ព័ត៌មានជាតិ
មកភ្នំពេញធ្វើការរោងចក្របានមួយថ្ងៃ ដេកស្លាប់ ក្នុងបន្ទប់ជួល
ស្ត្រីម្នាក់បានដេកស្លាប់ក្នុងបន្ទប់ផ្ទះជួលមួយកន្លែង ខណៈក្នុងបន្ទប់ក៏មានក្មួយៗ២នាក់ទៀតរស់នៅជាមួយ បង្កឱ្យមានការភ្ញាក់ផ្អើលកាលពីវេលាម៉ោង៦៖៣០ នាទីព្រឹកថ្ងៃទី២៥ ខែសីហា ឆ្នាំ២០២១ នៅចំណុចបន្ទប់ផ្ទះជួលមួយកន្លែង នៅជាន់ទី៣ ស្ថិតតាមបណ្តោយផ្លូវបេតុង ក្នុងភូមិទ្រា៣ សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ។
ស្ត្រីខាងលើ មានឈ្មោះ ភាន ស៊ាង ហៃ អាយុ៤១ឆ្នាំ មុខរបរកម្មករោងចក្រ មានស្រុកកំណើតនៅភូមិរអាងលើ ឃុំរអាង ស្រុកកំពង់សៀម ខេត្តកំពង់ចាម។ នាងមានគ្រួសារហើយ ប៉ុន្តែពុំទាន់មានកូនឡើយ។ ហើយនាង ក៏ទើបតែមកភ្នំពេញបាន២ថ្ងៃ ហើយចូលធ្វើការរោងចក្របាន១ថ្ងៃប៉ុណ្ណោះ ដោយសុំការស្នាក់នៅប្រាស្រ័យបណ្តោះអាសន្នជាមួយ ក្មួយៗស្រី២នាក់ផ្សេងទៀត។
តាមការរៀបរ៉ាប់ពីនារីជាក្មួយៗឱ្យដឹងថា ស្ត្រីជាមីងដោយសារមានជំងឺប្រចាំកាយ និងជំពាក់លុយគេនៅឯស្រុកផង ក៏បានមកភ្នំពេញ ដើម្បីរកការងាររោងចក្រធ្វើ រកលុយមើលជំងឺ និងសងបំណុល ដោយនាងបានមកភ្នំពេញតាំងពីថ្ងៃ២៣ លុះរហូតដល់ថ្ងៃទី២៤ ក៏បានចូលធ្វើការបានមួយថ្ងៃ ហើយដល់ថ្ងៃទី២៥ ក៏ដេកស្លាប់តែម្តង។
ប្រភពដដែលបានឱ្យដឹងទៀតថា នៅមុនកើតហេតុ ពួកគេបានស្រែកដាស់ស្ត្រីជាមីងឱ្យក្រោកដើម្បីទៅធ្វើការ ប៉ុន្តែមិនក្រោក ក៏បានទៅអង្រួនខ្លួនហើយនៅតែមិនមាត់មិនកទៀត ក៏ស្ទាបផ្លូវដង្ហើមទៅ ទើបដឹងថា ស្ត្រីជាមីងបានដេកស្លាប់។ ភ្លាមនោះ នារីជាក្មួយទាំង២នាក់ ដោយសភាពភ័យស្លន់ស្លោរ បានរត់ទៅប្រាប់ម្ចាស់បន្ទប់ជួល រួចម្ចាស់បន្ទប់ ក៏បានរាយការណ៍បន្តជូនសមត្ថកិច្ចមូលដ្ឋាន ដើម្បីសុំកិច្ចអន្តរាគមន៍ចុះពិនិត្យ។
បន្ទាប់ពីទទួលបានព័ត៌មានហើយ កម្លាំងនគរបាលមូលដ្ឋាន រួមជាមួយសមត្ថកិច្ចជំនាញ បានចុះអន្តរាគមន៍ដល់ទីតាំងខាងលើ ដើម្បីធ្វើកោសល្យវិច្ច័យពិនិត្យ។ ក្រោយការពិនិត្យវិច្ច័យយ៉ាងល្អិតល្អន់មក សមត្ថកិច្ចជំនាញបញ្ជាក់ថា សពត្រូវបានស្លាប់ដោយថប់ដង្ហើមខ្លាំង ហើយគាំងបេះដូងស្លាប់តែម្តងទៅ។ ក្រោយពិនិត្យរួច សពត្រូវបានធ្វើប្រគល់ជូន ក្រុមគ្រួសារសាច់ញាតិ ដើម្បីយកទៅធ្វើបុណ្យតាមប្រពៃណី។
សូមបញ្ជាក់ថា មុនឈានដល់ការចុះធ្វើកោសល្យវិច្ច័យនោះ សមត្ថកិច្ចក៏បានធ្វើការទំនាក់ទំនងទៅកាន់ក្រុមគ្រូពេទ្យដើម្បីទៅធ្វើការតេស្តសំណាក ដើម្បីរកមេរោគកូវីដ១៩ ជាមុនសិនផងដែរ ដោយលទ្ធិផល ឃើញថា អវិជ្ជមាន៕ ដោយ៖ លីហេង
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ