Connect with us

ព័ត៌មានជាតិ

មន្រ្តីប្រាប់ពីដំណើររបស់ស្រ្តីម្នាក់ ឆ្លងកូវីដបំប្លែងថ្មីអូមីក្រុងមកពីខេត្តព្រះវិហារចូលភ្នំពេញ

បានផុស

នៅ

ភ្នំពេញ ៖ ស្ត្រីម្នាក់ និងស្វាមី ត្រូវបានក្រុមគ្រូពេទ្យតេស្តសំណាករកឃើញមានវិជ្ជមានវីរុសកូវីដ-១៩ បំប្លែងថ្មី អូមីក្រុង នៅវេលាម៉ោង១០ព្រឹកថ្ងៃទី១១ ខែកុម្ភៈ ឆ្នាំ២០២២ ក្រោយរូបគេ បានឆ្លងកាត់ការតេស្តសំណាកបាន២ថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្រ្តីជាប្រពន្ធ មានវ័យប្រមាណ៣០ឆ្នាំ ទើបតែធ្វើដំណើរមកពីខេត្តព្រះវិហារ ចូលភ្នំពេញរកការងារធ្វើ ដោយស្នាក់នៅផ្ទះសំណាក់មួយកន្លែងបណ្តោះអាសន្ន ស្ថិតក្នុងភូមិទ្រា សង្កាត់ស្ទឹងមានជ័យ១ ខណ្ឌមានជ័យ រាជធានីភ្នំពេញ។

មន្ត្រីអាជ្ញាធរសង្កាត់ បានឲ្យដឹងថា ដំបូងឡើយ ស្ត្រីខាងលើ និងបុរសជាប្តី ធ្វើដំណើរចេញពីខេត្តព្រះវិហារ តាំងពីថ្ងៃទី០៩ កុម្ភៈ រកការងារធ្វើនៅភ្នំពេញ ដោយស្ត្រីជាប្រពន្ធ បានចូលធ្វើក្នុងក្រុមហ៊ុនឯកជនមួយ តែខាងក្រុមហ៊ុន គេតម្រូវឲ្យទៅធ្វើតេស្តសំណាក មុនអនុញ្ញាតឲ្យចូលបំពេញការងារ ដោយទៅតេស្តនៅមន្ទីរពេទ្យមិត្តភាពខ្មែរសូវៀត ហៅមន្ទីរពេទ្យរុស្ស៊ី។

ប្រភពដដែលបន្តថា ក្រោយការតេស្តសំណាកហើយនោះ ខាងក្រុមហ៊ុន មិនទាន់អនុញ្ញាតឲ្យចូលធ្វើការនោះទេ ដោយត្រូវរងចាំលទ្ធិផលសំណាក៣ ទៅ៤ថ្ងៃសិន ។ ដោយមិនទាន់អាចធ្វើការបាន ប្តីប្រពន្ធទាំង២នាក់ បានទៅសម្រាកបណ្តោះអាសន្ន នៅក្នុងផ្ទះសំណាក់មួយកន្លែង ស្ថិតក្នុងភូមិទ្រា ក្បែរនឹងសាលាអន្តរជាតិ ណតឡាញ រយៈពេល២ថ្ងៃ។

លុះដល់វេលាព្រឹកថ្ងៃទី១១ កុម្ភៈ លទ្ធផលសំណាក បញ្ជាក់ថា ស្ត្រីខាងលើមានវិជ្ជមានវីរុសបំប្លែងថ្មី អូមីក្រុង ទើបក្រុមគ្រូពេទ្យ សហការជាមួយអាជ្ញាធរសង្កាត់ ចុះទៅទទួលស្រ្តីជាប្រពន្ធយកទៅព្យាបាល ប៉ុន្តែស្របពេលដែលអាជ្ញាធរបានទាក់ទងទៅនោះ ស្រ្តីរូបនេះ និងប្តី បានជិះម៉ូតូចេញពីផ្ទះសំណាក់ រត់គេចពីក្រុមអាជ្ញាធរ ហើយត្រូវកម្លាំងអាជ្ញាធរ ដេញតាមគៀកជាបន្តបន្ទាប់ រហូតដល់ក្នុងបរិវេណវត្តស្ទឹងមានជ័យ ទើបពួកគេព្រមឈប់ ហើយក្រុមគ្រូពេទ្យក៏បានណែនាំ ឲ្យស្ត្រីរូបនោះ ឡើងរថយន្តសាម៉ុយ ដើម្បីទៅសម្រាកព្យាបាលនៅមន្ទីរពេទ្យ។ ចំពោះបុរសជាប្តី ត្រូវបានអាជ្ញាធរណែនាំឲ្យទៅធ្វើសំណាកផងដែរ ព្រោះរូបគេ មានការប៉ះពាល់ផ្ទាល់ ជាមួយប្រពន្ធ។

ជាមួយគ្នានេះ អាជ្ញាធរសង្កាត់ស្ទឹងមានជ័យទី១ ក៏បានអំពាវនាវ ទៅដល់បងប្អូនពលរដ្ឋរស់នៅក្នុងមូលដ្ឋានទាំងអស់ សូមមេត្តាទៅចាក់វ៉ាក់សាំងការពារជំងឺកូវីដ-១៩ ឲ្យបានគ្រប់ៗគ្នា ពិសេសគឺវ៉ាក់សាំងដូសទី៣ និងទី៤៕ អត្ថបទ៖ លីហេង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

បច្ចេកវិទ្យា១២ ម៉ោង មុន

សែលកាត មានវត្តមានក្នុងការបង្ហាញពីសមត្ថភាពលើផ្នែកឌីជីថលរបស់ខ្លួន ក្នុងទិវាជាតិ វិទ្យាសាស្រ្ត បចេ្ចកវិទ្យា និងនវានុវត្តន៍ (STI) លើកទី២

ព័ត៌មានជាតិ១២ ម៉ោង មុន

សម្តេច ម៉ែន សំអន៖ កត្តាសន្តិភាពបាននាំមកនូវការរីកចម្រើនទាំងវិស័យពុទ្ធចក្រ និងអាណាចក្រ

ព័ត៌មានជាតិ១៣ ម៉ោង មុន

ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេស​ឡាវ

សេដ្ឋកិច្ច១៣ ម៉ោង មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

ព័ត៌មានជាតិ១៣ ម៉ោង មុន

ឯកឧត្តម ហ៊ុន ម៉ានី អញ្ជើញប្រគល់ផ្ទះជាអំណោយរបស់សម្ដេចតេជោ និងសម្តេចកិត្តិព្រឹទ្ធបណ្ឌិត ជូនក្រុមគ្រួសារយុវជន អន ផានិត

Sokha Hotels

ព័ត៌មានពេញនិយម