ព័ត៌មានជាតិ
រថយន្តហួសសុពលភាពឆៀក នៅខេត្តកោះកុងជាច្រើនគ្រឿង កំពុងសម្រុកទៅទទួលសេវាឆៀក
ថ្ងៃទី ១០ ខែធ្នូនេះ ជាថ្ងៃចុងក្រោយ សម្រាប់ការផ្តល់សេវាឆៀកយានយន្តជូនប្រជាពលរដ្ឋ នៅខេត្តកោះកុង គេសង្កេតឃើញថា មានក្រុមម្ចាស់យានយន្ត ដែលហួសសុពលភាពឆៀក កំពុងសម្រុកមកទទួលសេវា។
រថយន្តតូច-ធំ បានចតបន្តកន្ទុយគ្នាយ៉ាងវែង ចាប់ពីទីតាំងឆៀកកំពង់ផែក្រុងខេមរភូមិន្ទ រហូតដល់មុខអគាររដ្ឋបាលខេត្តកោះកុង ដើម្បីត្រៀមរង់ចាំទទួលសេវាឆៀក គ្រាទិដ្ឋភាពបែបនេះ ពុំមិនដែលឃើញពីមុនមកសោះឡើយ។
លោក សុន រ៉ា ប្រធានក្រុមការងារត្រួតពិនិត្យ លក្ខណៈបច្ចេកទេសយានយន្តចល័តក្រុមហ៊ុន HK បានឲ្យដឹងថា គិតចាប់ពីថ្ងៃទី ៦ ដល់ថ្ងៃនេះ បរិមាណចំនួនយានយន្ត ដែលមកទទួលសេវាត្រួតពិនិត្យលក្ខណៈបច្ចេកទេសយានយន្ត មានច្រើនហួសពីការប៉ាន់ស្មាន បើធៀបនឹងឆ្នាំទៅ។
លោក សុន រ៉ា បានសង្កត់ធ្ងន់ថា មូលហេតុដែលនាំឲ្យមាន ម្ចាស់រថយន្តសម្រុកមកទទួលសេវាយ៉ាងដូច្នេះ គឺព្រោះតែការខកខានមកផ្តល់សេវាចល័តជាងកន្លះឆ្នាំ ហើយអំឡុងពេលជំងឺកូវីដ-១៩ រីករាលដាលខ្លាំង ក្នុងខេត្តកោះកុង ក៏ដូចជាទូទាំងប្រទេសកម្ពុជា ទើបធ្វើឲ្យរថយន្តទាំងនោះ ហួសសុពលភាពឆៀក ពុំបានទទួលសេវាទាន់ពេលវេលា។
ទន្ទឹមនោះ ក្រុមហ៊ុនឆៀកចល័តមួយនេះ បានខិតខំផ្តល់សេវាយ៉ាងខ្លាំង ត្បិតដល់ម៉ោងសម្រាកក៏ដោយ ក៏បន្តធ្វើរហូតដល់យប់ម៉ោង ១០យប់។ ករណីការផ្តល់សេវាពុំបាន ពេញលេញដូចពេលមុនៗលោកសុំអធ្យាស្រ័យពីម្ចាស់យានយន្តផង។ ក្រុមហ៊ុន HK ៤ថ្ងៃនេះមក យានយន្តធំតូចជាង ៤០០គ្រឿង ហើយបានបំពេញការត្រួតពិនិត្យ លក្ខណៈបច្ចេកទេសយានយន្ត។
លោក យ៉ុង រិទ្ធិ ម្ចាស់រថយន្តដឹកជញ្ចូន និងយុវជន ប៊ុត សីហា ម្ចាស់រថយន្តប្រភេទទេសចរណ៍ នៅខេត្តកោះកុង បាននិយាយថា ពួកគាត់រង់ចាំ ២ថ្ងៃហើយ ទំរាំរថយន្តរបស់ខ្លួន មកដល់ទីតាំងឆៀកនេះ គ្រាមានរថយន្តជាច្រើនគ្រឿង ចតបន្តបន្ទាប់គ្នាមកទទួលសេវាឆៀក។
តំណាងពលរដ្ឋ ជាម្ចាស់យានយន្តដែលហួសសុពលភាពឆៀក យល់ស្របដែរថា ការមកទទួលសេវាលើកនេះ ខុសពីលើកមុនៗឆ្ងាយ ដោយមានរថយន្តហួសសុពលភាពជាច្រើន មកបំពេញកាតព្វកិច្ចតាមច្បាប់ខ្លាចរងការពិន័យជាថវិកា។ ការខកខានរបស់ពួកគាត់ ក៏មិនខុសពីម្ចាស់រថយន្តផ្សេងទៀតដែរ បញ្ហាកូវីដទើបមានការពន្យាពេលចុះមកផ្តល់សេវា។
លោកស្រី កង ភីរម្យ ប្រធានការិយាល័យចរាចរណ៍ផ្លូវគោក នៃមន្ទីរសាធារណការ និងដឹកជញ្ចូនខេត្តកោះកុង បានអរគុណចំពោះស្មារតីគោពរច្បាប់ របស់ប្រជាពលរដ្ឋម្ចាស់យានយន្តគ្រប់ប្រភេទ ដែលបានមកកាតព្វកិច្ច តាមច្បាប់កំណត់។
បើតាមលោកស្រី កង ភីរម្យ ប្រព័ន្ធស្វ័យប្រវត្តិកម្មរបស់ក្រសួង គឺដំណើរការប្រក្រតីនោះទេ គ្មានបញ្ហាអ្វីឡើយ អ្វីដែលខ្វះខាតផ្តល់សេវាបានពេញលេញ ដោយសារការរីករាលដាលជំងឺកូវីដតែម្តង ទើបពន្យាពេល។ ចំពោះម្ចាស់រថយន្តខកខាន ពុំបានទទួលសេវាឆៀកនៅពេលនេះ គឺអាចរង់ចាំនៅចុងខែមករា ដើមឆ្នាំ ២០២២ខាងមុខ៕
អត្តបទ៖ សិរី វឌ្ឍនៈ
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា៧ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ២ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ