ព័ត៌មានជាតិ
កម្ពុជានឹងទទួលបានវ៉ាក់សាំងជិត១លានដូសបន្ថែមទៀតពីយន្តការកូវ៉ាក់នៅចុងឆ្នាំនេះ
ប្រទេសកម្ពុជានឹងទទួលបានវ៉ាក់សាំងប្រមាណជិត១លានដូសបន្ថែមទៀតពីយន្តការកូវ៉ាក់នៅចុងឆ្នាំនេះដើម្បីចូលរួមប្រយុទ្ធប្រឆាំងនឹងជំងឺកូវីដ-១៩។
ថ្លែងក្នុងពេលអញ្ជើញទៅទទួលវ៉ាក់សាំងModerna ចំនួន ១៨៨.១៦០ដូស តាមរយៈយន្តការកូវ៉ាក់កាលពីយប់ថ្ងៃទី២៩ ខែវិច្ឆិកា លោកស្រី Foroogh Foyouzat តំណាងអង្គការយូនីសេហ្វប្រចាំកម្ពុជា បានមានប្រសាសន៍ថា ការផ្តល់ជំនួយជាវ៉ាក់សាំង Modernaតាមរយៈយន្តការកូវ៉ាក់នេះ គឺស្ថិតក្នុងចំណោមការផ្តល់ជាបន្តបន្ទាប់កន្លងមករបស់យន្តការកូវ៉ាក់មកកាន់កម្ពុជា ហើយមកទល់ពេលនេះចំនួនវ៉ាក់សាំងដែលបានដឹកជញ្ជូនមកដល់កម្ពុជាតាមរយៈយន្តការកូវ៉ាក់ គឺមានចំនួនច្រើនជាង៣លានដូស។
លោកស្រីបានបន្តថា វ៉ាក់សាំងស៊ីណូវ៉ាក់ ឬអាស្ត្រាហ្សេនេកាជាជំនួយរបស់យន្តការកូវ៉ាក់ ត្រូវបានរំពឹងថា នឹងមកដល់បន្ថែមទៀតប្រមាណ៩០ម៉ឺនដូសនៅចុងឆ្នាំនេះ ធ្វើឱ្យចំនួនវ៉ាក់សាំងកើនឡើងដល់ប្រមាណ៦០ភាគរយនៃចំនួនវ៉ាក់សាំងដែលយន្តការនេះបានសន្យាផ្តល់ឱ្យកម្ពុជា ប្រមាណ៦,៦លានដូស។
លោកស្រីបានពន្យល់ថា យន្តការកូវ៉ាក់គឺជាសម្ព័ន្ធភាពសកលក្រោមកិច្ចដឹកនាំរបស់សម្ព័ន្ធសកលសម្រាប់វ៉ាក់សាំង និងថ្នាំបង្ការ (GAVI) សម្ព័ន្ធនវានុវត្តន៍ដើម្បីត្រៀមទប់ទល់នឹងការរាតត្បាតនៃជំងឺ(CEPI) អង្គការសុខភាពពិភពលោក រួមជាមួយនឹងមូលនិធិសហប្រជាជាតិដើម្បីកុមារ(យូនីសេហ្វ)។ ក្នុងនាមជាអ្នកទិញវ៉ាក់សាំងធំជាងគេតែមួយគត់នៅក្នុងពិភពលោក យូនីសេហ្វ គឺជាស្ថាប័នធ្វើលទ្ធកម្ម និងផ្គត់ផ្គង់ឈានមុខគេសម្រាប់យន្តការកូវ៉ាក់។
លោកស្រីបានបន្តទៀតថា ប្រទេសកម្ពុជានៅតែជាប្រទេសមួយនៅក្នុងចំណោមប្រទេសនាំមុខគេនៅក្នុងពិភពលោក ចំពោះការផ្តល់វ៉ាក់សាំងកូវីដ-១៩ ដល់ពលរដ្ឋខ្លួន ដោយមានមនុស្សពេញវ័យច្រើនជាង ៩,៧លាននាក់ (៩៧% នៃក្រុមប្រជាជនគោលដៅ ដែលមានអាយុចាប់ពី១៨ឆ្នាំ) បានចាក់វ៉ាក់សាំងពេញលេញ។
លោកស្រីវេជ្ជបណ្ឌិត យក់ សម្បត្តិរដ្ឋលេខាធិការក្រសួងសុខាភិបាលបានមានប្រសាសន៍ថា កម្ពុជាគ្រោងនឹងទទួលបានវ៉ាក់សាំងជាបន្តបន្ទាប់នៅចុងឆ្នាំនេះ រហូតដល់ឆ្នាំក្រោយ ខណៈមកដល់ពេលនេះកម្ពុជាទទួលបានវ៉ាក់សាំងទាំងជំនួយនិងការបញ្ជាទិញប្រមាណ៤០លាន២៣ម៉ឺនដូសរួមទាំងវ៉ាក់សាំងModerna ចំនួន ១៨៨.១៦០ ដូសតាមរយៈយន្តការកូវ៉ាក់ផងដែរ៕
អត្ថបទ៖ សំអឿន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ