ព័ត៌មានជាតិ
អាជ្ញាធរណែនាំឱ្យកម្លាំងសមត្ថកិច្ចការពារសន្ដិសុខជូនពលរដ្ឋនៅថ្ងៃបោះឆ្នោត
លោក កែវ សុភា អភិបាលរងខណ្ឌទួលគោកបានជំរុញឱ្យកងកម្លាំងសមត្ថកិច្ចទាំងអស់ត្រូវការពារសន្តិសុខ សុវត្ថិភាពជូនប្រជាពលរដ្ឋឱ្យបានល្អប្រសើរបំផុត នៅក្នុងការបោះឆ្នោតក្រុមប្រឹក្សា ឃុំ សង្កាត់នាថ្ងៃទី០៥ មិថុនានេះ។
ការជំរុញបែបនេះបានធ្វើឡើង នៅក្នុងកិច្ចប្រជុំសាមញ្ញលើកទី៣៦របស់ក្រុមប្រឹក្សាខណ្ឌទួលគោក នាព្រឹកថ្ងៃទី ៣១ ខែឧសភា ឆ្នាំ២០២២នេះ នៅសាលាខណ្ឌទួលគោក ក្រោមវត្តមានលោក ម៉ែន សិរី ប្រធានក្រុមប្រឹក្សាខណ្ឌ សមាជិកក្រុមប្រឹក្សា លោកចៅសង្កាត់ទាំង ១០ និងមានការចូលរួមពីមន្ត្រីក្រោមឱវាទជាច្រើនរូបទៀត។
ក្រៅពីនេះ លោក កែវ សុភា ក៏បានជំរុញឱ្យមន្ត្រីខណ្ឌ សង្កាត់ ត្រូវចុះផ្សព្វផ្សាយ និងចលនាប្រជាពលរដ្ឋ ឱ្យទៅទទួលការចាក់វ៉ាក់សាំងការពារជំងឺកូវីដ១៩ ដូសទី ៥ នៅថ្ងៃទី០៩ មិថុនានេះឱ្យបានគ្រប់គ្នា។
ទន្ទឹមនឹងនោះ លោក ម៉ែន សិរី បានមានប្រសាសន៍លើកឡើងថា៖ កិច្ចប្រជុំសាមញ្ញលើកទី ៣៦ របស់ក្រុមប្រឹក្សាខណ្ឌទួលគោកនាព្រឹកនេះ គឺជាកិច្ចប្រជុំផ្ទាល់ និងមានលក្ខណៈទូលំទូលាយជាលើកទី១ហើយ ក្រោយពីខកខាន អស់រយៈពេល២ឆ្នាំកន្លងមកនេះ ដោយសារតែ ការឆ្លងរាលដាលជំងឺកូវីដ-១៩។ ២ឆ្នាំកន្លងមកនេះ យើងអាចប្រជុំបានត្រឹមតែតាមរយៈការបញ្ជូនរូបភាព និងសម្លេង ( Video Conference )តែប៉ុណ្ណោះ។
ប៉ុន្តែដោយមានការដឹកនាំដ៏ឆ្លាតវៃរបស់សម្តេចតេជោហ៊ុន សែន ជានាយករដ្ឋមន្ត្រី បានស្រោចវ៉ាក់សាំងជូនប្រជាពលរដ្ឋបានគ្រប់គ្នានិងគ្រប់ដុសទើបយើងអាចគ្រប់គ្រងជម្ងឺនេះបានដោយជោគជ័យ ព្រមទាំងបានបើកប្រទេសឱ្យដំណើរការសេដ្ឋកិច្ចជាធម្មតាឡើងវិញ ហើយកិច្ចប្រជុំដោយផ្ទាល់និងមានលក្ខណៈទូលំទូលាយបែបនេះ ក៏បានចាប់ផ្តើមដំណើរជាប្រក្រតីឡើងវិញផងដែរ៕
អត្ថបទ៖ ស្រីរ័ត្ន
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
កសិដ្ឋានវៃឆ្លាតដាំដំណាំពោតលើផ្ទៃដីប្រមាណ ១ពាន់ហិកតា នៅខេត្តសៀមរាប ត្រូវបានសម្ពោធជាផ្លូវការ