ចៅ​សង្កាត់​ព្រែកថ្មី​ជួសជុល​ផ្លូវលំ​៤ខែ្ស​ ងាយស្រួលធ្វើដំណើរ

ផ្លូវលំចំនួន៤ខ្សែ ស្ថិតក្នុងភូមិព្រែកថ្មី១ សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ ត្រូវបានជួស​ជុលរួចរាល់ជាស្ថាពរដោយការផ្តួចផ្តើមពីលោក លីវ វណ្ណថេង ចៅសង្កាត់ព្រែកថ្មីផ្ទាល់តែម្តង។

លោក លីវ វណ្ឌថេង បានប្រាប់កម្ពុជាថ្មីនៅថ្ងៃទី ៤ ខែមករា នេះថា​ផ្លូវលំទាំង៤ខែ្ស​ដែលស្ថិតក្នុង​ភូមិព្រែកថ្មី១ នេះគឺលោកបានផ្តួចផ្តើមជួសជុល​ឡើងបន្ទាប់ពីផ្លូវទាំង៤ខែ្សនេះ​បានរងនូវការខូច​ខាត​ក្នុងអំឡុងរដូវវស្សាកន្លងមក។

លោក លីវ វណ្ណថេង បានបញ្ជាក់ទៀតថា ដោយមើលឃើញនូវភាពលំបាករបស់​បងប្អូនប្រ​ជាពល​រដ្ឋក្នុងការធ្វើដំណើដឹកជញ្ជូនកសិផលចេញពីចំការដើម្បីយកទៅលក់នៅលើទីផ្សារនោះមក លោកក៏បានអំពាវស្វែងរកជំនួយយកមកជួសជុលផ្លូវលំទាំង៤ខ្សែដោយចាក់ក្រាលថ្មរម៉ិចហើយក្នុងនោះក៏មានការចូលរួមពីលោក លោកស្រីប្រធាននិងអនុប្រធានក្រុមការងាររបស់​គណបក្សប្រជាជន​កម្ពុជាចុះជួយមូលដ្ឋានសង្កាត់ព្រែកថ្មីយកជួសជុលបានរួចរាល់ជាស្ថាពរ។

ដោយឡែកបងប្អូនប្រជាពលរដ្ឋក្នុងភូមិព្រែកថ្មី១វិញ បានសំដែងនូវក្តីរីករាយជាខ្លាំង​បន្ទាប់ពីទទួល​បានផ្លូវថ្មីសម្រាប់ធ្វើដំណើបានដោយងាយស្រួលនិងមិនបារម្មណ៍ខ្លាចគ្រោះថ្នាក់ទៀតផង៕

អត្ថបទ៖ នរា