Connect with us

ព័ត៌មានជាតិ

​ផ្លូវជាតិ ២១បេ ជួសជុល​ប្រើ​ម៉ាស៊ីន Stabilizer រដ្ឋមន្រ្តី​ជំរុញ​​ធ្វើ​ឲ្យ​បាន​លឿន​បំផុត

បានផុស

នៅ

កំណាត់ផ្លូវជាតិលេខ២១បេ មានប្រវែង ប្រមាណ ៣ គីឡូម៉ែត្រ ចាប់ពីផ្លូវបំបែកផ្លូវជាតិលេខ ២ ដល់រង្វង់មូលស្ពានព្រែកសំរោង ស្ថិត​ក្នុងភូមិសាស្ត្រទឹកដីខេត្តកណ្តាល ត្រូវបានឯកឧត្តមទេសរដ្ឋមន្ត្រី ស៊ុន ចាន់ថុល ដឹកនាំក្រុមការងារបច្ចេកទេស​ក្រសួងចុះពិនិត្យមើលស្ថានភាព ដើម្បីរៀបចំជួសជុលស្តារធ្វើឱ្យប្រសើរឡើង​កាលពី​ថ្ងៃទី២៤ ខែវិច្ឆិកា ឆ្នាំ២០២១។

ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បាន​ឲ្យ​ដឹង​ថា ការចុះពិនិត្យនេះធ្វើឡើងក្នុងគោលបំណងដើម្បីពិនិត្យមើលលទ្ធភាព នៃការជួសជុលស្តារធ្វើឱ្យប្រសើរឡើងកំណាត់ផ្លូវនេះ ដោយប្រើគ្រឿងចក្រ Stabilizer ដែលជាបច្ចេកវិទ្យាទំនើប អាចកាត់បន្ថយផលប៉ះពាល់ចរាចរណ៍ ផលប៉ះពាល់បរិស្ថាននិងអាច​ជួយ​ឱ្យ​ផ្លូវកាន់តែមានភាពរឹងមាំ និងប្រើប្រាស់ជាប់បានយូរអង្វែង និងជួយសម្រួលដល់ការធ្វើដំណើរ និងការដឹកជញ្ជូនទំនិញផ្សេងៗរបស់បងប្អូនប្រជាពលរដ្ឋបានរហ័សទាន់ពេលវេលា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងដំណើរចុះពិនិត្យផ្លូវនេះ​ ឯកឧត្តមទេសរដ្ឋមន្ត្រី ក៏​បានណែនាំឱ្យក្រុមការងារបច្ចេកទេសក្រោមឱវាទត្រូវ​អនុវត្តការងារជួសជុលផ្លូវនេះឱ្យបានរួចរាល់លឿនបំផុត និងមានគុណភាពរឹងមាំ កុំឱ្យគេថាធ្វើមុខខូចក្រោយ ធ្វើក្រោយខូចមុខ ធ្វើយ៉ាងណាបញ្ជៀសការកកស្ទះចរាចរណ៍ក្នុងអំឡុងពេលសាងសង់ មិនបង្កការរំខានដល់ការធ្វើដំណើររបស់បងប្អូនប្រជាពលរដ្ឋ ជាពិសេសត្រូវអនុវត្តការសាងសង់ នៅចន្លោះម៉ោងណាដែលមានចរាចរណ៍តិចដើម្បីកាត់បន្ថយការកកស្ទះចរាចរណ៍ និងយកចិត្តទុកដាក់ពន្លឿនការងារសាងសង់ឱ្យបានឆាប់រហ័សផងដែរ។

ផ្លូវជាតិលេខ២១បេ នេះ មានប្រវែងសរុប ១២,៣៣ គីឡូម៉ែត្រ ចាប់ពីចំណុចផ្លូវបំបែកផ្លូវជាតិលេខ ២ រហូតដល់ចំណុចចុងបញ្ចប់ស្ថិត​នៅផ្លូវបំបែកផ្លូវជាតិលេខ១ ដោយឆ្លងកាត់ស្ពានព្រែកសំរោង៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ នាទី មុន

ធនាគារអេស៊ីលីដា ចាប់ផ្តើមពង្រីកហិរញ្ញប្បទានវិស័យកសិកម្មបន្ថែម ដើម្បីចូលរួមលើកកម្ពស់ជីវភាពកសិករកម្ពុជា

ព័ត៌មានជាតិ១០ នាទី មុន

អភិបាល​ខេត្ត​កំពង់ស្ពឺ ចូល​បម្រើ​រាជការ​ដោយសារ​​ចង់​ដើរ​តាម​គន្លង​ឪពុក

នយោបាយ១៧ នាទី មុន

លោក ប្រាក់ សុខុន ប្តេជ្ញាជួបលោកស្រី អ៊ុងសាន ស៊ូជី ឲ្យបាន នៅពេលទៅភូមាម្តងទៀតក្នុងខែកញ្ញាខាងមុខ

ព័ត៌មានអន្ដរជាតិ១៩ នាទី មុន

ប្រទេសសម្ព័ន្ធមិត្ត រុស្ស៊ី ថា ជម្លោះនៅ អ៊ុយក្រែន ត្រូវតែចប់ដើម្បីបញ្ចៀស “សង្គ្រាមនុយក្លេអ៊ែរ”

ព័ត៌មានជាតិ២០ នាទី មុន

ខេត្តស្វាយរៀងប្រកាសតែងតាំងប្រធាន និងអនុប្រធានមន្ទីរសុខាភិបាលថ្មី

Sokha Hotels

ព័ត៌មានពេញនិយម