ព័ត៌មានជាតិ

LaptopនិងTablet ជាង២០០គ្រឿងដែលចែកដល់រាជធានី ខេត្ត ទាំង២៥មានសារៈសំខាន់តាមតម្រូវការប្រចាំថ្ងៃ

បានផុស

២ years មុន

នៅ

ថ្ងៃព្រហស្បតិ៍ ១១ វិច្ឆិកា ២០២១

ដោយ

លោក វង សូត រដ្ឋមន្ត្រីក្រសួងសង្គមកិច្ចអតីតយុទ្ធជន និងយុវនីតិសម្បទាបានថ្លែងថា គ្រឿងបរិក្ខាព័ត៌មាន វិទ្យាដែលបានផ្តល់សម្រាប់រាជធានី ខេត្តទាំង២៥នោះ មានសារៈសំខាន់ណាស់ដើម្បីគ្រប់គ្រងកម្មវិធីជំនួយសង្គមផ្សេងៗ និងការប្រគល់តាប្លែត(Tablet) តាមរយៈក្រសួងមហាផ្ទៃ ដល់រដ្ឋបាលក្រុង ស្រុក ខណ្ឌទាំង២០៥ ដើម្បីតាមដានរដ្ឋបាលក្រុងស្រុកខណ្ឌទាំង២០៥ អនុវត្តនូវប្រព័ន្ធក្របខណ្ឌត្រួតពិនិត្យកម្មវិធីឧបត្ថម្ភសាច់ប្រាក់ ដែលបានអនុវត្តនៅរដ្ឋបាល ឃុំ សង្កាត់ និងមូលដ្ឋានសុខាភិបាលសាធារណៈ។ លោក វង សូត ថ្លែងបែបនេះក្នុងពេលប្រគល់គ្រឿងបរិក្ខាព័ត៌មានវិទ្យា Laptop ៣១គ្រឿង និងតាបប្លេត ២០៥គ្រឿង ដល់រាជធានី ខេត្ត ទាំង២៥ និងការិយាល័យសង្គមកិច្ច និងសុខុមាលភាពសង្គម ២០៥ ក្រុង ស្រុកខណ្ឌ នាថ្ងៃពុធ ៦កើត ខែ កត្តិក ឆ្នាំឆ្លូវ ត្រី ស័ក ពុទ្ធសករាជ ២៥៦៥ ត្រូវនឹងថ្ងៃទី១០ ខែ វិច្ឆិកា ឆ្នាំ២០២១ ម្សិលមិញនៅទីស្តីការក្រសួង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក វង សូត រដ្ឋមន្ត្រីក្រសួងសង្គមកិច្ចអតីតយុទ្ធជន និងយុវនីតិសម្បទាបានថ្លែងថា កិច្ចប្រជុំផ្តល់គ្រឿងព័ត៌មានវិទ្យានេះ គឺជាព្រឹត្តិការណ៍ដ៏មានសារសំខាន់មួយក្នុងការបូកសរុបនូវលទ្ធផលនៃការអនុវត្តកម្មវិធីឧបត្ថម្ភសាច់ប្រាក់ជូនស្ត្រីមានផ្ទៃពោះ និងកុមារអាយុក្រោម២ឆ្នាំ កម្មវិធីឧបត្ថម្ភសាច់ប្រាក់ជូនគ្រួសារក្រីក្រ និងងាយរងគ្រោះក្នុងអំឡុងពេលប្រយុទ្ធនឹងជំងឺកូវីដ-១៩ និង កម្មវិធីជំនួយសង្គមជាសាច់ប្រាក់ក្រោយពេលបិទខ្ទប់ ។ ពិសេសសម្រាប់ប្រជាពលរដ្ឋ និងគ្រួសារប្រជាពលរដ្ឋមានការលំបាកផ្នែកជីវភាពប្រជាពលរដ្ឋ និងគ្រួសារប្រជាពលរដ្ឋដែលមានអ្នកឆ្លងជំងឺកូវីដ-១៩ និងមានការលំបាកផ្នែកជីវភាព និងគ្រួសារប្រជាពលរដ្ឋ ដែលមានស្លាប់ដោយសារជំងឺកូវីដ-១៩ ក្នុងព្រឹត្តិការណ៍២០ ខែកុម្ភៈ ឆ្នាំ២០២១ ដែលបានអនុវត្តក្នុងរយៈពេល៩ខែ ឆ្នាំ២០២១ កន្លងមកនិងលើកទិសដៅអនុវត្តបន្ត និងប្រគល់កុំព្យូទ័រយូរដៃជូនមន្ទីរសង្គមកិច្ច អតីតយុទ្ធជន និងយុវនីតិសម្បទា រាជធានី ខេត្តទាំង២៥ ដើម្បីគ្រប់គ្រងកម្មវិធីជំនួយសង្គមផ្សេងៗ និងការប្រគល់តាប្លែត(Tablet) តាមរយៈក្រសួងមហាផ្ទៃ ដល់រដ្ឋបាលក្រុង ស្រុក ខណ្ឌ ទាំង២០៥ ដើម្បីតាមដានរដ្ឋបាលក្រុងស្រុកខណ្ឌទាំង២០៥ អនុវត្តនូវប្រព័ន្ធក្របខណ្ឌត្រួតពិនិត្យកម្មវិធីឧបត្ថម្ភសាច់ប្រាក់ ដែលបានអនុវត្តនៅរដ្ឋបាល ឃុំ សង្កាត់ និងមូលដ្ឋានសុខាភិបាលសាធារណៈ។

លោករដ្ឋមន្ត្រីបន្តថា កុំព្យូទ័រយូរដៃ និងតាប្លែត(Tablet) ដែលប្រគល់ជូននេះ ជាជំនួយឧបត្ថម្ភរបស់យូនីសេហ្វប្រចាំនៅកម្ពុជា សហភាពអឺរ៉ុប និងប្រទេសស៊ុយអ៊ែត ដើម្បីគាំទ្រដល់ការលើកកម្ពស់នូវប្រព័ន្ធគាំពារសង្គម ។

ជាទិដ្ឋភាពរួម គោលនយោបាយចម្បងរបស់រាជរដ្ឋាភិបាលគឺរក្សាសុខសន្តិភាព ស្ថិរភាពនយោបាយ និងសន្តិសុខជាតិ ដែលជាបុរេលក្ខខណ្ឌ ដ៏ចាំបាច់ដើម្បីសម្រេចបាននូវកំណើនសេដ្ឋកិច្ច កាត់បន្ថយភាពក្រីក្រ ការលើកកម្ពស់ជីវភាពរស់នៅ និងសេចក្តីថ្លៃថ្នូរបស់ប្រជាជនដោយផ្តោតការយកចិត្តទុកដាក់យ៉ាងខ្លាំងទៅលើសកម្មភាពគាំពារសង្គមនានា។ ផ្អែកលើចក្ខុ វិស័យខាងលើ និងឈរលើមូលដ្ឋាននៃសិ្ថរភាពនយោបាយ ស្ថិរភាពម៉ាក្រូសេដ្ឋកិច្ច និងវឌ្ឍនភាពក្នុងការអភិវឌ្ឍវិស័យសេដ្ឋកិច្ច-សង្គមកិច្ច រាជរដ្ឋាភិបាលបានដាក់ចេញនូវ “ក្របខ័ណ្ឌគោលនយោបាយជាតិគាំពារសង្គម ២០១៦-២០២៥” ក្នុងគោលបំណងធានានូវសន្តិសុខប្រាក់ចំណូល និងកាត់បន្ថយភាពងាយរងគ្រោះផែ្នកសេដ្ឋកិច្ច និងហិរញ្ញវត្ថុរបស់ប្រជាជន សំដៅលើកកម្ពស់សុខុមាលភាព និងសាមគ្គីភាពសង្គម ព្រមទាំងកាត់បន្ថយភាពក្រីក្រជាអតិបរមា។

ឆ្លើយតបនឹង “ក្របខ័ណ្ឌគោលនយោបាយជាតិគាំពារសង្គម ២០១៦-២០២៥” ក៏ ដូចជាបរិការណ៍ពិភព លោកនៃការរីករាលដាលនៃជំងឺកូវីដ-១ ៩ ដែលបានធ្វើឱ្យប៉ះពាល់ជាអវិជ្ជមាន ដល់សេដ្ឋកិច្ចពិភព លោក និងតំបន់ក្នុងនោះសម្រាប់កម្ពុជាបានទទួលរងផលប៉ះ ពាល់ដល់វិស័យមួយចំនួនផងដែរ ដូច្នេះហើយស្ថិត ក្នុងស្ថាន ការណ៍ដ៏លំបាក និងធ្ងន់ធ្ងរ នៃការរីករាលដាលនៃជំងឺកូវីដ១៩ ព្រឹត្តិការណ៍ ២០ កុម្ភៈ ២០២០ រាជរដ្ឋាភិបាលកម្ពុជាទោះបីដៃម្ខាងកំពុងសកម្មប្រយុទ្ធជាមួយផ្នែកសុខាភិបាលក្នុង ថែរក្សានូវសុខមាល ភាពប្រជាជនក្តី តែក៏មិនភ្លេចនូវការរក្សានូវលំនឹង និងលំហូរសេដ្ឋកិច្ចដោយការសម្រេចដាក់ចេញនូវកម្មវិធីជំនួយសង្គមជាសាច់ប្រាក់សម្រាប់គ្រួ សារដែលមានអ្នកស្លាប់ដោ យសារជំងឺកូវីដ-១៩ និងគ្រួសារ ដែលមានអ្នកឆ្លងជំងឺ កូវីដ-១ ៩និងការលំបាកផ្នែកជីវភាពក្នុងព្រឹត្តិការណ៍ ២០ ខែកុម្ភៈ ឆ្នាំ២០២០ ក្នុងគោលបំណង ដើម្បីជួយសម្រាល និងដោះស្រាយការលំបាករបស់គ្រួសារប្រជាពលរដ្ឋ ដែលមានកម្រិតជីវភាពទាបរស់នៅក្នុងភូមិសាស្ត្រ នៃតំបន់ដែលត្រូវបានអនុវត្តវិធានការបិទខ្ទប់ជាលក្ខណៈ ទ្រង់ទ្រាយធំនៃរាជធានីភ្នំពេញ និងក្រុងតាខ្មៅនៃខេត្តកណ្តាល ព្រមទាំងក្រុងព្រះសីហនុនៃខេត្តព្រះ សីហនុ និងគ្រួសារដែលមានអ្នកឆ្លងជំងឺកូវីដ-១៩ និងមានការលំបាកផ្នែកជីវភាព និងគ្រួសារដែលមានអ្នកស្លាប់ដោយសារជំងឺកូវីដ-១៩ នៅទូទាំងប្រទេស បន្ថែមលើកម្មវិធី ដែលកំពុងមានស្រាប់រួមមាន៖

ទី១- កម្មវិធីឧបត្ថម្ភសាច់ប្រាក់ជូនស្ត្រីមានផ្ទៃពោះ និងកុមារក្រោមអាយុ ២ឆ្នាំ ក្នុងគ្រួសារក្រីក្រ។

ទី២- កម្មវិធីឧបត្ថម្ភសាច់ប្រាក់ជូនគ្រួសារក្រីក្រ និងងាយរងគ្រោះក្នុងអំឡុងពេលប្រយុទ្ធនឹងជំងឺកូវីដ-១៩។

លោករដ្ឋមន្ត្រីសង្កត់ធ្ងន់ថា ទន្ទឹមនឹងការ សម្រេចបាន នូវវឌ្ឍនភាពគួរជាទីមោទនៈនេះ ក៏នៅមានកិច្ចការ និងបញ្ហាប្រឈម មួយចំនួនដែល ត្រូវផ្តោត ការយកចិត្តទុកដាក់ តាមរយៈការពង្រឹងប្រព័ន្ធតាមដានត្រួតពិនិ ត្យ និងការទប់ស្កាត់ភាពមិនប្រក្រតីរបស់មន្ត្រីអនុវត្តកម្មវិធីនៅថ្នាក់ឃុំ សង្កាត់មួយចំនួនតូច ជាពិសេស ការបង្កើនការយល់ដឹងដល់ប្រជាពលរដ្ឋនៅមូលដ្ឋាន ដើម្បីជៀសវាងការថ្នាំងថ្នាក់តែម្ដង៕

អត្ថបទ៖ វិមាន

Related Topics:លោក វង សូត