ព័ត៌មានជាតិ
កុងស៊ុលកម្ពុជានៅក្រុងហូជីមិញ អំពាវនាវពលរដ្ឋខ្មែរបង្កើនការប្រុងប្រយ័ត្នខ្ពស់បំផុត
ស្ថានអគ្គកុងស៊ុលនៃព្រះរាជាណាចក្រកម្ពុជាប្រចាំទីក្រុងហូជីមិញបានជម្រាបជូនបងប្អូនប្រជាពលរដ្ឋ ក៏ដូចជាសិក្ខាកាមនគរបាលជាតិ សិក្ខាកាមយោធា និងនិស្សិតកម្ពុជាទាំងអស់ ដែលមានវត្តមាននៅទីក្រុង ហូជីមិញ ថាគិតចាប់ពីថ្ងៃទី០៩ ខែកក្កដា ឆ្នាំ២០២១ ដែលទីក្រុងហូជីមិញបានអនុវត្តបទបញ្ជាលេខ១៦ ក្នុងការបិទខ្ទប់កុង ដើម្បីប្រយុទ្ធប្រឆាំងជំងឺកូវីដ-១៩ តែស្ថានការណ៍វិវត្តនៃជំងឺឆ្លងនេះ មិនទាន់មានភាពថមថយ និងកំពុងវិវត្តយ៉ាងស្មុគស្មាញ ពិបាកស្មាន ដែលបង្កឡើងដោយវីរុសប្រភេទថ្មី Delta ធ្វើឱ្យចំនួនអ្នកឆ្លង និងស្លាប់បន្តកើនឡើង ដោយសារការចម្លងមេរោគរហ័ស និងកាចសាហាវគួរឱ្យបារម្ភ។
យោងតាមគេហទំព័រសារព័ត៌មាន thanhnien.vn ចុះផ្សាយនៅព្រឹកថ្ងៃទី១៥ ខែសីហា ឆ្នាំ២០២១នេះ លោក Phan Van Mai អនុលេខាបក្សអចិន្ត្រៃយ៍ទីក្រុងហូជីមិញបានថ្លែងថា ដើម្បីសម្រេចទិសដៅប្រយុទ្ធប្រឆាំងនឹងជំងឺឆ្លងកូវីដ-១៩ និងគ្រប់គ្រងស្ថានការណ៍ឱ្យបានមុនថ្ងៃទី១៥ ខែកញ្ញា ឆ្នាំ២០២១ តាមបទបញ្ជារបស់រដ្ឋាភិបាលវៀតណាម អាជ្ញាធរទីក្រុងហូជីមិញបានសម្រេចបន្តអនុវត្តបទបញ្ជាលេខ១៦ ស្តីពីការរក្សាគម្លាតសង្គម (បិទខ្ទប់ក្រុង) រយៈពេល១ខែបន្ថែមទៀត ចាប់ពីថ្ងៃទី១៥ ខែសីហា ឆ្នាំ២០២១ នេះទៅ សំដៅទប់ស្កាត់ និងប្រយុទ្ធប្រឆាំងជំងឺឆ្លងកូវីដ-១៩ ដើម្បីការពារជីវិត សុខមាលភាពរបស់ប្រជាជន និងកាត់បន្ថយការស្លាប់ជាអតិបរមា។
ជាមួយគ្នានោះ ស្ថានអគ្គកុងស៊ុលបានអំពាវនាវបងប្អូនខ្មែរទាំងអស់ បង្កើនការប្រុងប្រយ័ត្នខ្ពស់បំផុត ដោយពាក់ម៉ាស់ជាប្រចាំ លាងដៃនឹងសាប៊ូ ឬជែលលាងដៃកម្ចាត់មេរោគឱ្យបានញឹកញាប់ រក្សាគម្លាតសុវត្ថិភាព (២ម៉ែត្រ) កុំចេញក្រៅផ្ទះ និងត្រូវអនុវត្តវិធានការសុខាភិបាល និងបទបញ្ហាខាងលើ ឱ្យបានខ្ជាប់ខ្ជួន និងមានប្រសិទ្ធភាពបំផុត។ ក្នុងករណីបន្ទាន់សូមទាក់ទងលេខទូរសព្ទ៖ (+84) 2838292751 ឬលោក ព្រីង សុខ កុងស៊ុល ០៣៩ ៩៥៥៦៣៧៧ ឬ អាសយដ្ឋានអីម៉ែល [email protected]។
សូមបញ្ជាក់ថា នៅថ្ងៃទី១៤ ខែសីហា រដ្ឋាភិបាលវៀតណាមបានប្រកាសពីការរកឃើញអ្នកឆ្លងជំងឺកូវីដ-១៩ ថ្មីចំនួន ៩,៧១៦នាក់ ឆ្លងក្នុងទីក្រុងហូជីមិញចំនួន ៤,២៣១នាក់ និងស្លាប់ ចំនួន៣៤៩នាក់៕
អត្ថបទ៖ កោះកែវ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ