ព័ត៌មានជាតិ
គិតត្រឹមថ្ងៃនេះ នៅខេត្តកំពត មានពលរដ្ឋបានចាក់វ៉ាក់សាំងដូសជំរុញ ជាង ៥ម៉ឺននាក់
គិតត្រឹមថ្ងៃនេះ នៅខេត្តកំពត មានប្រជាពលរដ្ឋទទួលបាន ការចាក់វ៉ាក់សាំងបង្ការជំងឺកូវីដ-១៩ លើកទី៣ ឬដូសជំរុញចំនួន ៥៤,៣៨៥នាក់ ស្មើនឹង ១២.០៦ភាគរយ នៃផែនការ។ នេះបើតាមការឲ្យដឹងពីលោក ញា ប៊ុនថន ប្រធានមន្ទីរសុខាភិបាលខេត្តកំពត នៅព្រឹកថ្ងៃទី ១២ ខែមករា ឆ្នាំ ២០២២។
ប្រធានមន្ទីរសុខាភិបាលខេត្តកំពត បានប្រាប់ភ្នាក់ងារកម្ពុជាថ្មីថា កន្លងមកការចាក់វ៉ាក់សាំងបង្ការ ជំងឺកូវីដ-១៩ ចាប់ពីដូសទី ១ រហូតដល់ដូសទី ៣ ឬដូសជំរុញ ផ្នែកជំនាញ ក៏ដូចជាអាជ្ញាធរគ្រប់ជាន់ថ្នាក់ បានធ្វើការផ្សព្វផ្សាយ ជូនដំណឹងដល់សាធារណជន ពិសេសប្រជាពលរដ្ឋទូទៅក្នុងខេត្តកំពត ដែលមានអាយុចាប់ពី ១៨ឆ្នាំឡើងទៅ មកទទួលការចាក់វ៉ាក់សាំងកូវីដ-១៩ ឲ្យបានគ្រប់ៗគ្នា ដើម្បីការពារសុខភាព និងរួមចំណែកក្នុងការទប់ស្កាត់ ការឆ្លងរាលដាលជំងឺកូវីដ-១៩ នៅក្នុងសហគមន៍ ពិសេសមេរោគបំប្លែងថ្មី ដែលមានឈ្មោះថា អូមីក្រុង (Omicron)។
លោក ញា ប៊ុនថន បានបញ្ជាក់ទៀតថា កម្មវិធីចាក់វ៉ាក់សាំងកូវីដ-១៩ ត្រូវប្រព្រឹត្តឡើងជាបន្តបន្ទាប់ ចាប់ពីដូសទី ១ ដល់ដូសទី ២។ លុះចាក់បាន ២ដូសរួច បានចំនួន ៤ខែហើយនោះ នឹងអនុញ្ញាតឲ្យមន្ត្រីរាជការ កងកម្លាំងប្រដាប់អាវុធ និងប្រជាពលរដ្ឋ អាចចាក់ដូសទី ៣ ឬដូសជំរុញបន្តទៀត ដោយការអនុវត្ត គ្មានគិតថ្ងៃបុណ្យ ឬជាថ្ងៃសៅរ៍ អាទិត្យនោះឡើយ។
ដោយឡែក លោក ស៊ីន ចូវ ប្រធានកម្មវិធីផ្តល់ថ្នាំបង្ការ នៃមន្ទីរសុខាភិបាលខេត្តកំពត បានបញ្ជាក់ដែរថា ការចាក់វ៉ាក់សាំងជូនមន្ត្រីរាជការ និងប្រជាពលរដ្ឋលើកទី ៣ ឬដូសជំរុញនេះ ត្រូវបានអនុវត្តយ៉ាងផុលផុស គឺពុំបានគិតថាថ្ងៃសៅរ៍ ឬជាថ្ងៃអាទិត្យនោះឡើយ ដោយក្រុមការងារជាបុគ្គលិកពេទ្យនៅគ្រប់មន្ទីរពេទ្យបង្អែក ក៏ដូចជាមណ្ឌលសុខភាពទូទាំងខេត្ត ទាំង ៩ក្រុង-ស្រុក បាននិងកំពុងរង់ចាំទទួលសេវាចាក់វ៉ាក់សាំងកូវីដ-១៩ ជូនប្រជាពលរដ្ឋ។
ក្នុងដំណាក់កាលនេះ មន្ត្រីជំនាញបានធ្វើការអប់រំផ្សព្វផ្សាយ ដល់ប្រជាពលរដ្ឋ និងសាធារណជន ដែលមិនទាន់បានចាក់វ៉ាក់សាំងលើកទី ៣ សូមឲ្យប្រជាពលរដ្ឋមកចាក់ឲ្យបានគ្រប់ៗគ្នា ដែលបច្ចុប្បន្នក្រុមការងារ មន្ត្រីជំនាញកំពុងបម្រើសេវា នៅតាមមន្ទីរពេទ្យបង្អែក និងតាមមណ្ឌលសុខភាព តាមបណ្តាឃុំ-សង្កាត់ទាំងអស់ នៃខេត្តកំពត៕
អត្ថបទ៖ សេង ណារិទ្ធ
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ១ សប្តាហ៍ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៧ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល