Connect with us

ព័ត៌មានជាតិ

កម្ពុជា​លែង​​ឲ្យ​សាងសង់​រោងចក្រអគ្គិសនី​ ដើរ​ដោយ​ធ្យូងថ្ម​

បានផុស

នៅ

ភ្នំពេញ៖ ចាប់ពីឆ្នាំ២០២២នេះតទៅ រដ្ឋាភិបាលកម្ពុជានឹងលែងឱ្យមានការសាងសង់ស្ថានីយអគ្គិសនី​ដើរ​ដោយធ្យូងថ្មបន្ថែមទៀតហើយ ដើម្បីរក្សានិរន្តរភាពនៃសន្តិសុខថាមពលអគ្គិសនី និងកំណើនសេដ្ឋកិច្ច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហេង គន្ធលាង អ្នកនាំពាក្យក្រសួងរ៉ែនិងថាមពលមានប្រសាសន៍នៅថ្ងៃទី២១មករានេះថា ជាគោលនយោបាយរបស់រាជរដ្ឋាភិបានកម្ពុជាគឺបញ្ឈប់ការសាងសង់ស្ថានីយធ្យូងថ្មបន្ថែមទៀតចាប់ពីឆ្នាំ២០២២នេះតទៅ ដោយផ្តោតទៅលើការប្រើប្រាស់ការឥន្ធនៈផូស៊ីល ដែលជួយរក្សានិរន្តរភាពនៃសន្តិសុខថាមពលអគ្គិសនី និងកំណើនសេដ្ឋកិច្ច។ ប៉ុន្តែចំពោះស្ថានស្ថានីយធ្យូងថ្មចំនួន៣ទីតាំង ដែលកំពុងដំណើរការសាងសង់គឺនៅតែបន្តដំណើរការដដែល។

លោកបានបន្តថា ស្ថានីយធ្យូងថ្មចំនួន៣ទីតាំង ដែលមានអនុភាពជាង១៦០០មេហ្គាវ៉ាត់កំពុងដំណើរការសាងសង់នៅតាមខេត្តចំនួន៣ រួមមានស្ថានីយធ្យូងថ្មមានអនុភាព៧០០មេហ្គាវ៉ាត់នៅ ស្រុកស្ទឹងហាវខេត្តព្រះសីហនុ ស្ថានីយធ្យូងថ្មមានអនុភាព៧០០មេហ្គាវ៉ាត់នៅស្រុកបទុមសាគរខេត្តកោះកុង និងស្ថានីយធ្យូងថ្មមានអនុភាព២៦៥មេហ្គាវ៉ាត់នៅភាគខាងជើងខេត្តឧត្តរមានជ័យ ដោយប្រើប្រាស់ប្រភពធ្យូងថ្មរ៉ែក្នុង​ស្រុក​ផ្ទាល់។

បច្ចុប្បន្ននេះមានស្ថានីយធ្យូងថ្មចំនួន៣កន្លែង កំពុងដំណើរការរួចហើយដែលមានអនុភាពតម្លើងសរុបចំនួន៦៧៥មេហ្គាវ៉ាត់មានទីតាំងនៅស្រុកស្ទឹងហាវខេត្តព្រះសីហនុ។

ថ្លែងក្នុងវេទិកាថាមពលអាស៊ីបូព៌ាលើកទី៤ ស្តីពី“ការផ្លាស់ប្តូរនៃថាមពលដែលបញ្ចេញកាបូនទាបនៅក្នុងតំបន់អាស៊ាន”  តាមប្រព័ន្ធវីដេអូពីចម្ងាយកាលពីខែកញ្ញា ឆ្នាំ២០២១កន្លងទៅ លោកស៊ុយ សែម រដ្ឋមន្ត្រីក្រសួងរ៉ែ និងថាមពល បានមានប្រសាសន៍ថានៅក្នុងឆ្នាំ២០២១ ប្រភពផ្គត់ផ្គង់ថាមពលបឋមរបស់កម្ពុជារួមមានប្រមាណ៦០ភាគរយ បានមកពីការប្រើប្រាស់ឥន្ធនៈផូស៊ីល ក្នុងនោះមានធ្យូងថ្ម និងប្រេង។ ចំណែកថាមពល៤០ភាគរយទៀត បានមកពីប្រភពកកើតឡើងវិញរួមមានវារីអគ្គិសនី ថាមពលដើរដោយពន្លឺព្រះអាទិត្យ និងជីវម៉ាស់។

លោករដ្ឋមន្ត្រី បានមានប្រសាសន៍បន្តថា ការប្រើប្រាស់ការឥន្ធនៈផូស៊ីលតាមរបៀបមួយស្អាត ដែលប្រើប្រាស់បច្ចេកវិទ្យាចាប់យកប្រើប្រាស់ និងស្តុកកាបូនទុក គឺជាកត្តាចាំបាច់បំផុត គួបផ្សំនឹងការអនុវត្តឱ្យបានខ្ជាប់ខ្ជួននូវគោលនយោបាយប្រសិទ្ធភាព និងការសន្សំសំចៃថាមពល និងការដាក់ចេញជាបន្ទាន់នូវផែនការអភិវឌ្ឍន៍ថាមពលកកើតឡើងវិញ៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៣ ម៉ោង មុន

ឧកញ៉ា ឡេង ប្រុស ឧបត្ថម្ភ​ថវិកា ១០​លាន​រៀល​ភ្លាម​ដល់​កីឡាករ ឡុង ជិន សង់ផ្ទះ​ក្រោយ​ខ្យល់​ខ្លាំង​បាក់​រំលំ​ខ្ទិច​អស់

ព័ត៌មានជាតិ១៣ ម៉ោង មុន

គណបក្ស​ប្រជាជន​កម្ពុជា​ទីក្រុង​មែ​ល​ប៊​ន អបអរសាទរ​ខួប​អនុស្សាវរីយ៍​លើក​ទី​៧១ ថ្ងៃ​បង្កើត​គណបក្ស

ព័ត៌មានជាតិ១៤ ម៉ោង មុន

ខួប​លើក​ទី​៥៥ នៃ​ទំនាក់ទំនង​ការទូត​រវាង​កម្ពុជា​-​វៀតណាម

ព័ត៌មានជាតិ១៤ ម៉ោង មុន

លោក ញឹក ប៊ុនឆៃ៖ អ្នក​សង្កេតការណ៍ជាតិ អន្តរជាតិ មិនបាន​​រៀបចំឱ្យនិយាយ​ល្អ​ពី​កម្ពុជាទេ

សន្តិសុខសង្គម១៥ ម៉ោង មុន

សមត្ថកិច្ច​ដកហូតកាំភ្លើង​ពិត​ និងកែច្នៃ​ជាង ៤០ ដើម​ក្រោយករណីផ្ទុះអាវុធ​បណ្ដាល​ឱ្យអធិការ​រង​នគរ​បាលក្រុងព្រះសីហនុ​រងរបួស​

Sokha Hotels

ព័ត៌មានពេញនិយម