មេភូមិភាគ២ថៃកាន់តែព្រហើន ហ៊ានគំរាមបិទការចូលទស្សនាប្រាសាទតាមាន់ធំរបស់ខ្មែរ ៧ថ្ងៃ

ដោយអាងលេសទេសចរបង្កភាពអាណាធិបតេយ្យនៅប្រាសាទតាមាន់ធំ មេភូមិភាគ២ថៃ Boonsin Padklang ហ៊ានគំរាមបិទការចូលទស្សនាប្រាសាទនេះរយៈពេល៧ថ្ងៃ ទាំងដែលប្រាសាទគឺជារបស់ខ្មែរសោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការគំរាមដ៏ព្រហើនរបស់មេទ័ពរូបនេះ គឺបន្ទាប់ពីភូមិភាគ២ថៃ ចោទប្រកាន់មកកម្ពុជាទាំងមិនសមរម្យថា យុវជនខ្មែរមួយក្រុមបានបង្កឲ្យមានបញ្ហានៅតំបន់ប្រាសាទ ហើយបើកម្ពុជានៅតែអនុញ្ញាតឲ្យជនបង្ករឿងចូលទៅទីនោះទៀត ថៃនឹងបិទការចូលទស្សនាប្រាសាទនេះជាបណ្តោះអាសន្ន។

នេះគឺជាពាក្យសម្តីដ៏ព្រហើនរបស់មេទ័ពថៃ និងការនិយាយទាំងមិនចេះខ្មាសមាត់ ព្រោះតែតាមាន់ធំគឺជាប្រាសាទនៅក្នុងដែនអធិបតេយ្យរបស់កម្ពុជា រឿងអីថៃមានសិទ្ធិមកគំរាមដូច្នេះ។

សូម្បីមុននេះ មេទ័ពដែលពូកែក្អែងក្អាងរូបនេះក៏និយាយដោយមិនអៀនមាត់ដែរ ដោយអំពាវនាវឲ្យទេសចរទៅលេងប្រាសាទតាមាន់ធំ ត្រូវគោរពច្បាប់ថៃ ព្រមទាំងរក្សាសណ្តាប់ធ្នាប់និងកុំបង្ករឿងអ្វីឲ្យសោះ។

មិនត្រឹមប៉ុណ្ណឹង រូបគេថែមទាំងហ៊ានគំរាមទៀតថា បើទេសចរបង្កចលាចល មន្ត្រីខ្លួននឹងឆ្លើយតប រាប់ចាប់ពីការព្រមានទៅដល់ការចាត់វិធានការធ្ងន់ធ្ងរ បើចាំបាច់។

ម្យ៉ាង ពេលឃើញទេសចរខ្មែរទៅលេងប្រាសាទតាមាន់ធំច្រើនពេក ថៃបានយកលេសនេះ ដើម្បីពង្រឹងកម្លាំងសន្តិសុខនៅតាមព្រំដែន ដោយខ្លាចទេសចរខ្មែរធ្វើសកម្មភាពមិនសមរម្យបង្កើនភាពតានតឹង។

វិធានការទាំងនោះមានដូចជាការបង្កើតប៉ុស្តិ៍ត្រួតពិនិត្យ២៤ម៉ោងលើ២៤ម៉ោងរៀលរាល់ថ្ងៃ បំពាក់កាមេរ៉ាសុវត្ថិភាពនិងបង្ហោះដ្រូន និងការល្បាតនៅតាមភូមិ សាលារៀន មន្ទីរពេទ្យនិងអគាររដ្ឋាភិបាលនៅខេត្តចំនួន៤ជាប់ព្រំដែនកម្ពុជាដូចជា៖ Surin, Buri Ram, Si Sa Ket និង Ubon Ratchathani៕

អត្ថបទ៖ សុខ សុវណ្ណ

ចុចអាន៖ បានលេសទៀតហើយ! ថៃ ពង្រឹងកម្លាំងសន្តិសុខនៅតាមព្រំដែន ព្រោះទេសចរខ្មែរទៅលេងប្រាសាទតាមាន់ធំច្រើនពេក