ព័ត៌មានជាតិ
អ្នកជំងឺកូវីដ១៩ ប្រភេទអាល់ហ្វាជិត២០០០នាក់ កំពុងសម្រាកព្យាបាល នៅមណ្ឌលព្យាបាលស្តាតអូឡាំពិក
ប្រធានមណ្ឌលព្យាបាលជំងឺកូវីដ១៩ ស្តាតអូឡាំពិក បានឱ្យដឹងថា បច្ចុប្បន្ននេះមានអ្នកជំងឺកូវីដ១៩ ប្រភេទអាល់ហ្វាជិត២០០០នាក់ កំពុងសម្រាកព្យាបាលជំងឺ នៅមណ្ឌលព្យាបាលស្តាតអូឡាំពិក ក្នុងនោះមានអ្នកជំងឺមានសភាពធ្ងន់ធ្ងរប្រមាណជិត៣០០នាក់ ភាគច្រើនជាមនុស្សចាស់ ដែលមានជំងឺប្រចាំកាយច្រើន។
លោក សាស្ត្រាចារ្យ ញឹប អង្គាបុស្ស ប្រធានមណ្ឌលព្យាបាលជំងឺកូវីដ១៩ ស្តាតអូឡាំពិក បានមានប្រសាសន៍កាលពីថ្ងៃទី១០កញ្ញានេះថា មណ្ឌលព្យាបាលជំងឺកូវីដ១៩ ស្តាតអូឡាំពិកនេះ អាចដាក់អ្នកជំងឺបានប្រមាណជិត៥០០០គ្រែ ដែលជាមណ្ឌលធំជាងគេ នៅកម្ពុជាសម្រាប់ទទួលការព្យាបាលអ្នកជំងឺកូវីដប្រភេទអាល់ហ្វា។ ចំណែកជំងឺកូវីដ១៩ប្រភេទដែលតា យើងមិនទទួលទេព្រោះមានមណ្ឌលផ្សេង។
លោកសាស្ត្រាចារ្យបានបន្តថា គិតត្រឹមព្រឹកថ្ងៃទី១០កញ្ញា នៅមណ្ឌលមានអ្នកជំងឺកំពុងសម្រាកព្យាបាលចំនួន១៨៨៦នាក់ ក្នុងនោះមានអ្នកជំងឺចំនួន២៧០នាក់ មានសភាពធ្ងន់ធ្ងរដាក់អុកស៊ីហ្សែន ហើយក្នុងចំណោមនោះ បានបញ្ជូនមកពីមណ្ឌលព្យាបាលព្រីមៀសែនសុខ ប្រមាណជិត៨០០នាក់ ដោយសារក្រសួងបានយកមណ្ឌលព្រីមៀ ទុកសម្រាប់ព្យាបាលអ្នកជំងឺបំប្លែងថ្មីប្រភេទដែលតាវិញ។ លោកសាស្ត្រាចារ្យបានបន្តទៀតថា បច្ចុប្បន្ននេះ ចំនួនអ្នកជំងឺចូលសម្រាកក្នុងមណ្ឌលមានការថយចុះ ត្រឹមប្រមាណ៥០នាក់ ប៉ុណ្ណោះក្នុង១ថ្ងៃ បើធៀបកាលពីផ្ទុះដំបូង ដែលមានរហូតដល់២០០ទៅ៣០០នាក់ឯណោះ។ ចំណែកអ្នកជាសះស្បើយវិញ ក៏មានចំនួនប្រហាក់ប្រហែល៥០នាក់ផងដែរ ក្នុង១ថ្ងៃ។
លោកសាស្ត្រាចារ្យបានបន្ថែមទៀតថា នៅថ្ងៃ១០ ខែកញ្ញា មានករណីស្លាប់ចំនួន៣នាក់ ដែលជាមនុស្សមានវ័យចំណាស់មានជំងឺប្រចាំកាយច្រើន។ ប៉ុន្តែកន្លងមក ក៏មានអ្នកជំងឺវ័យក្មេងបានស្លាប់ដែរ ដោយសារមានជំងឺប្រចាំកាយនិងមានទម្ងន់១០០គីឡូ។ យ៉ាងណាក៏ដោយ លោកសាស្ត្រាចារ្យបានបបញ្ជាក់ថា មានអ្នកជំងឺវ័យចំណាស់ខ្លះ ក៏បានជាសះស្បើយដែរ ដោយសារអាស្រ័យទៅលើស្ថានភាពអ្នកជំងឺម្នាក់ៗ និងគាត់ខិតខំប្រឹងប្រែងជម្នះ ក្នុងការព្យាបាលព្រមទាំងមានកម្លាំងចិត្តពីខាងក្រៅផង។ លោកសាស្ត្រាចារ្យបានគត់សម្គាល់ថា អ្នកជំងឺស្រាលៗអាចព្យាបាលជាសះស្បើយមានរយៈពេលពី១០ទៅ១៥ថ្ងៃនិងអ្នកជំងឺ ដែលមានសភាពធ្ងន់ធ្ងរអាចអូសបន្លាយរហូតដល់ទៅជាង១ខែឬលើសនេះ ក៏មានទៅតាមស្ថានភាពអ្នកជំងឺម្នាក់ៗ។ គិតមកទល់នឹងពេលនេះ មណ្ឌលព្យាបាលជំងឺកូវីដ-១៩ នៅរាជធានីភ្នំពេញ ថយចុះចំនួន៦មណ្ឌល ពោលគឺនៅសល់១១មណ្ឌល ខណៈកាលពីមុនមានចំនួន ១៧មណ្ឌល។
លោក ម៉េត មាសភក្តី អ្នកនាំពាក្យរដ្ឋបាលរាជធានីភ្នំពេញ បានបញ្ជាក់ថា ការថយចុះចំនួនមណ្ឌលព្យាបាលជំងឺកូវីដ-១៩ នៅរាជធានីភ្នំពេញ ដោយសារហេតុផល៣យ៉ាង ដែលក្នុងនោះ ទី១ ការថយចុះនៃចំនួនអ្នកឆ្លង ទី២ អ្នកឆ្លងជំងឺកូវីដ-១៩ ស្ថិតក្នុងសភាពកម្រិតស្រាលបានសម្រាកព្យាបាលនៅតាមផ្ទះ និង ទី៣ អ្នកជំងឺដែលនៅតាមមណ្ឌល ត្រូវបានព្យាបាលជាសះស្បើយច្រើន។ លោក ម៉េត មាសភក្តី បានបញ្ជាក់បន្តថា សម្រាប់មណ្ឌលព្យាបាលដែលជាសាលារៀនចំនួន២កន្លែង ដែលនៅសល់ក្នុងចំណោម ១១មណ្ឌលនោះ អាជ្ញាធរក៏បានត្រៀមរៀបចំបញ្ជូនអ្នកជំងឺ និងអ្នកធ្វើចត្តាឡីស័កចេញពីសាលាទាំង២នេះទៅទីតាំងផ្សេង ដើម្បីត្រៀមសម្រាប់ការបើកដំណើរការសាលារៀនឡើងវិញផងដែរ។
លោកវេជ្ជបណ្ឌិត ងី មានហេង ប្រធានមន្ទីរសុខាភិបាលរាជធានីភ្នំពេញ បានមានប្រសាសន៍ថា បច្ចុប្បន្ននេះ សាលារាជធានីភ្នំពេញមានមណ្ឌលព្យាបាល អ្នកជំងឺបំប្លែងខ្លួនថ្មី Delta ចំនួន៥រួមមាន មណ្ឌលព្យាបាលព្រីមៀសែនសុខ មណ្ឌលព្យាបាលមង្គលឧត្តម មណ្ឌលព្យាបាលវិទ្យាល័យជាស៊ីម សាមគ្គី មណ្ឌលព្យាបាលសែនសុខ១ អតីតពិភពថ្មីសែនសុខ និងមណ្ឌលព្យាបាលចាក់អង្រែ៕
អត្ថបទ៖ សំអឿន
-
ព័ត៌មានអន្ដរជាតិ៧ ម៉ោង agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
កីឡា៤ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ៣ ថ្ងៃ agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
អត្ថាធិប្បាយ៥ ថ្ងៃ agoវិចារណកថាចក្ខុវិស័យកែទម្រង់យោធាកម្ពុជា៖ ពីកម្លាំងបរិមាណ ឆ្ពោះទៅកងទ័ពជំនាញឌីជីថល និងមនសិកាការពារជាតិ
-
ព័ត៌មានអន្ដរជាតិ៥ ថ្ងៃ agoអាមេរិក បើកការវាយប្រហារអ៊ីរ៉ង់ ថ្មីទៀត ដើម្បីសងសឹក ចំពោះការធ្លាក់ឧទ្ធម្ភាគចក្រ Apache
-
ព័ត៌មានអន្ដរជាតិ៤ ថ្ងៃ agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត
-
ព័ត៌មានជាតិ២ ថ្ងៃ agoរោងចក្រផលិតជីក្រុមហ៊ុន ម៉ុង ឫទ្ធី ចាយទុនប្រមាណ ១០ លាន នឹងចាប់ផ្តើមផលិតចែកចាយលក់ក្នុងតម្លៃទាប ជួយកសិករដាំដុះដំណាំកសិកម្ម
-
ព័ត៌មានអន្ដរជាតិ២ ថ្ងៃ agoពូទីន៖ រុស្ស៊ីតែម្នាក់ឯង ត្រូវប្រយុទ្ធជាមួយ លោកខាងលិចទាំងមូល ក្នុងសង្គ្រាមនៅ អ៊ុយក្រែន