ព័ត៌មានជាតិ

ការរស់នៅល្អរបស់មនុស្ស មិនអាស្រ័យលើអគារខ្ពស់ៗ អគារល្អៗ នោះទេ គឺការរស់នៅដែលមានបរិយាកាសល្អនិងបរិស្ថានល្អ

បានផុស

៤ years មុន

នៅ

ថ្ងៃចន្ទ ១៤ មីនា ២០២២

ដោយ

ភ្នំពេញ ៖ ការរស់នៅដ៏ល្អរបស់មនុស្សជាតិមិនអាស្រ័យលើ ការរស់នៅលើអគារខ្ពស់ៗ អគារល្អៗ នោះទេ។ គឺការរស់នៅដែលមានបរិយាកាសល្អនិងបរិស្ថានល្អ។

នេះជាការលើកឡើងរបស់លោក នួន ផារ័ត្ន អភិបាលរង នៃគណៈអភិបាលរាជធានីភ្នំពេញតំណាងឲ្យលោកឃួង ស្រេង អភិបាលរាជធានីភ្នំពេញ ក្នុងអង្គរសិក្ខាសាលាស្តីពីការសិក្សាការផ្លាស់ប្តូរឆ្ពោះទៅទីក្រុងអេកូឡូស៊ី ឆ្នាំ២០២២ នៃការអនុវត្តគម្រោងលំនៅឋានដែលមានចីរភាព សម្រាប់ប្រជាពលរដ្ឋបង្កើនគុណភាពការរស់នៅនៃប្រជាជនក្នុងទីក្រុង Build4People ក្រោមវត្តមានលោក នួន ផារ័ត្ន និង លោកChristian Berger ឯកអគ្គរដ្ឋទូតសហព័ន្ធអាល្លឺម៉ង់ប្រចាំ ព្រះរាជាណាចក្រកម្ពុជានាព្រឹកថ្ងៃទី១៤ខែឆ្នាំ២០២២ នៅសាលារាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកនួន ផារ័ត្ន បានមានប្រសាសន៍លើកឡើងថា ឆ្លងតាមសិក្ខាសាលា ពាក់ព័ន្ធនឹងទីក្រុងស្អាត អភិបាលក្រុងសាំងហ្គាពួ ធ្លាប់បានប្រសាសន៍លើកឡើងហើយថា ការរស់នៅដ៏ល្អរបស់មនុស្សជាតិ មិនអាស្រ័យទៅលើការរស់នៅក្នុងអគារដ៏ល្អអគារដ៏ខ្ពស់នោះទេ។ ការរស់នៅដែលល្អគឺជាការរស់នៅក្នុងបរិយាកាសដ៏ល្អមានបរិស្ថានល្អ។

លោកបានជំរុញឲ្យការសិក្សាពីគម្រោងនេះឲ្យបានលឿនដើម្បីឲ្យរដ្ឋបាលរាជធានីភ្នំពេញពិចារណាក្នុងការអនុម័តក្នុងពេលឆាប់។ ក្នុងអង្គសិក្ខាសាលានេះដែរ ក៏មានការចូលរួមពីម្ចាស់បុរីមួយចំនួនផងដែរ ដែលលោកជំរុញឲ្យម្ចាស់បុរីទាំងអស់ស្វែងយល់ពីទិសដៅអ្វីដែលរាជធានីភ្នំពេញចង់បាន សំខាន់ធ្វើយ៉ាងណាកុំឲ្យដើរឆ្ងាយពីប្លង់គោលរបស់រដ្ឋបាលរាជធានីភ្នំពេញ។

លោកChristian Berger បានមានប្រសាសន៍លើកឡើងថា ការអភិវឌ្ឍន៍ក្រុង ជារឿងសំខាន់ដែលយើងត្រូវរួមគ្នាដើម្បីធ្វើដូចជាទីក្រុងវៃឆ្លាតជាដើម។ ការសិក្សាស្រាវជ្រាវនេះ គឺដើម្បីឱ្យភ្នំពេញកាន់តែមានការអភិវឌ្ឍ។ គំរោងនេះមិនអាចទៅរួចនោះទេបើមិនមានការគាំទ្រពីរដ្ឋបាលរាជធានីភ្នំពេញ។

គំរោងនេះមានគោលបំណងកសាង សម្រួលទំនាក់ទំនងថ្មីៗប្រកបដោយអត្ថន័យ រវាងផ្នែកឥរិយាបថ និងបរិស្ថាន ព្រមទាំងទំនាក់ទំនងរវាងបច្ចេកវិទ្យា និងគោលនយោបាយ។ គោលបំណងនៃគម្រោងនេះ គឺដើម្បីផ្លាស់ប្តូរបន្តិច ម្តងៗពីវប្បធម៌ធ្វើផែនការ ដែលមានការចូលរួមតែពីអ្នកបច្ចេកទេសពីលើមកក្រោមទៅជាដំណើរការ និងវប្បធម៌ពិគ្រោះ យោបល់ជាមួយនឹងប្រជាពលរដ្ឋ។ តាមរយៈការធ្វើបែបនេះគេ អាចកសាងនៅមូលដ្ឋានសម្រាប់ការអភិវឌ្ឍន៍ទីក្រុង បែបចម្រុះ។

គោលបំណងជារួម គឺដើម្បីលើកកម្ពស់ជីវិតនៅក្នុងទីក្រុងតាមរយៈការសាងសង់អាគារប្រកបដោយចីរភាព ការអភិវឌ្ឍសហគមន៍ ប្រកបដោយចីរភាព និងការពង្រីកហេដ្ឋារចនាសម្ព័ន្ធបៃតង។ លើសពីនេះ ក៏មានការផ្តោតការយកចិត្តទុកដាក់លើការពង្រឹង ភាពធន់ទៅនឹងផលវិបាកបណ្តាល មកពីការប្រែប្រួលអាកាសធាតុផងដែរ។ ដូច្នេះ ការផ្ទេរជាបន្តបន្ទាប់នូវចំណេះដឹងពីអ្នក ជំនាញអន្តរជាតិក្នុងវិស័យវិទ្យាសាស្ត្រ នយោបាយ និងពលរដ្ឋ ក្នុងទីក្រុង និងវិស័យឯកជន ត្រូវបានចាត់ទុកថាមានសារសំខាន់ និងចាំបាច់ ដើម្បីឱ្យទីក្រុងមានការអភិវឌ្ឍដោយចីរភាព។ គម្រោង Build4People ផ្តោតលើការរិះរកដំណោះស្រាយសម្រាប់ការអភិវឌ្ឍទីក្រុងដែលមានលក្ខណៈបរិយាបន្ន និងយកចិត្តទុកដាក់ ចំពោះពលរដ្ឋ៕

ដោយ ៖ ស្រីរ័ត្ន

Related Topics:

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា