ព័ត៌មានជាតិ
កម្ពុជារៀបចំផែនការមេអភិវឌ្ឍថាមពលថ្មីដើម្បីធានាការផ្គត់ផ្គង់ប្រភពអគ្គិសនីឱ្យមានស្ថិរភាព
លោកឌិត ទីណា រដ្ឋលេខាធិការក្រសួងរ៉ែ និងថាមពលបានអះអាងថា កម្ពុជាបានរៀបចំផែនការមេអភិវឌ្ឍថាមពលថ្មីឆ្នាំ២០២១-២០៤០ដើម្បីធានាការផ្គត់ផ្គង់ប្រភពអគ្គិសនីឱ្យមានស្ថិរភាព។
ថ្លែងក្នុងជំនួបពិភាក្សាការងារជាមួយគណៈប្រតិភូធុរកិច្ចអូទ្រីស ដែលដឹកនាំដោយ លោក Guamur Sucmer ទីប្រឹក្សាសហគមន៍នៃស្ថានទូតអូទ្រីស ដែលមានទីស្នាក់ការនៅទីក្រុងបាងកក ព្រះរាជាណាចក្រថៃនៅថ្ងៃទី ១៣ ខែឧសភា លោករដ្ឋលេខាធិការបានជម្រាបជូនគណៈប្រតិភូអំពីវឌ្ឍនភាពនៃការរៀបចំផែនការមេអភិវឌ្ឍថាមពលថ្មីរបស់កម្ពុជាឆ្នាំ២០២១-២០៤០ ដែលនឹងអនុម័តជាផ្លូវការដោយរាជរដ្ឋាភិបាលកម្ពុជានាពេលឆាប់ៗខាងមុខនេះ។
លោករដ្ឋលេខាធិការបានបន្តថា «ផែនការមេថ្មីនេះមិនត្រឹមតែមានគោលដៅធ្វើយ៉ាងណាឱ្យប្រភពអគ្គិសនីមានគ្រប់គ្រាន់ មានស្ថិរភាព មានសន្តិសុខថាមពលនិងមានតម្លៃកាន់តែប្រសើរប៉ុណ្ណោះទេ យើងក៏បានបង្កើនចំណែកប្រភពថាមពលដែលស្អាតឲ្យបានអតិបរិមា តាមដែលអាចធ្វើទៅបានផងដែរ»។
លោករដ្ឋលេខាធិការបានបន្ថែមថានៅក្នុងជំនួបពិភាក្សាការងារ នោះគឺយើងផ្តោតសំខាន់លើការរៀបចំផែនការយុទ្ធសាស្ត្រអភិវឌ្ឍថាមពលកម្ពុជា និងចំណាប់អារម្មណ៍របស់ភាគីអូទ្រីសលើការវិនិយោគនិងផ្គត់ផ្គង់គ្រឿងបរិក្ខារបច្ចេកទេស និងបច្ចេកវិទ្យាសម្រាប់បម្រើឱ្យការអភិវឌ្ឍ ក្នុងស្ថានីយ៍វារីអគ្គិសនី ហេដ្ឋារចនាសម្ព័ន្ធតភ្ជាប់និងការគ្រប់គ្រងថាមពលជាដើម៕
អត្ថបទ៖ សំអឿន
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៦ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)