Connect with us

ព័ត៌មានជាតិ

អ្នកឧកញ៉ា ម៉ុង ឫទ្ធី ស្នើកុំឱ្យសាងសង់ចេតិយច្រើនពេកក្នុងវត្ត

បានផុស

នៅ

អ្នកឧកញ៉ា ម៉ុង ឫទ្ធី ប្រធានក្រុមហ៊ុន ម៉ុង ឫទ្ធី គ្រុប ថ្មីៗនេះ បានមានប្រសាសន៍សរសើរវត្តគល់ទទឹង ដែលបានរៀបចំវត្តបានល្អ ដោយមិនឃើញមានចេតិយច្រើនស្កះពេញវត្ត។ ធម្មតាក្រោយពីការស្លាប់ត្រូវយកធាតុដាក់នៅចេតិយ ប៉ុន្តែអ្នកឧកញ៉ា ចង់ឱ្យធ្វើម៉េច កុំឱ្យសាងសង់ចេតិយក្នុងវត្តច្រើនពេក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកឧកញ៉ា បញ្ជាក់បន្ថែមថា កូនចៅដែលដឹងគុណឪពុកម្ដាយ គួរទំនុកបំរុង ផ្ដល់កន្លែងស្នាក់នៅសមរម្យពេលលោកនៅមានជីវិត ប្រសើរជាងពេលឪពុកម្ដាយស្លាប់ហើយ ទើបនាំគ្នាអង្គាសលុយធ្វើចេតិយជូនអ្នកមានគុណ។ កូនចៅបានត្រឹមតែធ្វើបុណ្យឧទ្ទិសជូនវិញ្ញាក្ខខន្ធឪពុកម្ដាយ ​ចំណែកផលបុណ្យបានទៅដល់ ឬមិនដល់អស់លោក ក៏មិនដឹង។

ប្រធានក្រុមហ៊ុន ម៉ុង ឫទ្ធី គ្រុប រូបនេះ បានលើកឡើងថា កូនចៅមិនបាច់អង្គាសលុយគ្នាធ្វើចេតិយថ្មីសម្រាប់ដាក់ធាតុឪពុកម្ដាយមួយគ្រួសារ១ៗនោះទេ ប្រសិនជាអាច គឺយកធាតុអ្នកមានគុណមកដាក់ចេតិយដែលលោកសង់សម្រាប់ដាក់ធាតុរួមគ្នាក៏បាន ហើយបើចង់ចូលរួមបច្ច័យចាប់មគ្គផលក៏បាន បើអត់លទ្ធភាពក៏អ្នកឧកញ៉ាទទួល ដោយលោកបានក៏ត្រៀមផ្ដល់កោដ្ឋសម្រាប់ដាក់ធាតុថែមទៀត។ លោកគ្រោងនឹងបង្ហើយចេតិយនោះ នៅចុងឆ្នាំ ២០២២ នេះ។

អ្នកឧកញ៉ា ម៉ុង ឫទ្ធី បានប្រកាសទៅអ្នកមានលុយទាំងឡាយថា បើអត់បានចាយលុយ នោះមិនមែនជាលុយខ្លួនទេ ហើយបើចង់ធ្វើបុណ្យ ត្រូវធ្វើទាន់ដៃអត់ទាន់ជាប់សេរ៉ូម គួរឆ្លៀតខំធ្វើបុណ្យផង ធ្វើទានផង សាងអំពើល្អឱ្យបានច្រើនផង។

ព្រះភិក្ខុ វជិរប្បញ្ញោ គូ សុភាព មានថេរដីកាថា កន្លងមកធ្លាប់មានញាតិញោមចង់ចូលរួមកសាងចេតិយរួមនេះដែរ តែព្រះតេជគុណ ឱ្យពួកគេចាំចូលជាមួយអ្នកឧកញ៉ាផ្ទាល់។ ព្រះតេជគុណ មានសង្ឃដីកា បន្តថា នៅក្រោមព្រះវិហារ គណៈកម្មាការវត្តគល់ទទឹង បានរៀបចំកន្លែងជាថតៗសម្រាប់ដាក់ធាតុរួម ដោយសារគោលការវត្ត បានសុំអភ័យទោសញាតិញោម គឺវត្តអត់មានដីសម្រាប់ធ្វើចេតិយឯកជនមួយៗពេញវត្តទេ។

ជុំវិញករណីសាងសង់ចេតិយពេញវត្តនេះ លោក សេង សុមុនី រដ្ឋលេខាធិការ និងជាអ្នកនាំពាក្យក្រសួងធម្មការ និងសាសនា បានមានប្រសាសន៍ ប្រាប់ “កម្ពុជាថ្មី” ថាកន្លងមក ក្រសួងបានជូនដំណឹងដល់ចៅអធិការ និងគណៈកម្មការវត្ត ក្នុងការចាត់ចែង គ្រប់គ្រង កុំឱ្យសាងសង់ចេតិយថ្មី ដែលធ្វើឱ្យប៉ះពាល់សោភណ្ឌភាព និងទីធ្លាបរិវេណវត្តអារាមបន្ថែមទៀត តាមរយៈជំរុញឱ្យមានការសាងសង់ចេតិយធំមួយសម្រាប់ដាក់អដ្ឋិធាតុរួមគ្នា។ ជាមួយគ្នានេះ លោកបានស្នើ​ពុទ្ធបរិស័ទ យោគយល់ចំពោះករណីនេះ ដោយសុំឱ្យបើកចិត្តកុំចង់សង់ចេតិយតែឯងឯកជន គួរយកអដ្ឋិធាតុអ្នកមានគុណ ឬញាតិមិត្ត មកដាក់នៅកន្លែងតម្កល់ ឬចេតិយរួម និងធ្វើបុណ្យរួមគ្នា៕

អត្ថបទ៖ ច័ន្ទ វីរៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥៦ វិនាទី មុន

៤ ច្រក​សំខាន់ មមាញឹក​ជាច្រក​​​ដឹកជញ្ជូន​ទំនិញដ៏សំខាន់​ចេញចូល​ប្រទេស​កម្ពុជា

ព័ត៌មានជាតិ៦ នាទី មុន

មន្ត្រីជាន់ខ្ពស់ការងារ អំពាវនាវ រោងចក្រ បន្តចូលរួមអនុវត្តលក្ខខណ្ឌការងារ​ឱ្យបានល្អ លើកកម្ពស់សុខសុវត្ថិភាពកម្មករ

ព័ត៌មានជាតិ១៤ នាទី មុន

ហូលពិតានខ្មែរ អាចប្រឈមនឹងការបាត់បង់ ខណៈបច្ចុប្បន្ន ក្នុងសារមន្ទីរជាតិមានត្រឹមតែ ៧០ផ្ទាំង តែប៉ុណ្ណោះ

ព័ត៌មានជាតិ២៥ នាទី មុន

តើគួរធ្វើបែបណា ទើបអាចទប់ស្កាត់បញ្ហាក្មេងទំនើង កុំឱ្យមានការកើនឡើង?

ជីវិតកម្សាន្ដ២៧ នាទី មុន

មេ ​MU ថៃ ប្ដឹង​ចោទ​ប្រកាន់​៤​ករណី ទៅកាន់ភាគីម្ខាងទៀត ក្រោយតុលាការ​ចេញដីកា​ចាប់​ខ្លួន

ព័ត៌មានជាតិ២ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានអន្ដរជាតិ៥ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

កីឡា៥ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ៤ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

សន្តិសុខសង្គម២១ ម៉ោង មុន

សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ

Sokha Hotels

ព័ត៌មានពេញនិយម