ព័ត៌មានជាតិ
ផ្លូវល្បឿនលឿនខេត្តព្រះសីហនុ សម្រេចបាន ៦៥ ភាគរយ គ្រោងចប់មុនផែនការ
គម្រោងសាងសង់ផ្លូវល្បឿនលឿនភ្នំពេញ-ក្រុងព្រះសីហនុ កំពុងដំណើរការសម្រេចបាន៦៥ភាគរយ គ្រោងបញ្ចប់នៅអំឡុងខែកញ្ញាឆ្នាំ២០២២។ នេះបើតាមរដ្ឋមន្រ្តីក្រសួងសាធារណការនិងដឹកជញ្ជូន។
ឯកឧត្តម ស៊ុន ចាន់ថុល បានថ្លែងក្នុងកិច្ចប្រជុំមួយ ជាមួយតំណាងទីភ្នាក់ងារសហប្រតិបត្តិការអន្តរជាតិជប៉ុន (JICA) ដើម្បីបង្ហាញពីវឌ្ឈនភាពនៃគម្រោងសាងសង់ហេដ្ឋារចនាសម្ព័ន្ធក្នុងប្រទេសកម្ពុជា។
ផ្លូវល្បឿនលឿនដំបូងរបស់ប្រទេសកម្ពុជានេះ ស្ថាបនាចេញពីរាជធានីភ្នំពេញទៅខេត្តព្រះសីហនុ ជាគម្រោងដែលចំណាយថវិកាជាង ២ពាន់លានដុល្លារ។
តាមកម្រោង ការសាងសង់ផ្លូវល្បឿនលឿនភ្នំពេញ-ខេត្តព្រះសីហនុ ត្រូវប្រើពេល៤៨ខែ គឺបញ្ចប់នៅខែមីនា ឆ្នាំ២០២៣ ក៏ប៉ុន្តែគម្រោងអាចរួចរាល់មុនផែនការត្រឹមខែកញ្ញា ឆ្នាំ២០២២។
រដ្ឋមន្រ្តី ស៊ុន ចាន់ថុល ក៏ធ្លាប់ស្នើទៅក្រុមហ៊ុនសាងសង់សិក្សាពីការបង់ថ្លៃសេវា លើការធ្វើដំណើរលើផ្លូវល្បឿនលឿននេះ។ លោកបញ្ជាក់ថា ពលរដ្ឋខ្មែរមិនមានលទ្ធភាពបង់ប្រាក់ពី ១០ទៅ ១៥សេន ក្នុង១គីឡូម៉ែត្រ ដូចតម្លៃប្រើប្រាស់ផ្លូវល្បឿនលឿននៅលើពិភពលោកទេ។
ផ្លូវល្បឿនលឿនភ្នំពេញ-ព្រះសីហនុ បានបើកការដ្ឋានសាងសង់កាលពីថ្ងៃទី២២ ខែមិនា ឆ្នាំ២០១៩ មានប្រវែងសរុបជាង១៩០គីឡូម៉ែត្រ។ ផ្លូវនេះឆ្លងកាត់រាជធានីភ្នំពេញប្រវែង ៨.៣០ គីឡូម៉ែត្រ ខេត្តកណ្តាល ប្រវែង ៩.១០ គីឡូម៉ែត្រ ខេត្តកំពង់ស្ពឺប្រវែង ៨០.៨០ គីឡូម៉ែត្រ ខេត្តកោះកុងប្រវែង ១.៩២ គីឡូម៉ែត្រ និងខេត្តព្រះសីហនុប្រវែង ៨៩.៨៩ គីឡូម៉ែត្រ ដែលត្រូវចំណាយថវិកាសាងសង់សរុបប្រមាណ ២,០០០ លានដុល្លារអាមេរិក វិនិយោគដោយក្រុមហ៊ុនសាជីវកម្មស្ពាន និងថ្នល់ចិន (CRBC) តាមរយៈក្រុមហ៊ុនCambodian PPSHV Expressway Co.,Ltd៕
អត្ថបទ៖ ប៊ុណ្ណារ៉ា
-
សេចក្ដីជូនដំណឹង៤ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេដ្ឋកិច្ច១ សប្តាហ៍ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ១ សប្តាហ៍ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព
-
ព័ត៌មានអន្ដរជាតិ១ សប្តាហ៍ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត
-
សន្តិសុខសង្គម៣ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម