ព័ត៌មានជាតិ
រោងចក្រផលិតផលធ្វើដំណើរ និងស្បែកមួយចំនួន កំពុងប្រឈមនឹងខ្វះកម្លាំងពលកម្ម
ប្រធានសមាគមផលិតផលធ្វើដំណើរ និងស្បែកនៅកម្ពុជា បានឱ្យដឹងថា បច្ចុប្បន្ននេះមានរោងចក្រមួយចំនួនកំពុងតែខ្វះកម្លាំងពលកម្ម ដើម្បីបម្រើការងារនៅក្នុងផ្នែកផលិតស្បែក និងផលិតផលិតផលធ្វើដំណើរ។ ថ្លែងក្នុងឱកាសដឹកនាំគណៈប្រតិភូរបស់សមាគមជាមួយលោកឧកញ៉ា លី ឃុនថៃ ប្រធានកិត្តិយសសមាគមចូលជួបសម្តែងការគួរសមជាមួយលោកបណ្ឌិត អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈនៅព្រឹកថ្ងៃទី០៦មករានៅទីស្តីការក្រសួង លោក លឹម តុង ប្រធានសមាគមផលិតផលធ្វើដំណើរ និងស្បែកនៅកម្ពុជា បានមានប្រសាសន៍ថា មានរោងចក្រមួយចំនួនដែលជាសមាជិករបស់សមាគមនាពេលបច្ចុប្បន្ននេះ កំពុងតែខ្វះកម្លាំងពលកម្ម ដើម្បីបម្រើការងារនៅក្នុងផ្នែករោងចក្រផលិតផលធ្វើដំណើរ និងស្បែក។
លោកថា សមាគមចង់សហការបន្ថែមជាមួយក្រសួង ដើម្បីជ្រើសរើសកម្លាំងពលកម្មសម្រាប់បម្រើការងារនៅក្នុងច្រវ៉ាក់ផលិតកម្មរបស់រោងចក្រ។ ជាមួយគ្នានេះ លោកបានស្នើសុំរដ្ឋមន្ត្រីដោយអនុញ្ញាតឲ្យមានអ្នកតំណាងរបស់សមាគម មានវត្តមានចូលរួមនៅក្នុងកិច្ចប្រជុំសិក្ខាសាលា និងវេទិការនានារបស់រដ្ឋាភិបាល ដើម្បីសមាគមអាចមានលទ្ធភាពធ្វើការផ្សព្វផ្សាយបន្តទៅកាន់សមាជិកទាន់ពេលវេលានិងអាចបង្កើនទំនុកចិត្តក្នុងការទាក់ទាញអ្នកវិនិយោគទុនបរទេសមកដាក់ទុនវិនិយោគ បង្កើតរោងចក្រដើម្បីផ្តល់ការងារជូនពលរដ្ឋកម្ពុជាកាន់តែច្រើនបន្ថែមទៀត។
ទន្ទឹមនឹងនេះ សមាគមមានបំណងសហការជាមួយក្រសួងឲ្យបានល្អប្រសើរជាងនេះទៀតដោយរៀបចំឲ្យមានជាកិច្ចព្រមព្រៀងលើអនុស្សរណៈនៃការយោគយល់គ្នាក្នុងពេលណាមួយ។
លោកបណ្ឌិត អ៊ិត សំហេង បានគាំទ្រចំពោះការស្នើសុំរបស់សមាគម ដែលឲ្យមានជាកិច្ចព្រមព្រៀងលើអនុស្សរណៈនៃការយោគយល់គ្នាជាមួយក្រសួង និងក្នុងការចូលរួមនៅក្នុងកិច្ចប្រជុំនានារបស់តំណាងសមាគម ដែលរៀបចំឡើងដោយក្រសួង ។ ចំពោះបញ្ហាប្រឈមកង្វះកម្លាំងពលកម្មរបស់រោងចក្រមួយចំនួនរបស់សមាគមលោករដ្ឋមន្ត្រី បានស្នើសមាគម សហការជាមួយនឹងទីភ្នាក់ងារជាតិមុខរបរ និងការងារ ដើម្បីធ្វើការផ្សព្វផ្សាយពីឱកាសការងារ និងរើសកម្លាំងពលកម្មផ្គត់ផ្គង់ដល់រោងចក្រទាំងនោះ។ សម្រាប់កម្លាំងពលកម្មជំនាញវិញ ខាងសមាគមអាចទាក់ទងផ្ទាល់តាមគ្រឹះស្ថានអប់រំ បណ្តុះបណ្តាល បច្ចេកទេស និងវិជ្ជាជីវៈ ក្រោមឱវាទរបស់ក្រសួងបានគ្រប់ពេល ដើម្បីរើសជំនាញតាមអ្វីដែលជាតម្រូវការ។
លោករដ្ឋមន្ត្រី ក៏បានស្នើឱ្យកំណត់ពេលជាទៀងទាត់ណាមួយ ដើម្បីជួបពិភាក្សាការងារជាមួយសមាគម តែបើខាងសមាគមមានបញ្ហាប្រឈមអ្វីមួយចង់ឲ្យក្រសួងជួយដោះស្រាយអាចធ្វើការទំនាក់ទំនង ឬមកកាន់ក្រសួងដោយផ្ទាល់ក៏បាន ដើម្បីក្រសួងធ្វើការដោះស្រាយ និងសម្របសម្រួលជូន។
គួរបញ្ជាក់ថា សមាគមផលិតផលធ្វើដំណើរ និងស្បែកនៅកម្ពុជា បានបង្កើតឡើងក្នុងឆ្នាំ២០១៩ តែដោយសារតែមានការរំខានពីការរាតត្បាតនៃជំងឺកូវីដ-១៩ ទើបធ្វើឱ្យសមាគមមានសកម្មភាពឡើងវិញក្នុងឆ្នាំ២០២១៕ ដោយ ៖ សំអឿន
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ