ព័ត៌មានជាតិ

លោកឃួង ស្រេង ណែនាំ ថ្នាក់ដឹកនាំរដ្ឋបាលរាជធានី ការពារខ្លួនឲ្យខ្ជាប់ខ្ជួន ជៀសវាងការឆ្លងជំងឺកូវីដ-១៩ ក្នុងសកម្មភាពការងារពិនិត្យយកសំណាក

បានផុស

៦ years មុន

នៅ

ថ្ងៃចន្ទ ៧ ធ្នូ ២០២០

ដោយ

ភ្នំពេញ ៖ ដើម្បីឲ្យដំណើរការនៃការរៀបចំនេះទីតាំងដែលត្រូវ ពិនិត្យយកសំណាកជាលើកទី២ នៅទីតាំងពហុកីឡាដ្ឋានជាតិអូឡាំពិកនាថ្ងៃទី០៨ខែធ្នូស្អែកនេះ ដំណើរការបានល្អ មានលក្ខណៈងាយស្រួល នាល្ងាចថ្ងៃទី០៧ធ្នូនេះ លោកឃួង ស្រេងអភិបាលនៃគណៈអភិបាលរាជធានីភ្នំពេញបានចុះមកពិនិត្យទីតាំងនេះបន្ថែមទៀត ក្រោយពីបានរៀបចំដោយធ្វើរោងដាក់កៅអី បន្ទប់ដាក់គ្រឿងបរិក្ខារផ្សេងៗរួចហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឃួង ស្រេង ក្នុងឱកាសនោះ ក៏បានណែនាំដល់កងកម្លាំង ដូចជាមន្ត្រី ថ្នាក់ដឹកនាំរបស់រដ្ឋបាលរាជធានីភ្នំពេញទាំងអស់ ដែលត្រូវមកបំពេញការងារជាមួយមន្ត្រីរបស់ក្រសួងសុខាភិបាល នាថ្ងៃស្អែកនេះ ត្រូវប្រកាន់ភ្ជាប់នូវវិធានរបស់ក្រសួងសុខាភិបាល គឺត្រូវតែការពារខ្លួនឲ្យបានខ្ជាប់ខ្ជួនបំផុត ជៀសវាងការឆ្លងរាលដាលពីជំងឺកូវីដ-១៩នេះ ដោយយើងមិនដឹងថា ប្រជាពលរដ្ឋជាង៣០០០នាក់ដែលមកពិនិត្យយកសំណាកលើកទី២នេះ ពួកគាត់មានវិជ្ជាមានកូវីដ-១៩ឬយ៉ាងណានោះទេអ្វីដែលសំខាន់ គឺយើងត្រូវតែប្រុងប្រយ័ត្នឲ្យបានខ្ពស់បំផុត។

មន្ត្រីរដ្ឋបាលរាជធានីភ្នំពេញបានឲ្យដឹងថា ប្រជាពលរដ្ឋប្រមាណជាង៣០០០នាក់ ដែលសង្ស័យថា មានជំងឺកូវីដ-១៩ ហើយត្រូវមកពិនិត្យយកសំណាកជាលើកទី២នេះ នៅទីតាំងពហុកីឡាដ្ឋានជាតិអូឡាំពិកនាថ្ងៃទី០៨ខែធ្នូស្អែកនេះ។

ចំណែកនៅទីតាំងផ្សេងទៀតក៏នៅមានសកម្មភាពដដែរ ដូចជា នៅក្រសួងមហាផ្ទៃ ដើម្បីពិនិត្យយកសំណាកមន្ត្រីរបស់ក្រសួងមហាផ្ទៃ។ សម្រាប់សម្ដេច ស ខេងឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃនឹងពិនិត្យនៅគេហដ្ឋានរបស់សម្ដេច ហើយសម្ដេចហេងសំរិន ក៏ពិនិត្យយកសំណាកជាលើកទី២នៅហ្នឹងភូមិគ្រឹះរបស់សម្ដេចផងដែរ។ ចំណែកទីតាំងផ្សារអ៊ីអន១ ហាងស៊ុប សណ្ឋាគារមួយចំនួនណានោះមកពិនិត្យនៅពហុកីឡាដ្ឋានជាតិអូឡាំពិក ទាំងអ្នកផ្ទាល់និងប្រយោល។

គួរបញ្ជាក់ផងដែរថា ពហុកីឡាដ្ឋានជាតិអូឡាំពិកត្រូវបានក្រសួងសុខាភិបាល សហការជាមួយនឹងរដ្ឋបាលរាជធានីភ្នំពេញ សម្រេចជ្រើសរើសយកទីតាំងនេះ ដើម្បីធ្វើជាកន្លែងពិនិត្យយកសំណាកជាលើកទី២ កាលពីរសៀលថ្ងៃទី០៣ធ្នូ ឆ្នាំ២០២០កន្លងទៅ៕
ដោយ ៖ ស្រីរ័ត្ន

Related Topics:

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា