ព័ត៌មានជាតិ
ទឹកទន្លេបាសាក់ប្រែប្រួលឡើងថ្លាឡើងវិញ ពលរដ្ឋសប្បាយចិត្តនាំគ្នាដងយកទៅប្រើប្រាស់
ភ្នំពេញ៖ អ្នករស់នៅមាត់ច្រាំងទន្លេបាសាក់ត្រើយខាងកើតទន្លេបានប្រាប់កម្ពុជាថ្មីនៅព្រឹកនេះថា ក្នុងអំឡុងមួយសប្តាហ៍ដើមខែមេសានេះ ទឹកទន្លេបាសាក់បានស្រស់ថ្លាឡើងវិញ ធ្វើឲ្យបងប្អូនប្រជាពលរដ្ឋចុះដងយកមកមុជក៏ដូចជាយកមកបោកសម្លៀកបំពាក់បានល្អប្រសើរដោយមិនខ្លាចប្រលាក់។
ពលរដ្ឋឈ្មោះកែវ សុធី រស់នៅភូមិដើមម៉ាក់ក្លឿ សង្កាត់ច្បារអំពៅទី១ ខណ្ឌច្បារអំពៅរាជធានីភ្នំពេញបានឲ្យដឹងថា នៅដើមខែមេសានេះបងប្អូនប្រជាពលរដ្ឋរស់នៅតាមដងទន្លេបាសាក់ បាននាំគ្នាដងទឹកទន្លេមកប្រើប្រាស់ដូចរាល់ដងខុសប្លែកពីពាក់កណ្តាលខែមិនាកន្លងទៅទឹកទន្លេល្អក់ រហូតពណ៌លឿងដែលមិនអាចដងយកមកប្រើប្រាស់បានដោយខ្លាចប្រលាក់សម្លៀកបំពាក់ពេលដងយកមកបោកគក់។
ប្រជាពលរដ្ឋមួយរូបទៀតឈ្មោះ មាន ធិតា រស់នៅភូមិដើមចាន់ សង្កាត់ច្បារអំពៅទី២ខណ្ឌច្បារអំពៅ សម្តែងអារម្ណ៍សប្បាយចិត្តពេលឃើញទឹកទន្លេល្អស្អាតឡើងវិញ ដែលធ្វើឲ្យបងប្អូនប្រជាពលរដ្ឋដាក់ម៉ូទ័រយកមកប្រើប្រាស់បានមិនដូចកន្លះខែមុនទឹកទន្លេក្លាយជាពណ៌ភក់ល្បាប់ ពិបាកបូមយកមកប្រើ។
តាមពលរដ្ឋដាក់ការសង្ស័យកន្លងមកថា ទឹកទន្លេឡើងល្អក់ ដោយសារមានសាឡង់បូមខ្សាច់មកដាក់បូមបង្កឲ្យភក់ល្បាប់ ចេញពីបាតទន្លេមក។ តែទោះជាយ៉ាងណាក៏ពុំមានអ្នកជំនាញបានផ្តល់ពត័មាននេះបានទេ។
លោក លី ហួត ក្រុមប្រឹក្សាសង្កាត់ច្បារអំពៅទី១បានប្រាប់កម្ពុជាថ្មីថា កន្លះខែមុនទឹកទន្លេបាសាក់ពិតជាល្អក់មែន ដោយពុំដឹងពីមូលហេតុអ្វីឲ្យច្បាស់លាស់នោះទេ។ប៉ុន្តែពេលនេះទឹកបានស្រស់ថ្លាឡើងវិញមិនចាញ់ទឹកម៉ាសុីនឡើយ៕
អត្ថបទ៖ នរា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង