ព័ត៌មានជាតិ
ពលរដ្ឋក្រីក្រនៅរាជធានីខេត្តចំនួន១៦ នឹងទទួលបានសេវាបកបាយភ្នែក ដោយឥតគិតថ្លៃ
ស្ត្រី ពលរដ្ឋក្រីក្រ និងជនងាយរងគ្រោះ រស់នៅខេត្តចំនួន១៦ នៃប្រទេសកម្ពុជានឹងទទួលបានសេវាបកបាយភ្នែក និងសេវាកែតម្រូវ កំហុសកំណុំរូបភាពដោយឥតគិតថ្លៃពី មូលនិធិ ហ្រ្វេតហូឡូ។
នៅក្នុងជំនួបពិភាក្សាការងារជាមួយលោកស្រីវេជ្ជបណ្ឌិត យក់ សម្បត្តិ រដ្ឋលេខាធិការក្រសួងសុខាភិបាល កាលពីថ្ងៃទី១០ ខែកុម្ភៈនេះ លោក Pascal Bijleveld ប្រធាននាយកប្រតិបត្តិទីមួយរបស់អង្គការ ATscale បានមានប្រសាសន៍ថា ចាប់ពីខែកក្កដា ឆ្នាំ២០២១ ដល់ខែធ្នូ ឆ្នាំ២០២៤ អង្គការបានកំណត់គោលដៅបំពេញបេសកកម្មមនុស្សធម៌ចំនួន១៦ រាជធានី/ខេត្ត រួមមានរាជធានីភ្នំពេញ ខេត្តកណ្តាល ព្រៃវែង សៀមរាប កំពង់ចាម កំពង់ស្ពឺ ត្បូងឃ្មុំ កំពង់ធំ កំពត កំពង់ឆ្នាំង ស្វាយរៀង ក្រចេះ ព្រះសីហនុ ឧត្តរមានជ័យ ព្រះវិហារ និងរតនគិរី ដែលមានថវិកាសរុប ៥,៨៥០,៧២៧ ដុល្លាអាមេរិក។
លោកបានបន្តថា បេសកកម្មមនុស្សធម៌នោះរួមមាន ធ្វើឱ្យប្រសើរឡើងនូវលទ្ធភាពទទួលបានសេវាបកបាយភ្នែក និងសេវាកែតម្រូវ កំហុសកំណុំរូបភាពមានគុណភាពខ្ពស់ ពិសេសសម្រាប់ស្ត្រី ប្រជាជនក្រីក្រ និងជនងាយរងគ្រោះ។ ពង្រឹងសមត្ថភាព និងប្រសិទ្ធភាពធនធានមនុស្ស ក្នុងវិស័យសុខភាពភ្នែក និងពង្រីកទីតាំងសេវាដល់តំបន់ដាច់ស្រយាលដើម្បីឈានឆ្ពោះទៅរកប្រព័ន្ធសុខភាពភ្នែកមួយដែលមានគណនេយ្យភាព ប្រសិទ្ធភាព និងធនធានប្រកបដោយនិរន្តរភាព និងធ្វើឱ្យប្រសើរឡើងនូវលទ្ធផលសុខភាពភ្នែកដោយការពង្រឹងគុណភាពនៃសេវាកម្មវះកាត់បកបាយភ្នែក សេវាកែ តម្រូវ កំហុសកំណុំរូបភាព។
លោក Pascal Bijleveld បានស្នើសុំការគាំទ្រពីក្រសួងសុខាភិបាល ក្នុងការអនុវត្តគម្រោងនេះ។ លោក Pascal Bijleveld បានថ្លែងអំណរគុណដល់រាជរដ្ឋាភិបាលកម្ពុជា និងក្រសួងសុខាភិបាល ដែលតែងតែផ្ដល់ នូវការគាំទ្រ និងកិច្ចសហការដ៏ល្អ ទើបអង្គការហ្រ្វេតហូឡូអាចបំពេញបេសកម្មមនុស្សធម៌ដ៏ថ្លៃថ្លារបស់ខ្លួន ដោយជោគជ័យរហូតមកដល់បច្ចុប្បន្ននេះ។
ជាការឆ្លើយតប លោកស្រីវេជ្ជបណ្ឌិត យក់ សម្បត្តិ បានសម្តែងនូវការគាំទ្រចំពោះគម្រោង និងបានសំណូមពរអង្គការបន្តកិច្ចសហប្រតិបត្តិការជាមួយកម្មវិធីជាតិសុខភាពភ្នែក ដើម្បីអនុវត្តគម្រោងនេះឱ្យទទួលបានជោគជ័យតាមការរំពឹងទុក។
លោកស្រីវេជ្ជបណ្ឌិត យក់ សម្បត្តិ បានថ្លែងអំណរគុណដល់មូលនិធិ ហ្រ្វេតហូឡូ ដែលបានចូលរួមចំណែកកាត់បន្ថយបញ្ហាភ្នែក និងភាពពិការភ្នែករបស់ប្រជាជនកម្ពុជា ដែលជាការចូលរួមចំណែកក្នុងការធ្វើឱ្យប្រសើរឡើងសុខុមាលភាព របស់ប្រជាជនកម្ពុជា៕
សំអឿន
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ