ព័ត៌មានជាតិ

អាជ្ញាធរកំពុងខ្វល់ខ្វាយរឿងទប់ស្កាត់ជំងឺកូវីដ ខ្លាចឆ្លងដល់សហគមន៍បែរជាមានមនុស្សខូចមកលួចសង់ផ្ទះលើដីរដ្ឋ

បានផុស

៦ years មុន

នៅ

ថ្ងៃអង្គារ ៨ ធ្នូ ២០២០

ដោយ

ភ្នំពេញ ៖ ប្រជាពលរដ្ឋក៏ដូចជាអាជ្ញាធរនឹកហួសចិត្តដោយសារតែមានមនុស្សខិលខូចបែរជាមកលួចសង់ផ្ទះលើដីរបស់រដ្ឋ។

តាមប្រភពពីលោកយ៉ិន វុធ ចៅសង្កាត់ច្បារអំពៅទី២បានឲ្យដឹងថា កាលពីវេលាថ្ងៃត្រង់ ថ្ងៃទី៨ខែធ្នូនេះអាជ្ញាធរសង្កាត់ច្បារអំពៅទី២បានចុះទៅហាមឃាត់ប្រជាពលរដ្ឋមួយគ្រួសារបានមកលបលួចសង់ផ្ទះលើដីរបស់រដ្ឋស្ថិតនៅដីវាលចំណតកាណូតល្បឿនលឿនក្នុងភូមិដើមចាន់១សង្កាត់ច្បារអំពៅទី២ខណ្ឌច្បារអំពៅរាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកចៅសង្កាត់បន្តថា ដីនេះគឺពុំមានអ្នកណាម្នាក់មានសិទ្ធិមកសាងសង់ឬរំលោភយកដីឡើយព្រោះជាដីរបស់រដ្ឋ។ បើទោះជាដីនេះពុំទាន់មានសំណង់ក៏ដោយ។ដូច្នេះហើយទើបអាជ្ញាធរចុះទៅហាមឃាត់ជាបន្ទាន់ព្រមទាំងឲ្យរុះរើចេញជាបន្ទាន់។

តាមការអះអាងពីលោកយ៉ិន វុធ បញ្ជាក់ថាម្ចាស់សំណង់នេះត្រូវរុះរើឲ្យលឿនបំផុតមិនឲ្យហួសក្នុងថ្ងៃនេះឡើយ។

គួរបញ្ជាក់ថា ក្នុងរយៈពេលប៉ុន្មានថ្ងៃនេះអាជ្ញាធរកំពុងខ្វល់ខ្វាយនិងការទប់ស្កាត់ជំងឺកូវីដ១៩ដើម្បីកុំឲ្យឆ្លងរាលដាលសហគមន៍បែរជាមានជនខិលខូចមកលួចសាងសង់ផ្ទះលើដីរដ្ឋក្នុងកណ្តាលក្រុងបែបនេះ។នេះគឺជាល្បិច ចាញ់បានលុយ ឈ្នះបានដី របស់ជនខិលខូចមែន៕
ដោយ ៖ នរា