ព័ត៌មានជាតិ
ហង់ ជួនណារ៉ុន ពីអ្នកយាមផ្ទះឲ្យរដ្ឋមន្រ្តី រហូតក្លាយជារដ្ឋមន្រ្តីដឹកនាំនៅក្រសួងអប់រំ
យកទ្រឹស្តីអ្នកចេះជាប់ បានភ្ជាប់ឈ្មោះលោក ហង់ ជួនណារ៉ុន ជារដ្ឋមន្រ្តីកណ្តាប់ដៃដែកដែលបានធ្វើការវះកាត់កែទម្រង់ប្រព័ន្ធប្រឡងថ្នាក់ជាតិ ដែលដណ្តប់ដោយរឿងអាស្រូវរាប់សិបឆ្នាំ។
ធ្លាប់ឆ្លងកាត់ជីវិតជាអ្នកយាមផ្ទះឲ្យមន្រ្តីជាន់ខ្ពស់រដ្ឋាភិបាល ជាបញ្ញវន្តមួយរូបដែលទទួលការអប់រំពីប្រទេសនៅអតីតសហភាពសូវៀត ជាមន្រ្តីនៅក្រសួងសេដ្ឋកិច្ច និងក្រសួងការបរទេស រហូតទទួលការទុកចិត្តពីប្រមុខរដ្ឋាភិបាលតែងតាំងជារដ្ឋមន្រ្តីក្រសួងអប់រំ យុវជននិងកីឡានៅឆ្នាំ២០១៣។
កុមារភាព
លោក ហង់ ជួនណារ៉ុន កើតនៅថ្ងៃទី ២ ខែមករា ឆ្នាំ១៩៦២ នៅសង្កាត់លេខ៥ ក្រុងភ្នំពេញ។ លោកមានឪពុកឈ្មោះហង់ ជួន ជាសាស្ត្រាចារ្យនៅសាលាវិចិត្រសិល្បៈ នៃមហាវិទ្យាល័យរបាំ មុនឆ្នាំ១៩៧០ និងមានម្ដាយឈ្មោះ ម៉ែន សាអ៊ុន ជាស្ត្រីមេផ្ទះ។
ជីវិតក្នុងសម័យខ្មែរក្រហម
លោក ហង់ ជួនណារ៉ុន និងគ្រួសារបានជម្លៀសពីក្រុងភ្នំពេញទៅនៅក្នុងភូមិជ្រឹង ឃុំវាលម្លូ ស្រុកតំបែរ ខេត្តកំពង់ចាម (ខេត្តត្បូងឃ្មុំសព្វថ្ងៃ)។ នៅខែមករា ឆ្នាំ១៩៧៩ បន្ទាប់ពីការដួលរលំរបបខ្មែរក្រហម ក្រុមគ្រួសារលោកបានវិលត្រឡប់ចូលមករស់នៅជាយរាជធានីភ្នំពេញ ម្តុំគីឡូម៉ែត្រលេខ ៧។
យាមផ្ទះឲ្យរដ្ឋមន្រ្តីក្រោយបែកឆ្នាំ១៩៧៩
អំឡុងខែមករា ឆ្នាំ១៩៧៩ ក្រោយពីការដួលរលំរបបអាវខ្មៅ លោក ចាន់ វ៉ែន ដែលកាន់តំណែងជារដ្ឋមន្ត្រីក្រសួងអប់រំនាសម័យនោះបានចុះទៅជ្រើសរើសយុវជនដើម្បីយាមផ្ទះ ហើយក៏បានជ្រើសរើសលោក ហង់ ជួនណារ៉ុន ដោយសារឃើញពីកាយសម្បទាមាំមួន រួមទាំងចេះក្បាច់គុនការពារខ្លួនថែមទៀត។
ប្រវត្តិសិក្សា
ក្នុងឆ្នាំ១៩៨០ ក្រោយការដួលរលំរបបប៉ុលពត លោក ហង់ ជួនណារ៉ុន បានចូលសិក្សានៅវិទ្យាល័យកម្ពុជបុត្រ។ កាលនោះមានត្រឹមថ្នាក់ទី ៨ ជាថ្នាក់ខ្ពស់ជាងគេ ហើយលោកក៏ផ្លាស់ទៅរៀននៅវិទ្យាល័យព្រះស៊ីសុវត្ថិ។ វិទ្យាល័យព្រះស៊ីសុវត្ថិ ដែលមានពីថ្នាក់ទី ៨ ដល់ទី១០ ជាថ្នាក់បញ្ចប់វិទ្យាល័យ។
ក្រោយប្រឡងជាប់បាក់ឌុបក្នុងឆ្នាំ១៩៨១ លោក ហង់ ជួនណារ៉ុន បានចូលរៀននៅវិទ្យាស្ថានបច្ចេកវិទ្យាកម្ពុជា។ សិក្សាបានតែមួយឆ្នាំ ក៏ទទួលបានអាហារូបករណ៍ទៅសិក្សាបន្តនៅប្រទេសអតីតសហភាពសូវៀត ផ្នែកទំនាក់ទំនងសេដ្ឋកិច្ចអន្តរជាតិ។ ឆ្នាំ១៩៨៨ លោកបានបញ្ចប់បរិញ្ញាបត្រជាន់ខ្ពស់ផ្នែកសេដ្ឋកិច្ច ហើយក៏បានវិលត្រឡប់មកកាន់ប្រទេសកម្ពុជាវិញ ។
ជីវិតក្រោយពេលវិលត្រឡប់មកស្រុកកំណើតវិញ
ក្រោយត្រឡប់មកដល់ប្រទេសកំណើតវិញ លោក ហង់ ជួនណារ៉ុន បានធ្វើជាអ្នកបកប្រែឱ្យគណៈប្រតិភូជាន់ខ្ពស់កម្ពុជា នៅក្រសួងការបរទេស ក្នុងតួនាទីជាអ្នកសរសេរបកប្រែផង និងជាអ្នកបកប្រែដោយផ្ទាល់មាត់ផង។ បន្ទាប់មក លោកក៏បានបម្រើការនៅក្នុងស្ថានទូតអូស្ត្រាលី និងធ្វើការនៅវិទ្យាស្ថាន CDRI ក្នុងតំណែងជាអ្នកបកប្រែអង់គ្លេស និងក្លាយជាមន្ត្រីស្រាវជ្រាវផ្នែកសេដ្ឋកិច្ចនយោបាយពីឆ្នាំ១៩៩៣ រហូតដល់ឆ្នាំ១៩៩៨។
ថ្ងៃទី១ ខែមករា ឆ្នាំ១៩៩៩ លោកចូលទៅបម្រើការនៅក្នុងក្រសួងសេដ្ឋកិច្ច និងហិរញ្ញវត្ថុ ដោយមានតួនាទីជាអ្នកសរសេរសុន្ទរកថាជូនសម្ដេចតេជោនាយករដ្ឋមន្ត្រី។
ជីវិតអាពាហ៍ពិពាហ៍
លោកបានរៀបការជាមួយអ្នកស្រី ប៉ែន វិមល និងមានកូនប្រុស ២ នាក់ គឺកូនប្រុសច្បងឈ្មោះហង់ វិរៈឫទ្ធិ និងកូនប្រុសទី ២ ឈ្មោះហង់ វិមលា អាយុ ២០ ឆ្នាំ។ ភរិយារបស់លោក ក៏ជាមន្ត្រីក្នុងនាយកដ្ឋានផែនការរបស់ក្រសួងបរិស្ថានផងដែរ ដោយលោកជំទាវគឺជាកូនស្រីរបស់លោក ប៉ែន ណាវុឍ អតីតរដ្ឋមន្ត្រីក្រសួងអប់រំ និងសិក្សាធិការនៅអំឡុងឆ្នាំ ១៩៨៤ ដល់១៩៩៩។
ចំណេះដឹងភាសា
ក្រៅពីភាសាខ្មែរជាភាសាកំណើត លោកមានចំណេះដឹងផ្នែកភាសាអង់គ្លេស បារាំង និងរុស្សី។ បើតាមលោកហង់ ជួនណារ៉ុង នៅពេលលោកកំពុងសិក្សាថ្នាក់បរិញ្ញាបត្រជាន់ខ្ពស់ផ្នែកសេដ្ឋកិច្ចនៅអតីតសហភាពសូវៀត លោកបានសរសេរសុន្ទរកថាដែលមានការទទួលស្គាល់ ដោយសារតែលោកមានស្នាដៃក្នុងការស្រាវជ្រាវ និងមានចំណេះដឹងផ្នែកភាសាអង់គ្លេស បារាំង និងរុស្ស៊ីច្បាស់លាស់។
និស្ស័យចូលចិត្តកីឡាតេក្វាន់ដូ
ក្រៅពីមានសមត្ថភាពធ្វើកំណែទម្រង់ប្រព័ន្ធអប់រំឱ្យមានគុណភាព លោក ហង់ ជួនណារ៉ុន ចូលចិត្តស្វែងយល់ពីវិស័យកីឡាតាមរយៈការឆ្លៀតពេលហ្វឹកហាត់តេក្វាន់ដូ រហូតទទួលបានខ្សែក្រវាត់ខ្មៅផងដែរ ។
លោកបានបញ្ជាក់ថា កីឡាគឺជាចំណូលចិត្តរបស់លោកតាំងពីក្មេង ហើយបើលោកមានពេលទំនេរមិនរវល់ដូចរាល់ថ្ងៃ គឺលោកនឹងបន្តហ្វឹកហាត់ឱ្យបានខ្សែក្រវាត់ខ្មៅកម្រិតខ្ពស់បំផុត ដោយសារតែលោកយល់ថា កីឡា ឬក្បាច់គុនក្រៅពីហ្វឹកហាត់អាចការពារខ្លួន ក៏ជួយឱ្យមានសុខភាពល្អ ហើយលោកក៏បំផុសឱ្យយុវជនងាកមកហ្វឹកហាត់ដើម្បីលើកស្ទួយកីឡា និងដើម្បីជំរុញដល់សុខភាពឲ្យបានរឹងមាំ។
ក្នុងការហ្វឹកហាត់កីឡាតេក្វាន់ដូ លោកទទួលបានខ្សែក្រវាត់ខ្មៅ ដោយខ្សែក្រវាត់ដែលទទួលបាននេះ មិនមែនជាខ្សែក្រវាត់កិត្តិយសនោះទេ ប៉ុន្តែជាខ្សែក្រវាត់ប្រយុទ្ធដែលលោកបានឆ្លងកាត់ការប្រកួត និងមានការបំពាក់ខ្សែក្រវាត់ដោយលោក ឆយ យ៉ុងសុក គ្រូបង្វឹកកីឡាតេក្វាន់ដូជម្រើសជាតិកម្ពុជា ។
លោក ហង់ ជួនណារ៉ុន និយាយថា ឱ្យតែលោកឆ្លៀតបាន គឺលោកនៅតែឆ្លៀតពេលហ្វឹកហាត់ ដើម្បីរំលឹកក្បាច់គុនតេក្វាន់ដូផង និងដើម្បីសុខភាពផង។ ដោយសារតែចេះក្បាច់គុនតេក្វាន់ដូនេះហើយ ទើបធ្វើឱ្យលោករឹងមាំផ្នែកសុខភាព ហើយបំពេញកិច្ចការបានយ៉ាងច្រើន តាំងពីបានក្លាយជារដ្ឋមន្ត្រីដែលមានការងារដកឃ្លាមិនចង់រួច។
ប្រើកណ្តាប់ដៃដែកកែទម្រង់ការប្រឡងបាក់ឌុប
មួយឆ្នាំបន្ទាប់ពីឡើងកាន់ដំណែង លោក ហង់ ជួនណារ៉ុន បានដាក់ចេញចំណាត់ការរឹតបន្តឹងការប្រឡងបាក់ឌុប។ ការប្រឡងបាក់ឌុបក្នុងខែសីហាឆ្នាំ ២០១៤ មិនអនុញ្ញាតឲ្យមានការសូកលុយជាដាច់ខាតក្នុងដំណើរការប្រឡង ក៏ដូចជាហាមឃាត់ការបើកចម្លងនិងលួចចម្លងគ្នា។ ក្រសួងក៏បានអនុញ្ញាតឲ្យមានការសង្កេតការណ៍ពីសំណាក់អង្គភាពប្រឆាំងអំពើពុករលួយ និងស្ថាប័នពាក់ព័ន្ធ នៅក្នុងដំណើរការប្រឡងផងដែរ។ ជាលទ្ធផល សិស្សជាង ៧៥ ភាគរយ ឬស្មើនឹងប្រមាណ ៦ ម៉ឺននាក់ ប្រឡងធ្លាក់បាក់ឌុប។
ស្នាដៃ
ចាប់តាំងពីឡើងកាន់តំណែងជារដ្ឋមន្រ្តីដឹកនាំនៅក្រសួងអប់រំនៅឆ្នាំ២០១៣ លោកហង់ ជួនណារ៉ុន មានមហិច្ឆតាធ្វើកំណែទម្រង់លើប្រព័ន្ធអប់រំដ៏ពុកផុយនៅកម្ពុជាឲ្យមានគុណភាពឡើងវិញ។ ពង្រឹងគុណភាពអប់រំ រឹតបន្តឹងការប្រឡង ដំឡើងប្រាក់បៀវត្សរ៍ឲ្យគ្រូបង្រៀន សុទ្ធសឹងជាអ្វីដែលលោករដ្ឋមន្ដ្រីរូបនេះសម្រេចចេញជាផ្លែផ្កា បើទោះបីជាមានមតិសង្ស័យលើសមត្ថភាពដឹកនាំរបស់ដំបូងរបស់លោកក៏ដោយ។
បន្ទាប់ពីឡើងកាន់ដំណែងរដ្ឋមន្រ្តីក្រសួងអប់រំ លោក ហង់ ជួនណារ៉ុន បានដាក់ចេញនូវផែនការសកម្មភាពអប់រំអាទិភាពចំនួន ៨ ចំណុច។ ទី១៖ បង្កើនគុណភាពនិងប្រសិទ្ធភាពនៃសេវាអប់រំ។ ទី២៖ ពង្រឹងការគ្រប់គ្រងបុគ្គលិក។ ទី៣៖ ពង្រឹងការប្រឡងគ្រប់ប្រភេទ។ ទី៤៖ កែទម្រង់ឧត្តមសិក្សា។ ទី៥៖ អភិវឌ្ឍសម្រាប់យុវជននូវជំនាញបច្ចេកទេសនិងជំនាញទន់។ ទី៦៖ អនុវត្តកំណែទម្រង់ការគ្រប់គ្រងហិរញ្ញវត្ថុសាធារណៈ។ ទី៧៖ បង្កើតធនាគារខួរក្បាលវិស័យអប់រំ។ និងអាទិភាពទី៨៖ កែទម្រង់ការអប់រំកាយនិងកីឡា។
ទស្សនៈនិងគោលដៅនៅថ្ងៃខាងមុខ
«អ្វីដែលខ្ញុំស្រមៃក្នុងជីវិត ក្លាយជាអ្នកសេដ្ឋកិច្ចដែលមានការទទួលស្គាល់ និងសរសេរសៀវភៅសេដ្ឋកិច្ចសម្រាប់ ក្មេង ជំនាន់ក្រោយ»។ មហិច្ឆតាមួយទៀត លោកចង់កែប្រែនូវទម្លាប់របស់សិស្សានុសិស្សក្នុងប្រទេសកម្ពុជា ពីការប្រឡងមិនបើកចម្លង មកធ្វើដោយពឹងផ្អែកលើសមត្ថភាពខ្លួនឯង។ លោកបានប្តេជ្ញាចិត្តរួចហើយ គឺត្រូវតែធ្វើឲ្យប្រសើរឡើងវិញនូវវិស័យអប់រំ ដោយអនុវត្តទ្រឹស្តីអ្នកចេះជាប់។
កំណែទម្រង់របៀបប្រឡងបាក់ឌុប កាលពីឆ្នាំ ២០១៤ ត្រូវបានគេស្វាគមន៍ភាគច្រើន ចំពោះគំនិតថ្មីរបស់រដ្ឋមន្ត្រីរូបនេះ៕
អភិបាលខេត្តកំពតលើកឡើងថា គោលនយោបាយលើវិស័យដីធ្លី គឺជាគោលនយោបាយចម្បងក្នុងអាណត្តិទី៧
លោកជំទាវទុយ សិរីរតនៈ នេត្រភក្រ្តា យកអំណោយអង្ករវីតាមីន៣០០កេស ស្មើប្រមាណជិត ៤ តោន ផ្តល់ជូនមន្ទីរពេទ្យតេជោសន្តិភាព
រាជរដ្ឋាភិបាលចេញសារាចរស្តីពី ការរៀបចំខួបអនុស្សាវរីយ៍លើកទី១៣៩ នៃទិវាពលកម្មអន្តរជាតិ ១ឧសភា
ឃាត់ខ្លួនយុវជនម្នាក់វាយស្ត្រីអ្នកសុំទានសរសៃខ្ចីនៅម៉ាត់មួយកន្លែងក្នុងក្រុងសៀមរាប
លោកជំទាវ ឆាយ លក្ខិណា ប្រាប់មូលហេតុដែលជ្រើសផ្តល់មូលនិធិគាំទ្រដល់សមាគមសិល្បករខ្មែរ អណត្តិទី៦
សមត្ថកិច្ចឱ្យបុរសម្នាក់ដែលផ្សាយព័ត៌មានមិនពិតថា ខេត្តតាកែវមានករណីវះក្រលៀន ធ្វើកិច្ចសន្យាឈប់បំពុលសង្គម
នគរបាលរាជធានី ឃាត់ខ្លួនអនុប្រធានគណបក្សកម្លាំងជាតិ មួយរូប ពីបទ ញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម
ក្មេងស្រីអាយុ៤ឆ្នាំលក់ផ្កា៖ សម្ដេចតេជោ ស្នើកុំវែកញែករឿងកេងប្រវ័ញ្ចពលកម្មកុមារ មុនរឿងក្រពះ និងបញ្ហាគ្រួសារ
Breaking News៖ អគ្គិភ័យកំពុងឆេះឃ្លាំងស្តុកម៉ាស៊ីនត្រជាក់នៅខណ្ឌច្បារអំពៅ
ប៉ូឡូញ ចល័តយន្តហោះចម្បាំងយ៉ាងបន្ទាន់បំផុត ក្រោយរុស្ស៊ី វាយអ៊ុយក្រែន កៀកព្រំដែនខ្លួន
-
ចរាចរណ៍៣ ថ្ងៃ agoស្នងការរងខេត្តឧត្ដរមានជ័យម្នាក់ គាំងបេះដូងស្លាប់ពេលបើកបររថយន្ដ រួចជ្រុលបុករថយន្តមួយគ្រឿងទៀត
-
ព័ត៌មានអន្ដរជាតិ១ សប្តាហ៍ agoខេត្ត Phuket របស់ថៃរងការវាយប្រហារដោយទឹកជំនន់ភ្លាមៗ ក្រោយមានភ្លៀងធ្លាក់ខ្លាំង
-
ព័ត៌មានជាតិ១៥ ម៉ោង agoសមត្ថកិច្ចឱ្យបុរសម្នាក់ដែលផ្សាយព័ត៌មានមិនពិតថា ខេត្តតាកែវមានករណីវះក្រលៀន ធ្វើកិច្ចសន្យាឈប់បំពុលសង្គម
-
ព័ត៌មានជាតិ២ ថ្ងៃ agoសម្តេចធិបតី៖ ការប្រគល់វត្ថុបុរាណពីថៃជូនកម្ពុជាវិញ ជាការវិលត្រឡប់ដួងព្រលឹងបុព្វបុរសខ្មែរ
-
ព័ត៌មានអន្ដរជាតិ១ សប្តាហ៍ agoរុស្ស៊ី បង្ហាញឈ្មោះ៤ប្រទេស ដែលនឹងភ្លក់គ្រាប់របស់ខ្លួនមុនគេ ពេលផ្ទុះសង្គ្រាមធំ
-
សុខភាព៤ ថ្ងៃ agoដំណឹងល្អ! កម្ពុជានឹងដាក់ឱ្យប្រើប្រាស់ថ្នាំព្រឹបប្រភេទចាក់បង្ការ មុនពេលប្រឈមនឹងការឆ្លងមេរោគអេដស៍ នៅខែឧសភា ខាងមុខ
-
ព័ត៌មានអន្ដរជាតិ២ ថ្ងៃ agoលើកនេះ រុស្ស៊ី ដាក់លក្ខខណ្ឌស្រួលមួយទៅអ៊ុយក្រែន បើចង់ចរចា ឈានទៅការបញ្ចប់សង្គ្រាមមែន
-
ព័ត៌មានអន្ដរជាតិ១ សប្តាហ៍ agoខ្លះៗអំពីរថយន្តដែលលោក ស៊ី ជីនពីង យកពីចិនមកជិះនៅកម្ពុជា