជមានកូវីដ

(តាកែវ)៖ គ្រឹះស្ថានមីក្រូហិរញ្ញវត្ថុ ប្រាសាក់ សាខាខេត្តតាកែវ ត្រូវបានផ្អាកដំណើការ បណ្តោះអាសន្ន ក្រោយ​រកឃើញ បុគ្គលិកគ្រឹស្ថានមួយនេះ មានវិជ្ជមានជំងឺកូវីដ-១៩។

លោក កង អាណាន់ អភិបាលក្រុងដូនកែវ បានឲ្យដឹងព្រឹកថ្ងៃទី១៤ ខែសីហានេះថា លោកបានដឹកនាំក្រុមការងាររបស់រដ្ឋបាលក្រុង សហការជាមួយក្រុមគ្រូពេទ្យបង្អែកខេត្ត ទៅធ្វើតេស្តយកសំណាកបុគ្គលិក គ្រឹះស្ថានមីក្រូហិរញ្ញវត្ថុប្រាក់សាក់ សាខាខេត្តតាកែវ ដែលមានផ្ទុះឡើងនូវជំងឺកូវីដ-១៩ កាលពីល្ងាចថ្ងៃទី១៣ ខែសីហាម្សិលមិញ។

ចំពោះការផ្ទុះឡើង ជំងឺកូវីដ-១៩ទៅលើបុគ្គលិក គ្រឹះស្ថានប្រាសាក់នេះ គឺបានកើតឡើងនៅល្ងាចថ្ងៃទី១៣ ខែសីហា ឆ្នាំ២០២១។ ក្នុងនោះគ្រូពេទ្យ បានធ្វើតេស្តយកសំណាក រកឃើញវិជ្ជមានជំងឺកូវីដ-១៩ ចំនួន៣ នាក់។ ដោយឡែក អ្នកបានប៉ះពាល់ដោយផ្ទាល់ ចំនួន១០នាក់ ត្រូវបានយកទៅពិនិត្យ និងតាមដាននៅសណ្ឋាគារ7Dayទាំងយប់ផងដែរ។ រីឯបុគ្គលិក ដែលបានប៉ះពាល់ ដោយប្រយោល ចំនួន៧២នាក់ ត្រូវបានដាក់ឲ្យនៅក្នុងកន្លែង ធ្វើការនេះតែម្តង ងាយស្រួលដល់ក្រុមគ្រូពេទ្យ ធ្វើតេស្កយកសំណាកបន្ត។

សូមបញ្ជាក់ថា ទីតាំងគ្រឹះស្ថានមីក្រូហិរញ្ញវត្ថុ ប្រាសាក់ សាខាខេត្តតាកែវ គឺមានទីតាំងក្នុង ភូមិថ្នល់បែក សង្កាត់រកាក្រៅ ក្រុងដូនកែវ ត្រូវបានរដ្ឋបាលខេត្តតាកែវ ចេញសេចក្តីជូនដំណឹង ដោយឲ្យផ្អាកបម្រើសេវាកម្ម ចាប់ពីថ្ងៃទី១៣ ខែសីហា ឆ្នាំ២០២១នេះតទៅ រហូតមានការជូនដំណឹងសារជាថ្មី៕ (ដោយ)៖ វីរៈ