ព័ត៌មានជាតិ
ព្រំដែនតំបន់សក្តានុពលភ្នំ ១០ កន្លែង ត្រៀមបង្កើតជាតំបន់បេតិកភណ្ឌធម្មជាតិ
ខេត្តបន្ទាយមានជ័យ៖ មន្ត្រីជំនាញចម្រុះបើកកិច្ចប្រជុំស្តីពី ការផ្ទៀងផ្ទាត់ព្រំដែនតំបន់សក្តានុពលភ្នំចំនួន ១០ កន្លែង ដើម្បីរៀបចំបង្កើតជាតំបន់បេតិកភណ្ឌធម្មជាតិក្នុងខេត្តបន្ទាយមានជ័យ។ កិច្ចប្រជុំនេះ នៅសាលប្រជុំសាលាខេត្តបន្ទាយមានជ័យ នៅព្រឹកថ្ងៃទី១១ ខែមីនា ឆ្នាំ២០២២ ដោយមានការចូលរួម លោក សេង សោត អគ្គនាយករងក្រសួងបរិស្ថាន លោក អោម ចន្ថា អភិបាលរងខេត្តបន្ទាយមានជ័យ លោក យឹម លី ប្រធានមន្ទីរបរិស្ថានខេត្ត ប្រធានមន្ទីរ និងមន្ត្រីពាក់ពាន់ជាច្រើននាក់។
លោក អោម ចន្ថា បានមានប្រសាសនាន៍ថា កិច្ចប្រជុំមានបំណងបង្ហាញការពិគ្រោះយោបល់ដើម្បីឆ្លើយតបទៅនឹងយុទ្ធសាស្ត្ររបស់រដ្ឋាភិបាលកម្ពុជា ក្នុងការប្រមូលធាតុ និងបង្កើនការចូលរួមថែរក្សាការពារ និងអភិរក្សសម្បត្តិបេតិកភ័ណ្ឌជាតិ នៅក្នុងតំបន់ការពារធម្មជាតិ។
លោក អោម ចន្ថា បានមានប្រសាសន៍បន្តថា ការប្រែប្រួលអាកាសធាតុ និងការបំពុលបរិស្ថាន បានធ្វើឱ្យធនធានធម្មជាតិ និងសម្បត្តិបេតិកភណ្ឌដែលមានតម្លៃប្រវត្តិសាស្ត្រមិនអាចកាត់ថ្លៃបាន សឹករេចរឹល និងទទួលរងនូវផលប៉ះពាល់ នាពេលបច្ចុប្បន្នយ៉ាងខ្លាំង ពិសេសមានប្រជាជនមួយចំនួន និងឈ្មួញកាយដីភ្នំលក់យ៉ាងអាណាធិបតេយ្យ ធ្វើឱ្យភ្នំមួយៗក្នុងខេត្តបន្ទាយមានជ័យស្ទើររលាយរាបដល់ដី។ ក្នុងនោះមានសកម្មភាពឈូសឆាយ កាប់ឆ្ការ ដុត និងរុករានដីព្រៃរបស់រដ្ឋ ដោយខុសច្បាប់ក្នុងតំបន់ការពារធម្មជាតិ ដើម្បីកាន់កាប់ជាកម្មសិទ្ធិផ្ទាល់ខ្លួន និងដើម្បីលក់ទិញជាដើម។
លោក សេង សោត បានមានប្រសាសន៍ថា ដើម្បីឆ្លើយតបទៅនឹងបញ្ហាប្រឈមផ្នែក បេតិកភណ្ឌធម្មជាតិ បរិស្ថាន និងធនធានធម្មជាតិ រាជរដ្ឋាភិបាលកម្ពុជា ក្រោមការដឹកនាំរបស់ សម្តេចតេជោ ហ៊ុន សែន នាយករដ្ឋមន្ត្រី បាន និងកំពុងចាត់វិធានការជាបន្តបន្ទាប់ លើការការពារ និងអភិរក្សធនធានធម្មជាតិ និងជីវៈចម្រុះ និងការរស់នៅដោយចីរភាព ក្នុងការធានានូវការប្រើប្រាស់ និងការគ្រប់គ្រងធនធានធម្មជាតិ និងការអភិរក្សសម្បត្តិបេតិកភណ្ឌសម្រាប់មនុស្សគ្រប់ជំនាន់ ដោយទាមទារឱ្យមានការចូលរួមពីអ្នកពាក់ព័ន្ធនៃក្រសួង ស្ថាប័នរដ្ឋ វិស័យឯកជន គ្រឹះស្ថានអប់រំ អង្គការមិនមែនរដ្ឋាភិបាលជាតិ និងអន្តរជាតិ និងដៃគូអភិវឌ្ឍន៍ ដើម្បីបន្តរួមគ្នាជំរុញកម្ពុជាឈានឆ្ពោះទៅកាន់សង្គមមួយ ដែលមានភាពបៃតង ធន់នឹងអាកាសធាតុ សមភាព និងចីរភាព៕
អត្ថបទ៖ វ៉ាន់ ណាង
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១៧ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore