ព័ត៌មានជាតិ
អភិបាលខណ្ឌពោធិ៍សែនជ័យ អប់រំណែនាំជាលើកទី២ ដល់អ្នកបើកបររ៉ឺម៉កសណ្ដោង និងរថយន្ត ដែលដឹកសំពីងសំពោង
ភ្នំពេញ ៖ ដោយសារតែមិនអនុវត្តតាមសេចក្តីជូនដំណឹងរបស់អាជ្ញាធរខណ្ឌពោធិ៍សែនជ័យ បានឃាត់អ្នកបើកបររ៉ឺម៉កសណ្ដោង និងរថយន្ត ដែលដឹកសំពីងសំពោងមួយចំនួន ដែលបើកបរនៅលើកំណាត់ផ្លូវ មហាវិថី សហព័ន្ធរុស្ស៊ី អប់រំណែនាំជាលើកទី២ ដើម្បីបញ្ឈប់ការបើកបរបន្តទៀត។
លោក ប៉ាង លីដា អភិបាលរងខណ្ឌពោធិ៍សែនជ័យ ប្រាប់អោយដឹងថា នាថ្ងៃទី២៩ ខែវិច្ឆិកា ឆ្នាំ២០២១ លោក ហែម ដារិទ្ធិ អភិបាល នៃគណៈអភិបាលខណ្ឌពោធិ៍សែនជ័យ បានធ្វើការ អប់រំណែនាំជាលើកទី២ ទៅដល់អ្នកបើកបររ៉ឺម៉កសណ្ដោង និងរថយន្ត ដែលដឹកសំពីងសំពោងនៅលើកំណាត់ផ្លូវ មហាវិថី សហព័ន្ធរុស្ស៊ី ដែលបង្កឲ្យប៉ះពាល់សណ្ដាប់ធ្នាប់សាធារណៈ និងបង្កគ្រោះថ្នាក់ ដល់អ្នកធ្វើដំណើរ ដោយមិនអនុញ្ញាតឲ្យរត់លើផ្លូវនេះទៀតទេ។ បើនៅរឹងទទឹង តែក្រុមការងាររដ្ឋបាលខណ្ឌពោធិ៍សែនជ័យ ឃើញនឹងឃាត់ទុករយៈពេល មួយសប្ដាហ៍ ឬ មួយខែ ។
សូមជម្រាបជូនថា អាជ្ញាធរខណ្ឌពោធិ៍សែនជ័យ បានប្រកាសហាមឃាត់រ៉ឺម៉កសណ្ដោងម៉ូតូគ្រប់ប្រភេទ មិនឱ្យធ្វើចរាចរណ៍នៅលើបណ្ដោយផ្លូវសហព័ន្ធរុស្ស៊ី ស្ថិតក្នុងភូមិសាស្ត្រខណ្ឌពោធិ៍សែនជ័យ ចាប់ពីថ្ងៃទី ១៦ ខែវិច្ឆិកា ឆ្នាំ២០២១។
រដ្ឋបាលខណ្ឌពោធិ៍សែនជ័យឱ្យដឹងថា នៅតាមបណ្ដោយមហាវិថីសហព័ន្ធរុស្ស៊ី ជាមហាវិថីអន្តរជាតិ ដែលមានភ្ញៀវជាតិ-អន្តរជាតិ និងគណៈប្រតិភូកំពូលៗរបស់ជាតិ-អន្តរជាតិឆ្លងកាត់ស្ទើរជារៀងរាល់ថ្ងៃ ។
ដូច្នេះដើម្បីចៀសវាងការបាត់បង់នូវសណ្ដាប់ធ្នាប់ សោភ័ណភាព និងរបៀបរៀបរយសាធារណៈ រដ្ឋបាលខណ្ឌពោធិ៍សែនជ័យ សូមអំពាវនាវឱ្យប្រជាពលរដ្ឋ អាជីវករ ម្ចាស់ក្រុមហ៊ុន រោងចក្រ សាធារណជនទាំងអស់ ដែលប្រើប្រាស់ រ៉ឺម៉កសណ្ដោងម៉ូតូគ្រប់ប្រភេទ ហាមឃាត់ដាច់ខាត មិនឱ្យធ្វើចរាចរណ៍នៅលើបណ្ដោយផ្លូវសហព័ន្ធរុស្ស៊ី ស្ថិតក្នុងភូមិសាស្ត្រខណ្ឌពោធិ៍សែនជ័យ ចាប់ពីចំណុចព្រំប្រទល់ខណ្ឌសែនសុខ រហូតដល់ស្ពានអាកាសផ្លូវក្រោមដីរង្វង់មូលចោមចៅ។ ក្នុងករណីមិនអនុវត្តតាមខ្លឹមសារខាងលើ រដ្ឋបាលខណ្ឌនឹងចាត់វិធានការឃាត់ទុក និងផាកពិន័យ៕
ដោយ ៖ រ៉ាវុទ្ធ
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ