ព័ត៌មានជាតិ
សម្តេច ស ខេង ប្រាប់ក្រុមការងាររដ្ឋាភិបាលថា ការងារចុះមូលដ្ឋាន មិនមែនដូចទៅជិះសេះមើលផ្កាទេ
សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានក្រុមការងាររាជរដ្ឋាភិបាលកម្ពុជាចុះមូលដ្ឋានខេត្តបាត់ដំបង បានប្រាប់ក្រុមការងាររាជរដ្ឋាភិបាលថា ការងារចុះមូលដ្ឋានមិនមែនប្រៀបដូចទៅជិះសេះមើលផ្កានោះទេ ពោល គឺធ្វើយ៉ាងណាត្រូវដឹងសុខទុក្ខប្រជាពលរដ្ឋ។
ក្នុងពិធីសម្ពោធដាក់ឱ្យប្រើប្រាស់ជាផ្លូវការ អគារសិក្សាវិទ្យាល័យ ស ខេង កន្ទឺ២ និងសមិទ្ធផលនានា ស្ថិតនៅភូមិចំការអូរ ឃុំកន្ទឺ២ ស្រុកបាណន់ ខេត្តបាត់ដំបង កាលពីថ្ងៃពុធ សម្តេច ស ខេង បានមានប្រសាសន៍ថា៖ «ក្រុមការងាររាជរដ្ឋាភិបាល មានការងារជំនាញ និងទទួលខុសត្រូវក្នុងវិស័យ ដែលក្រសួងបានបែងចែក និងប្រគល់ជូន ហើយក្រៅពីនោះ គឺផ្សារភ្ជាប់ជាមួយនឹងប្រជាពលរដ្ឋនៅមូលដ្ឋាន ហើយក៏មិនមែនចុះមកដើម្បីប្រៀបដូច ថា ជិះសេះមើលផ្កា ទេ»។
សម្ដេចក្រឡាហោមបានបន្ដថា ក្រុមការងាររាជរដ្ឋាភិបាល តែងតែយកចិត្តទុកដាក់ ដើម្បីផ្ដួចផ្ដើមគំនិតរិះរកមធ្យោបាយ ដើម្បីដោះស្រាយជូនប្រជាពលរដ្ឋភ្លាមៗ។ សម្ដេចក្រឡាហោម បានបន្ថែមថា មិនមែនតែស្រុកបាណន់នោះទេ គឺមាននៅស្រុកផ្សេងៗទៀត នៅទូទាំងប្រទេសកម្ពុជា ទោះបីកម្រិតខុសគ្នាក៏ដោយ ប៉ុន្ដែ ក្រុមការងាររាជរដ្ឋាភិបាល មានឆន្ទៈទទួលខុសត្រូវ និងខិតខំប្រឹងប្រែងដូចគ្នា។
សម្ដេចក្រឡាហោម បានបញ្ជាក់ថា ក្រុមការងាររាជរដ្ឋាភិបាលតែងតែចាត់ទុកការងារជួយប្រជាពលរដ្ឋ គឺមានតម្លៃខ្ពស់ ហើយចុះជួយប្រជាពលរដ្ឋគ្រប់ដំណាក់កាលដែលប្រជាពលរដ្ឋជួបការលំបាក។ សម្ដេចក្រឡាហោម បានលើកឡើងទៀតថា រាជរដ្ឋាភិបាលកម្ពុជា បានសង្រ្គោះអាយុជីវិតប្រជាពលរដ្ឋទាំងអស់ចេញពីជំងឺកូវីដ១៩ ដោយគ្មានការរើសអើង ប្រកាន់ ឬ បែងចែកនិន្នាការនយោបាយឡើយ៕
ដោយ ៖ សំអឿន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ