ព័ត៌មានជាតិ
ថ្ងៃនេះ កុមារនិងយុវវ័យ ទទួលបានការចាក់វ៉ាក់សាំង នៅខេត្តរតនគិរី
រដ្ឋបាលខេត្តរតនគិរីចេញសេចក្តីជូនដំណឹង ស្តីពីយុទ្ធនាការចាក់វ៉ាក់សាំងការពារជំងឺកូវីដ១៩ ជូនដល់កុមារ និងយុវវ័យ ដែលមានអាយុចាប់ពី១២ឆ្នាំ ដល់ក្រោម១៨ឆ្នាំ នៅក្នុងក្រុងបានលុង ខេត្តរតនគិរី។ នេះបើយោងតាមសេចក្តីជូនដំណឹងរបស់រដ្ឋបាលខេត្តចេញនៅថ្ងៃទី១៥ ខែសីហា ឆ្នាំ២០២១។
រដ្ឋបាលខេត្តរតនគិរី សូមជម្រាបជូនដំណឹងដល់បងប្អូនប្រជាពលរដ្ឋ ដែលមានមាតា បិតា ឬអាណាព្យាបាលកុមារ និងយុវវ័យនៅក្នុងក្រុងបានលុងនៃខេត្តរតនគិរី ឲ្យបានជ្រាបថា មន្ទីរសុខាភិបាលនៃរដ្ឋបាលខេត្តរតនគិរី និងរៀបចំ ការចាក់វ៉ាក់សាំងកូវីដ១៩ ជូនដល់កុមារ និងយុវវ័យដែលមានអាយុចាប់ពី១២ឆ្នាំ ដល់ក្រោម១៨ឆ្នាំ ដែលកំពុងរស់នៅក្នុងក្រុងបានលុង ខេត្តរតនគិរី។
ដំណើរការចាក់វ៉ាក់សាំងនេះ និងប្រព្រឹត្តទៅចាប់ពីថ្ងៃចន្ទទី១៦ ខែសីហា ឆ្នាំ២០២១ តទៅ។ ពេលព្រឹកចាប់ពីម៉ោង៧និង៣០នាទី ដល់ម៉ោង១១និង៣០នាទី និងរសៀលចាប់ពីម៉ោង១៣និង៣០នាទី ដល់ម៉ោង១៧និង០០នាទី។ នៅទីតាំងវិទ្យាល័យសមហតេចឪ-សម្តេចម៉ែ ស្ថិតក្នុងសង្កាត់ឡាបានសៀក ក្រុងបានលុង ខេត្តរតនគិរី។
នៅក្នុងដំណើរចាក់វ៉ាក់សាំងនេះ សូមបងប្អូនប្រជាពលរដ្ឋដែលជាមាតា បិតា ឬអាណាព្យាបាលទាំងអស់ ត្រូវនាំកូនៗរបស់ខ្លួនដែលមានអាយុចាប់ពីអាយុ១២ឆ្នាំ ដល់ក្រោម១៨ឆ្នាំ មកទទួលការចាក់វ៉ាក់សាំងឲ្យបានគ្រប់ៗគ្នា ដោយត្រូវយកភ្ជាប់មកជាមួយនូវឯកសារ(ថតចម្លង)ពាក់ព័ន្ធរួមមាន៖ អត្តសញ្ញាណប័ណ្ណសញ្ជាតិខ្មែរ(ប្រសិនបើមាន) សំបុត្រកំណើត ឬសៀវភៅគ្រួសារ ឬសៀវភៅស្នាក់នៅ ឬលិខិតបញ្ជាក់ពីអាជ្ញាធរ។
សូមបញ្ជាក់ជូនថា ការចាក់វ៉ាក់សាំងនេះ គឺធ្វើឡើងសម្រាប់តែកុមារ និងយុវវ័យដែលកំពុងរស់នៅក្នុងសង្កាត់ទាំង៤នៃក្រុងបាបលុង ខេត្តរតនគិរីប៉ុណ្ណោះ។ ដោយឡែកសម្រាប់ស្រុកដទៃទៀត និងត្រូវបន្តចាក់ជូននៅពេលបន្ទាប់។
អាស្រ័យដូចបានជម្រាបជូនដំណឹងខាងលើ សូមបងប្អូនប្រជាពលរដ្ឋដែលជាមាតា បិតា ឬអាណាព្យាបាលកុមារ និងយុវវ័យទាំងអស់ក្នុងក្រុងបានលុង ជ្រាបជាព័ត៌មាន និងអញ្ជើញនាំកូនៗរបស់ខ្លួន មកទទួលការចាក់វ៉ាក់សាំងការពារជំងឺកូវីដ១៩ឲ្យបានគ្រប់ៗគ្នា តាមពេលវេលា និងទីកន្លែងខាងលើកុំបីខាន៕
អត្ថបទ៖ វុទ្ធឦសាន
-
ព័ត៌មានអន្ដរជាតិ២០ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ