ព័ត៌មានជាតិ
រាជរដ្ឋាភិបាល តែងតែគាំទ្រ និងលើកស្ទួយនូវសិទ្ធិសេរីភាពបងប្អូនខ្មែរអ៊ិស្លាមទូទាំងប្រទេស
ភ្នំពេញ៖ រាជរដ្ឋាភិបាលកម្ពុជា ជារៀងរហូតមកតែងតែគាំទ្រ និងលើកស្ទួយនូវសិទ្ធិសេរីភាពរស់នៅរបស់បងប្អូនខ្មែរអ៊ិស្លាមគ្រប់ទិសទីនៅទូទាំងប្រទេស រួមទាំងសិទ្ធិសេរីភាពជំនឿសាសនា និងនយោបាយជាដើម មិនប្រកាន់ពណ៌សម្បុរ ពូជសាសន៍អ្វីឡើយ។
បើយើងជ្រកក្រោមដើមឈើណា ត្រូវយកអាសារដើមឈើនោះ ហើយមិនត្រូវភ្លេចគុណអ្នកដែលបានជួយយើងនោះទេ។ ទាំងនេះគឺជាការលើកឡើងរបស់លោក ជា ខេមា ប្រធានក្រុមការងារចុះជួយសង្កាត់ព្រែកព្នៅ ក្នុងខណៈយកអំណោយទៅចែកជូនដល់ប្រជាពលរដ្ឋខ្មែរអ៊ិស្លាម ដើម្បីចូលបួសនៅចុងខែមេសាខាងមុខនេះនេះ នៅវិហារក្នុងភូមិឌួង សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ នាព្រឹកថ្ងៃទី០៥ ខែកុម្ភៈ ឆ្នាំ២០២២នេះ។
លោក ជា ខេមា បានមានប្រសាសន៍បន្តថា យើងទាំងអស់គ្នាបានរស់នៅសុខដុមរម្យនាមកដល់ពេលនេះ គឺដោយសារយើងមានសុខសន្តិភាព ស្ថេរភាព និងការអភិវឌ្ឍន៍ បើយើងគិតកាលពីជាង៤០ឆ្នាំមុន យើងស្ថិតក្នុងភ្លើងសង្រ្គាម មិនថាប្រជាជនខ្មែរ ឬបងប្អូនខ្មែរអ៊ិស្លាម គឺរស់នៅដោយភាពភ័យខ្លាច និងគ្មានសិទ្ធិសេរីភាព គឺត្រូវបានកាប់សម្លាប់យ៉ាងព្រៃផ្សៃពីរបបបនប្រល័យពូជសាសន៍ ប៉ុល ពត។ តែដោយមានគណបក្សប្រជាជនកម្ពុជា និងនយោបាយដ៏ត្រឹមត្រូវរបស់សម្តេចតេជោ ហ៊ុន សែន បានរំដោះជាតិ និងបង្រួបបង្រួមជាតិ ឱ្យប្រជាពលរដ្ឋបានរស់រានមានជីវិតឡើងវិញរហូតមកដល់បច្ចុប្បន្ន គឺរក្សាបានសុខសន្តិភាព ការអភិវឌ្ឍន៍រីកចម្រើនគួរជាទីមោទនៈ។ ដូចនេះយើងទាំងអស់ត្រូវបន្តថែរក្សាឱ្យខានតែបាន នូវសុខសន្តិភាពនេះ គឺយើងរស់នៅទាំងអស់គ្នាដោយមិនប្រកាន់ពូជសាសន៍ ពណ៌សប្បុរ និងជំនឿសាសនា រស់នៅដោយស្មើភាព មានសិទ្ធិសេរីភាព មិនថាបងប្អូនប្រជាពលរដ្ឋខ្មែរ ឬបងប្អូនខ្មែរអ៊ិស្លាមឡើយ។
លោកបញ្ជាក់ថា បើទោះជាព្រះពុទ្ធសាសនាជាសាសនារបស់រដ្ឋ តែរាជរដ្ឋាភិបាលកម្ពុជា ជារៀងរហូតមកតែងតែគាំទ្រ និងលើកស្ទួយនូវសិទ្ធិសេរីភាពរស់នៅរបស់បងប្អូនខ្មែរអ៊ិស្លាមគ្រប់ទិសទី នៅទូទាំងប្រទេស រួមទាំងសិទ្ធិសេរីភាពជំនឿសាសនា និងនយោបាយជាដើម មិនប្រកាន់ពណ៌សម្បុរ ពូជសាសន៍អ្វីឡើយ។ បើអ្នកណាភ្លេចគុណ អ្នកដែលជួយយើងនោះ គឺនឹងមានបាបកម្ម។
គួរបញ្ជាក់ថា អំណោយដែលយកទៅចែកជូននោះរួមមាន៖ ១. អង្ករ ៥០ គីឡូក្រាម ចំនួន ១០ ប៉ាវ ២. ទឹកដោះគោខាប់ ចំនួន ២ កេសធំ ៣. ត្រីខកំប៉ុង ចំនួន ១ កេសធំ ៤. មីខ្លាឃ្មុំ ចំនួន ៥ កេសតូច ៥. ស្ករស ចំនួន ១០០ គីឡូក្រាម ៦. ជែល ចំនួន ១ កេសធំ ៧. ម៉ាស ចំនួន ៦ ប្រអប់ និង៨. ថ្នាំពេទ្យមួយចំនួនទៀត៕
អត្ថបទ៖ ឧត្តរ៉ា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៦ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)