ព័ត៌មានជាតិ
ក្រៅពីគុណសម្បត្តិជាប្រវត្តិសាស្ត្រ គឺការរំដោះប្រទេស CPP មានច្រើនទៀត ដែលមិនអាចរៀបរាប់អស់
នេះជាការបញ្ជាក់របស់លោក សួន សេរីរដ្ឋា រដ្ឋលេខាធិការក្រសួងអភិវឌ្ឍជនបទ ដែលបានប្រាប់កម្ពុជាថ្មីនៅថ្ងៃនេះ និងបានអះអាងថា គណបក្សប្រជាជនកម្ពុជា ដែលបច្ចុប្បន្នដឹកនាំដោយសម្តេចតេជោ ហ៊ុន សែន ហើយជានាយករដ្ឋមន្ត្រីផងនោះ គឺឈរលើការពិត ក្នុងសមរភូមិពិត មិនមែនអាងលើការវិភាគបែបហេងសយឡើយ។
លោក សួន សេរីរដ្ឋា បានលើកឡើងថា ដោយសារជំហរនយោបាយរបស់គណបក្សប្រជាជនកម្ពុជា ឈរលើការពិត ដោះស្រាយបញ្ហាពិតជាក់ស្តែងនៅលើសមរភូមិនយោបាយពិតជាមួយប្រជាពលរដ្ឋ មិនរត់ចោលអ្នកគាំទ្រ មិនមើលងាយ មិនលាបពណ៌ក្រុមប្រជាពលរដ្ឋដែលប្រឆាំងខ្លួន ហើយពិសេសមិនទុកឲ្យក្រុមពលរដ្ឋប្រឆាំង ដែលមេរត់ចោលទាំងអស់នោះឯកោឡើយ។ ចំណែកពួកប្រឆាំងរវើរវាយ ដែលអូសទាញបានអ្នកគាំទ្រផ្កាប់មុខមួយចំណែកតូចនោះ ពួកគេផ្ញើវាសនាលើអ្នកវិភាគ (វីភរ) ដូរបាយស៊ី ដែលកំពុងឆ្កួតនឹងពាក្យថា “អ្នកវិភាគ” ដោយនិយាយបែបរវើរវាយគ្មានមូលដ្ឋានពិតប្រាកដ យកជាការមិនបាន។ ដូច្នោះហើយ បានជាពួកគេត្រូវរលាយក្សុលអស់។
បើតាមលោក សួន សេរីរដ្ឋា ការវិភាគដែលឈរលើការស្មាន និងការអុចអាល ចង់ឲ្យមេដឹកនាំ គណបក្សប្រជាជនកម្ពុជាឈ្លោះបែកបាក់គ្នានោះ បានក្លាយទៅជាវប្បធម៌របស់ក្រុមប្រឆាំងទៅហើយ។ ការវិភាគបែបឡប់ខួរក្បាល ដ៏គួរឲ្យអស់សំណើចបំផុតនោះ គឺសូម្បីតែព្រឹត្តិការណ៍ COVID-19 នៅថ្ងៃ ២៨ វិច្ឆិកា ក៏ពួកគេរកនឹកឃើញបង្កើតការវិភាគអុចអាលចង់ឲ្យគណបក្សប្រជាជនកម្ពុជាឈ្លោះបែកបាក់គ្នាដែរ។
លោកបន្តថា “ចរិតនយោបាយ អុចអាល លាបពណ៌ បំបែកបំបាក់ ចាក់សម្លាប់ខ្មែរគ្នាឯង មានអញអត់ឯង មានឯងអត់អញ គឺជាចរិតនយោបាយ ដែលមេដឹកនាំ នៃគណបក្សប្រជាជនកម្ពុជាស្អប់ជាទីបំផុត… ពិសេសសម្តេចតេជោ ហ៊ុន សែន ដែលលោកបានខិតខំធ្វើការពលិកម្មគ្រប់បែបយ៉ាង សូម្បីអាយុជីវិត ដើម្បីបុព្វជាតិ ធ្វើការបង្រួបបង្រួមខ្មែរ ចរចាស្វែងរកសន្តិភាពជូនជាតិមាតុភូមិ និងកសាងបានសន្តិភាពដោយបញ្ចប់សង្គ្រាមស៊ីវិលរវាងខ្មែរ និងខ្មែរ បានទាំងស្រុង រហូតមកដល់ពេលនេះ គឺសម្តេចតេជោ លោកស្អប់បំផុតក្រុមបក្សនយោបាយ ដែលមានចរិតនយោបាយ ចង់ឈ្នះតែឯងសម្រាប់ក្រុមខ្លួន ហើយជាន់ពន្លិចសម្លាប់ខ្មែរក្រុមបក្សដទៃនោះ”។
លោក សួន សេរីរដ្ឋា អះអាងដែរថា “ក្រៅពីគុណសម្បត្តិជាប្រវត្តិសាស្ត្រ ដែលគណបក្សប្រជាជនកម្ពុជាចូលរួមរំដោះប្រទេសពីនឹមអាណានិគមនិយមបារាំង ជួយរំដោះអាយុជីវិតប្រជាពលរដ្ឋពីរបបខ្មែរក្រហម ផ្តួចផ្តើមស្វែងរកការចរចាបញ្ចប់សង្គ្រាមស៊ីវិលរវាងខ្មែរ និងខ្មែរ និងរហូតយកឈ្នះបានទាំងស្រុងដោយការបញ្ចប់ក្បាលម៉ាស៊ីនដឹកនាំនយោបាយ និងយោធារបស់ខ្មែរក្រហម កសាងសន្តិភាពពេញលេញ និងធ្វើការកសាងអភិវឌ្ឍន៍ប្រទេសធ្វើឲ្យសេដ្ឋកិច្ចជាតិ និងចំណូលប្រជាពលរដ្ឋ មានការរីកចម្រើនដល់ថ្ងៃនេះ គឺគណបក្សនយោបាយផ្សេង ដែលបង្កើតតាំងពីឆ្នាំ១៩៩៣ មក និងបង្កើតក្រោយៗ ឬក៏បង្កើតថ្មីៗនេះ គ្មានអ្វីគួរឲ្យយកមកធ្វើការប្រៀបធៀបជាមួយទាល់តែសោះ”។
លោក សួន សេរីរដ្ឋា លើកឡើងទៀតថា ការពិតខ្លះដែលត្រូវលើកយកមកពិចារណា គឺទី១, ពេលក្រុមផ្កាប់មុខនិយាយថា គណបក្សប្រជាជនកម្ពុជា មិនមែនជាអ្នករំដោះពួកគេចេញពីរបបខ្មែរក្រហម… តែពួកគេបានរួចពីការកាប់សម្លាប់ បង្អត់បាយ ហើយរហូតអ្នកខ្លះមានឱកាសបានទៅរស់នៅបរទេសទៀតផង។
ទី២, ពេលពួកគេនិយាយថា ប្រទេសខ្មែរគ្មានសន្តិភាពទេ… តែពួកគេកំពុងរស់នៅក្នុងប្រទេសខ្មែរបច្ចុប្បន្ន ដែលគ្មានសង្គ្រាមស៊ីវិល គ្មានការភ័យស្លន់ស្លោរ រត់សឹក រត់គ្រាប់ផ្លោង។
ទី៣,ពេលពួកគេនិយាយថា ប្រទេសខ្មែរគ្មានការអភិវឌ្ឍន៍អ្វីទេ… តែពួកគេកំពុងបើកឡាន ធ្វើដំណើរលើផ្លូវ ឆ្លងស្ពាន ពីទីក្រុងទៅខេត្ត ពីខេត្តទៅខេត្ត ពីខេត្តទៅស្រុក ឃុំ និងតំបន់ជនបទ។
ទី៤,ពេលពួកគេនិយាយថា សេដ្ឋកិច្ចស្រុកខ្មែរកំពុងគាំងជិតដាច់ខ្យល់ហើយ… តែពួកគេខំចុះទិញដី លក់ដី ទិញផ្ទះទុកជួល បើកផ្ទះសំណាក់ សណ្ឋាគា ធ្វើការ៉ាសសាំង និងរកស៊ីដូរលុយពេញផ្សារ។
ដូច្នោះការពិត គឺនៅតែជាការពិត ហើយដោយសារគណបក្សប្រជាជនកម្ពុជា ដឹកនាំដោយ សម្តេចតេជោ ហ៊ុន សែន ជាមេគំនិត និងជាមេយុទ្ធសាស្ត្រ ដែលឈរលើការពិតជាក់ស្តែងនិយម ឈរជើងលើទីលានសមរភូមិពិតប្រាកដជាមួយប្រជាពលរដ្ឋ ជាមួយជនរងគ្រោះ ជាមួយនិងក្រុមដែលមេរត់ចោល ដោយមិនរវើរវាយអាងលើការវិភាគ (វិភរ) និងជាពិសេសយកផលប្រយោជន៍ជាតិ និងយកអាយុជីវិតរបស់ប្រជាពលរដ្ឋតម្កល់ទុកជាសំខាន់នោះ ទើបគណបក្សប្រជាជនកម្ពុជា ឈររឹងមាំជានិរន្ត ជាជំរើសទី១ របស់ប្រជាពលរដ្ឋខ្មែរជារៀងរហូត ដើម្បីដឹកនាំប្រទេស ធានានូវស្ថេរភាពនយោបាយ ការបង្រួបបង្រួមជាតិ ការពារសន្តិភាព និងអភិវឌ្ឍន៍ប្រទេស ជារៀងរហូត៕
ដោយ ៖ កោះកែវ
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
លោក ហេង សួរ ៖ កិច្ចប្រជុំកំពូលវាយនភណ្ឌសកល នឹងធ្វើឱ្យកម្ពុជាក្លាយជាគោលដៅទាក់ទាញទាំងអាជីវកម្មនិងវិនិយោគទុន
សម្តេចធិបតី ហ៊ុន ម៉ាណែត និងលោកជំទាវផ្ដល់ការឧបត្ថម្ភជាប្រចាំខែដល់កុមារកំព្រា និងកុមារមានទុក្ខលំបាកនៅមណ្ឌលមែកឈើ
រដ្ឋមន្ត្រីព័ត៌មាន៖ ក្រុមប្រឆាំងនៅក្រៅប្រទេសបង្កើតព័ត៌មានក្លែងក្លាយ ដើម្បីបញ្ឆេះកំហឹងពលរដ្ឋ ឱ្យផ្ដួលរំលំរដ្ឋាភិបាល
ក្រុមហ៊ុន Smart Axiata ទទូលបានពានរង្វាន់ “បរិយាបន្នឌីជីថល” ពីរឆ្នាំជាប់គ្នាៗ ពីកម្មវិធី AmCham CSR Excellence Awards
មីយ៉ាន់ម៉ា៖ ទឹក៤ដបជួយក្មេងស្រីឲ្យរស់ ទោះជាប់ក្រោមគំនរបាក់បែករហូត៥០ម៉ោង
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
ខេត្តវៀតណាម ជាប់កម្ពុជា កើតរញ្ជួយដី ៣លើកផ្ទួនៗ តែកម្រិតស្រាល
ក្លិនសាកសពស្អុយរលួយ សាយភាយក្នុងទីក្រុង Mandalay ខណៈតួលេខមនុស្សស្លាប់ នឹងហក់ឡើងខ្ពស់
យោធាមីយ៉ាន់ម៉ាបន្តការវាយប្រហារតាមអាកាសទោះបីមានរញ្ជួយដីក៏ដោយ
-
ព័ត៌មានអន្ដរជាតិ៣ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៧ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៧ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ១ សប្តាហ៍ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ១ ថ្ងៃ agoកើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី