ព័ត៌មានជាតិ
កម្លាំងជំនាញចុះបង្ក្រាបឈ្មួញលក់ដូរសាច់សត្វព្រៃនៅផ្សារសាមគ្គីស្ទឹងត្រែង
សាច់សត្វព្រៃជាច្រើនប្រភេទដែលដាក់តាំងលក់យ៉ាងអនាធិបតេយ្យនៅជុំវិញផ្សារសាមគ្គីស្ទឹងត្រែងនៅវេលាម៉ោង៩និង៣០នាទីព្រឹកថ្ងៃទី១០ខែធ្នូ ឆ្នាំ២០២១នេះ ក្រោមការបញ្ជាផ្ទាល់ពីលោកនាយខណ្ឌរដ្ឋបាលព្រៃឈើខេត្ត ដឹកនាំដោយលោក ហ៊ុន សំអឿន នាយរងសង្កាត់ស្ទឹងត្រែង បានចុះបង្ក្រាប និងរឹបអូសសាច់សត្វព្រៃប្រមាណជិត៣០គីឡូក្រោម។
ក្នុងសកម្មភាពចុះបង្ក្រាបសាច់សត្វព្រៃខាងលើនេះ ត្រូវបានគេនិយាយថា ឈ្មួញហាក់បីដូចមានអ្នករាយការណ៍ឲ្យពួកអ្នកលក់សាច់សត្វព្រៃដឹងខ្លួនមុនរត់បាត់អស់ទើបកម្លាំងសមត្ថកិច្ចជំនាញចុះទៅដល់។
លោក ហ៊ុន សំអឿន នាយរងសង្កាត់ស្ទឹងត្រែង បានឲ្យដឹងថា ឈ្មួញលក់សាច់សត្វព្រៃជាមុខសញ្ញាចាស់ ដែលកម្លាំងសមត្ថកិច្ចជំនាញធ្លាប់បង្ក្រាបជាញឹកញាប់ និងខ្លះបានធ្វើកិច្ចសន្យាបញ្ឈប់ការលក់ដូរ និងខ្លះទៀតបានធ្វើការពិន័យផងដែរ តែសកម្មភាពនេះក្រុមឈ្មួញនៅតែបន្តលួចលាក់លក់ ពេលដែលកម្លាំងជំនាញចុះទៅដល់ ពួកគេបានរត់អស់។
លោកនាយរងសង្កាត់បានបន្តទៀតថា ក្រោយអ្នកលក់សាច់ព្រៃរត់គេចបាត់អត់ កម្លាំងជំនាញបានចុះរុករកនៅក្នុងទីផ្សារដែលពួកគេលាក់ទុកតាមក្បែរតូបអ្នកលក់ដូរក្នុងផ្សារនឹងដាក់ក្នុងធុងក្លាស្សេបានឃើញសាច់ជ្រូកសត្វព្រៃនិងសាច់កាំប្រម៉ាចំនួន២៦គីឡូ។
លោកបន្តថា សាច់សត្វព្រៃដែលបង្ក្រាបបានមានសាច់ជ្រូកព្រៃចំនួន១៩គីឡូ និងសត្វកាំប្រម៉ាមួយក្បាលទម្ងន់៧គីឡូ ត្រូវបានដកហូតយកមកផ្ទះខណ្ឌរដ្ឋបាលព្រៃឈើខេត្ត ធ្វើកំណត់ហេតុដើម្បីធ្វើការដុតបំផ្លាញចោល។
លោក ហ៊ុន សំអឿន នាយរងសង្កាត់បានបញ្ជាក់បន្ថែមថា លោកនឹងធ្វើការបង្ក្រាបជាប្រចាំដើម្បីចាត់វិធានការទៅលើក្រុមឈ្មួញដែលមិនគោរពតាមការណែនាំពីមន្ត្រីជំនាញ ទោះពួកគេបានធ្វើកិច្ចសន្យាបញ្ឈប់ការលក់ដូរសត្វព្រៃខុសច្បាប់ និងមានការផាកពិន័យក៏ដោយ ក៏ពួកគេនៅមិនរាងចាលដែរ៕
អត្ថបទ៖ ងិនលីម
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៣ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល