Connect with us

ព័ត៌មានជាតិ

រដ្ឋបាល​ខេត្តសៀមរាប​ ទទួល​អំណោយ​ពី​សប្បុរសជន

បានផុស

នៅ

សៀម​រា​ប ៖ នៅ​រសៀល​ថ្ងៃ​ទី​០២ ខែ វិច្ឆិកា ឆ្នាំ​២០២១​នេះ អំណោយ​របស់​អង្គការ​UNICEF មាន​សាប៊ូម្សៅ ៩៣​កា​រ៉ុង ស្មើ​១​ពាន់​១២៥​គីឡូក្រាម​,​ស្បែកជើង​កវែង ៤​កេស ស្មើ​១១០​គូរ ស្រោមដៃ ១​កេស​ស្មើ ២២៥​គូរ ,​សាប៊ូដុំ​លាងដៃ ៦០​កេស ស្មើ ៦​ពាន់​ដុំ , សំឡី​អនាម័យ ២៧​កេស ស្មើ ១​ពាន់​៦២០​កញ្ចប់ , របាំងមុខ ៣០០ និង អៀម​ប្លា​ស្ទីក ៣​ពាន់​អៀម ផ្តល់​តាមរយៈ​មន្ទីរ​អភិវឌ្ឍន៍ជនបទ​ខេត្តសៀមរាប ត្រូវបាន លោក ខេង ញ៉ុ​ល ប្រធាន​មន្ទីរ​អភិវឌ្ឍន៍ជនបទ​ខេត្ត នាំយកមក​ប្រគល់​ដល់​រដ្ឋបាលខេត្ត ក្រោម​វត្តមាន​របស់​លោក ពិន ប្រាកដ អភិបាលរង​នៃ​គណៈ​អភិបាលខេត្ត​សៀមរាប នៅ​សាលា​ខេត្តសៀមរាប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាម​ការ​បញ្ជាក់​របស់​លោក ខេង ញ៉ុ​ល ប្រធាន​មន្ទីរ​អភិវឌ្ឍន៍​ជនបទ​ខេត្ត បាន​ឲ្យ​ដឹង​ថា នេះ​ជា​លើក​ទី​ពីរ​ហើយ ដែល​អង្គការ​UNICEF បាន​ផ្តល់​អំណោយ​ដល់​រដ្ឋបាល​ខេត្ត​សៀមរាប តាមរយៈ​មន្ទីរ​អភិវឌ្ឍន៍ជនបទ​ខេត្ត ដោយ​លើក ទីមួយ​មាន​សម្ភារៈ​ប្រើប្រាស់​ក្នុងការ​ប្រយុទ្ធ​ប្រឆាំង​បង្ការ​ទប់ស្កាត់ ជំងឺ​កូ​វីដ​១៩ ក្នុង​ព្រឹត្តិការណ៍ ២០​កុម្ភៈ ឆ្នាំ២០២១។

ក្នុងនាម​លោក ទៀ សីហា អភិបាលខេត្ត លោក ពិន ប្រាកដ ក៏បាន​ធ្វើការ​ថ្លែងអំណរគុណ​ដល់​ទឹកចិត្ត​ដ៏​សប្បុរសធម៌ របស់​អង្គការ​UNICEF ក៏​ដូច​ថ្នាក់ដឹកនាំ​មន្ទីរ​អភិវឌ្ឍន៍​ជនបទ​ខេត្ត ដែល​បាន​ផ្តល់​ជូន​នូវ​សម្ភារៈ ក្នុង​កិច្ច​បម្រើ​ដល់​យុទ្ធនាការ ប្រយុទ្ធ​ប្រឆាំង​បង្ការ ទប់ស្កាត់​ជំងឺ​កូ​វីដ​១៩ ដល់​រដ្ឋបាល​ខេត្ត​សៀមរាប សំខាន់​សម្រាប់​យក​ទៅ​ប្រើ​ប្រាស់​នៅ​តាម​មណ្ឌល​ច​ត្តា​ឡី​ស័ក។ លោក​ក៏បាន​ជម្រាបជូន​ដល់​សប្បុរសជន​ថា ក្នុងករណី​ដែល​កម្ពុជា​យើង បាន​កំពុង​ជួប​នូវ​វិបត្តិ​ជំងឺ​កូ​វីដ១៩ ក្នុង​ព្រឹ​ត្តិ​ការណ៍​សហគមន៍ ២០​កុ​ម្ភៈ​ ឆ្នាំ២០២១​នេះ អាជ្ញាធរ​ខេត្ត​បាន​យកចិត្តទុកដាក់​អំពី សុខភាព​សាធារណៈ​របស់​ប្រជាពលរដ្ឋ សំខាន់​បងប្អូន​ធ្វើ​ចំណាកស្រុក​មកពី​ក្រៅ​ប្រទេស។

លោក​បាន​បន្ត​ទៀត​ថា ក្រោយពី​ការ​បិទ​យុទ្ធនា​ការចាក់​វ៉ាក់សាំង​ចំពោះ​ប្រជាពលរដ្ឋ​ចាប់ពី​អាយុ​១៨​ឡើងទៅ និង កុមារ​អាយុ​ពី​១២​ឆ្នាំ​ដល់​១៧ ឆ្នាំ​ហើយ​នោះ អាជ្ញាធរខេត្ត​បាន​បើក​យុទ្ធនា​ការចាក់​វ៉ាក់សាំង​ជូន​ដល់​កុមារ​ចាប់ពី​អាយុ​៦​ឆ្នាំ​ដល់​១១​ឆ្នាំ និង​បាន​បន្ត​ចាក់​ជូន​កុមារ​តូចៗ​ពី​អាយុ​៥​ឆ្នាំ ដើម្បី​សម្រប​ខ្លួន​យើង​គ្រប់រូប​ឲ្យ​ចេះ​រស់នៅ​ទៅតាម​គន្លង​បែប​ថ្មី​នៃ​កូ​វីដ​១៩។ ម្យ៉ាងទៀត​លោក​ក៏បាន​សំណូមពរ ដល់​អង្គការ​UNICEF ក៏​ដូច​ថ្នាក់ដឹកនាំ​មន្ទីរ​អភិវឌ្ឍន៍​ជនបទ​ខេត្ត ក៏​ដូច​សប្បុរសជន បន្ត​នូវ​ប្រពៃណី​វប្បធម៌​ចែករំលែក​នេះ ទៅតាម​បណ្តា​ក្រុង ស្រុក ផងដែរ។ ក្នុង​នោះដែរ​លោក​អភិបាលរង​ខេត្ត​បាន​បញ្ជាក់​ថា ចំពោះ​សម្ភារៈ​ទាំងនេះ​បន្ត​យក​ទៅ​ដាក់​សម្រាប់​ប្រើប្រាស់ នៅតាម​មណ្ឌល​ច​ត្តា​ឡី​ស័ក និង ប្រជាពលរដ្ឋ​ជួប​ការខ្វះខាត​នៅតាម​ក្រុង ស្រុក ក្នុង​បរិបទ​កូ​វីដ​នេះ។ ក្នុងនោះ​លោក​ក៏បាន​ធ្វើការ​អំពាវនាវ​ដល់​បងប្អូន​ប្រជាពលរដ្ឋ​ទាំងអស់ សំខាន់​នៅ​ខេត្តសៀមរាប សូម​បងប្អូន​ត្រូវ​ចូលរួម​សហការ​អនុវត្ត​វិធានការណ៍​របស់ រាជរដ្ឋាភិបាល ៣​កុំ ៣​ការពារ ឲ្យ​មាន​ប្រសិទ្ធភាព ខ្ពស់​បំផុត និង បន្ត​ប្រកាន់​នូវ​វិធាន​សុខាភិបាល ឲ្យ​បាន​ខ្ជាប់ខ្ជួន ព្រមទាំង​ត្រូវ​ចេះ​សម្របសម្រួល​ក្នុង​ការ​រស់នៅ​តាម​គន្លង​បែប​ថ្មី ជាមួយ​កូ​វីដ​១៩​នេះ៕

ដោយ ៖ គឿន​វេត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ១៥ នាទី មុន

ធ្លាយចចាមអារ៉ាមថា មេ MU ថៃ ត្រូវតុលាការចេញដីកាចាប់ខ្លួនពីបទឆបោក

ព័ត៌មានជាតិ២២ នាទី មុន

ទៅ​លេង​សៀមរាប​ ចាយត្រឹម ៥ ដុល្លារ ទទួល​​បទ​ពិសោធន៍​​ជិះ​កន្រ្តក​វិល​ខ្ពស់​បំផុត​ទី ៣ នៅ​អាស៊ាន

ព័ត៌មានជាតិ៣៤ នាទី មុន

គិត​ត្រឹម​ឆ្នាំ ២០២២ កម្ពុជាសម្រេចសាងសង់ផ្លូវសរុបបា​ន​ប្រវែងប្រមាណ ៦៦ ៧២៣​ គីឡូម៉ែត្រ

ជីវិតកម្សាន្ដ១ ម៉ោង មុន

មុនលាចាកលោក តួប្រុសរឿង នាងណាត ថៃ បន្សល់ស្នាដៃធំ ៥ សុទ្ធតែល្បីរន្ទឺប្រចាំប្រទេស

ព័ត៌មានអន្ដរជាតិ១ ម៉ោង មុន

រុស្ស៊ី ថា អាមេរិក គួរតែប្រញាប់ប្រាប់ព័ត៌មានរឿងវាយប្រហារភេរវកម្មនៅ​ក្រុងមូស្គូឲ្យហើយមក

ព័ត៌មានជាតិ៧ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

ព័ត៌មានអន្ដរជាតិ៣ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានអន្ដរជាតិ៧ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

កីឡា៣ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ព័ត៌មានជាតិ៦ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

Sokha Hotels

ព័ត៌មានពេញនិយម