ព័ត៌មានជាតិ
កូវ៉ាក់គ្រោងផ្តល់វ៉ាក់សាំងជាង ៥ លានដូសបន្ថែមទៀតដល់កម្ពុជា
មជ្ឈមណ្ឌលកូវ៉ាក់ គ្រោងនឹងផ្តល់វ៉ាក់សាំងប្រមាណ ៥លាន ៥សែនដូសបន្ថែមទៀតដល់ប្រទេសកម្ពុជាសម្រាប់គាំទ្រដល់ដំណើរការចាក់វ៉ាក់សាំងជូនប្រជាពលរដ្ឋទៅថ្ងៃអនាគត។
ថ្លែងក្នុងពិធីប្រគល់ទទួលវ៉ាក់សាំងប្រភេទ Pfizer ជិត២លានដូសជាជំនួយរបស់សហរដ្ឋអាមេរិកនៅព្រឹកថ្ងៃទី០៣ ឧសភានេះនៅព្រលានយន្តហោះអន្តរជាតិភ្នំពេញ លោកស្រី ហ្វ័រូហ្គ ហ្វយូហ្សិថ (Foroogh Foyouzat)នាយិកាយូនីសេហ្វប្រចាំកម្ពុជា បានមានប្រសាសន៍ថា ការមកដល់វ៉ាក់សាំង ២លានដូសជាជំនួយរបស់សហរដ្ឋអាមេរិកនាពេលនេះធ្វើឱ្យការផ្តល់ជំនួយតាមរយៈយន្តការកូវ៉ាក់កើនឡើងដល់៥លាន៩សែនដូសដែលចំនួននេះស្ទើរតែគ្រប់ចំនួន៦លាន ៧សែនដូស ដែលយន្តការកូវ៉ាក់បានសន្យាផ្តល់ជូនប្រទេសកម្ពុជាស្ថិតក្នុងដំណាក់កាលដំបូងដែលកំពុងមានការរាតត្បាតជំងឺកូវីដ១៩។
លោកស្រីបានបន្តថា វ៉ាក់សាំងចំនួន ៥លាន ៥សែនដូសបន្ថែមទៀតត្រូវបានបន្តការគាំទ្រដល់កម្ពុជានាពេលអនាគត។
មជ្ឈមណ្ឌលកូវ៉ាក់ (COVAX) គឺជាយន្តការសកលមិនធ្លាប់មាន ដើម្បីពន្លឿនការអភិវឌ្ឍនិងការផលិតវ៉ាក់សំាងកូវីដ-១៩ ដែលមានសុវត្ថិភាពនិងធានាឲ្យមានការទទួលបានវ៉ាក់សាំងប្រកបដោយយុត្តិធម៌ និងសមធម៌និងឆាប់រហ័សបំផុតតាមដែលអាចធ្វើទៅបាន។
យូនីសេហ្វគឺជាទីភ្នាក់ងារដឹកនាំកិច្ចលទ្ធកម្ម និងការដឹកជញ្ជូនវ៉ាក់សំាងកូវីដ-១៩តាមរយៈយន្តការកូវ៉ាក់ ហើយនេះគឺជាប្រតិបត្តិការទ្រង់ទ្រាយធំបំផុតនិងមានភាពស្មុគស្មាញបំផុតមិនធ្លាប់មាននៅក្នុងប្រវត្តិសាស្រ្តនៃយុទ្ធនាការផ្តល់ថ្នាំបង្ការ។
លោក សាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាលបានមានប្រសាសន៍ថាមជ្ឈមណ្ឌលកូវ៉ាក់ ដែលជាយន្តការសកល ដឹកនាំដោយអង្គការ Gavi CEPI និងអង្គការសុខភាពពិភពលោក (WHO) សហការជាមួយយូនីសេហ្វ (UNICEF) បានសហការយ៉ាងជិតស្និទ្ធជាមួយរាជរដ្ឋាភិបាលកម្ពុជា តាំងពីដំបូង ក្នុងការជំរុញឱ្យកម្ពុជា ស្ថិតនៅក្នុងចំណោមប្រទេសដំបូងៗគេ នៅក្នុងតំបន់ប៉ាស៊ីហ្វិកខាងលិច ទទួលបានវ៉ាក់សាំងកូវីដ-១៩។
លោក រដ្ឋមន្ត្រីបានបន្តថារហូតមកដល់ពេលនេះប្រទេសកម្ពុជាមានវ៉ាក់សាំងបង្ការជំងឺកូវីដ១៩ប្រមាណជាង៧៣លានដូសហើយសម្រាប់ចាក់ជូនដល់ប្រជាពលរដ្ឋ។
ក្នុងចំណោមវ៉ាក់សាំងជាង ៧៣លានដូស មានទាំងវ៉ាក់សាំងជំនួយទ្វេភាគី ជំនួយតាមរយៈយន្តការកូវ៉ាក់និងការបញ្ជាទិញផ្ទាល់ហើយវ៉ាក់សាំងជាង ៥៣លានដូស បានប្រគល់ជូនកម្ពុជារួចហើយ និងនៅសល់ជាង ២០លានដូសទៀតនឹងដឹកមកដល់ប្រទេសកម្ពុជាជាបន្តបន្ទាប់ទៀត៕
អត្ថបទ៖ សំអឿន
អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត
ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ
ក្រសួងការងារ និងបណ្តុះបណ្តាលវិជ្ជាជីវៈ បើកវគ្គបណ្តុះបណ្តាលលើជំនាញផ្នែកកំបោរក្នុងវិស័យសំណង់
ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត
មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
កីឡា៥ ថ្ងៃ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ agoតាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ agoនាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ agoដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ agoមនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ