កុមារ-យុវជន អាយុពី ១២ ដល់ក្រោម ១៨ ឆ្នាំ អាចចាក់វ៉ាក់សាំងដូសទី ៣ ពីដើមឆ្នាំក្រោយ

ក្រសួងសុខាភិបាល បានចេញសេចក្តីជូនដំណឹងពី ការចាក់វ៉ាក់សាំងកូវីដ១៩ (ស៊ីណូវ៉ាក់) ដូសជំរុញ ឬដូសទី៣ ជូនដល់កុមារ និងយុវវ័យ អាយុចាប់ពី ១២ ឆ្នាំ ដល់អាយុក្រោម ១៨ ឆ្នាំ ចាប់ពីដើមឆ្នាំ ២០២២ នេះតទៅ ។

យោងតាមសេចក្ដីជូនព័ត៌មាន នៅ ថ្ងៃទី២០ ខែធ្នូ ឆ្នាំ២០២១នេះ បានឱ្យដឹងថា គណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស (គ.វ.ក-១៩) នឹងផ្តល់ការចាក់វ៉ាក់សាំងកូវីដ-១៩ ដូសជំរុញ ឬដូសទី៣ ដោយប្រើប្រាស់វ៉ាក់សាំងស៊ីណូវ៉ាក់ ជូនដល់កុមារ និងយុវវ័យ ដែលមានអាយុចាប់ពី ១២ ឆ្នាំ ដល់អាយុក្រោម ១៨ ឆ្នាំ ដែលបានចាក់វ៉ាក់សាំងកូវីដ-១៩ ដូសទី១ និងដូសទី២ រួចរាល់ ហើយមានគម្លាតចាប់ពី ៤ ខែឡើង បន្ទាប់ពីការចាក់វ៉ាក់សាំងដូសទី ២ ដោយអនុវត្តនូវយុទ្ធសាស្ត្រផ្ការីករបស់ សម្តេចតេជោនាយករដ្ឋមន្ត្រី ដែលនឹងចាប់ផ្តើមចេញពីរាជធានីភ្នំពេញ ខេត្តកណ្តាល ខេត្តព្រះសីហនុ ខេត្តកោះកុង ចាប់ពីថ្ងៃទី ០៣ ខែ មករា ឆ្នាំ ២០២២ រួចបន្តទៅខេត្តកំពង់ស្ពឺ ខេត្តតាកែវ ខេត្តកំពង់ចាម និងខេត្តស្វាយរៀង ចាប់ពីថ្ងៃទី ១០ ខែមករា ឆ្នាំ ២០២២ និងនៅ តាមបណ្តាខេត្តផ្សេងៗជាបន្តបន្ទាប់ទៀត៕

សេចក្តីជូនដំណឹង និងកាលបរិច្ឆេទលម្អិត៖