ព័ត៌មានជាតិ

ព្រះសង្ឃមួយអង្គគង់នៅវត្តសាមគ្គីរង្សី ធ្វើអត្តឃាតចង ក ក្នុងកុដិ ដោយមិនដឹងមូលហេតុ

បានផុស

៥ years មុន

នៅ

ថ្ងៃចន្ទ ២៥ តុលា ២០២១

ដោយ

ព្រះសង្ឃព្រះជន្ម២១ព្រះវស្សាដែលគង់ចាំព្រះវស្សាក្នុងវត្តសាមគ្គីរង្សីបានសម្រេចធ្វើអត្តឃាតចង ក សម្លាប់ខ្លួនដោយពុំដឹងមូលហេតុ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរបាយការណ៍របស់នគរបាលខណ្ឌមានជ័យ បានឲ្យដឹងថា នៅវេលាម៉ោង១០និង៤៥នាទីព្រឹកថ្ងៃទី២៥ ខែតុលានេះ មានករណីអត្តឃាតមួយកើតឡើងដែលជនរងគ្រោះជាព្រះសង្ឃក្នុងព្រះជន្ម២១វស្សា ព្រះនាម សួន ស៊ីនិច ដែលបច្ចុប្បន្នកំពុងគង់នៅក្នុងវត្តសាមគ្គីរង្សី មានទីតាំងក្នុងភូមិទ្រា២ សង្កាត់ស្ទឹងមានជ័យ១ ខណ្ឌមានជ័យ រាជធានីភ្នំពេញ ដោយបានយកស្បង់រមូរដូចជាខ្សែរួចចងកនៅជាប់ជើងកង្ហារពិដានកុដិបណ្តាលឲ្យសុគុត។

នគរបាលបានធ្វើកោសល្យវិច័យឃើញថា ព្រះសង្ឃរងគ្រោះពិតជាបានធ្វើអត្តឃាតដោយចងកប្រាកដមែន។ ព្រះសង្ឃដែលធ្វើអត្តឃាតមានស្រុកកំណើតក្នុងភូមិជុំនិច ឃុំកំពង់ហ្លួង ស្រុកពញាឮ ខេត្តកណ្តាល។

សពត្រូវបានប្រគល់ជូនលោកយាយ សេង ផល ដែលត្រូវជាជីដូនយកទៅធ្វើបុណ្យតាមប្រពៃណី នៅឯស្រុកកំណើត។ រឿងហេតុខាងលើពុំមានញាតិមិត្ត និងក្រុមគ្រួសារបញ្ជាក់ពីមូលហេតុដែលឈានទៅដល់ការធ្វើអត្តឃាតនេះឡើយ៕

អត្ថបទ៖ នរា