ព័ត៌មានជាតិ
ជំនាញប្រកាសបង្ក្រាបបទល្មើសនាំចូលស៊ុតសត្វមាន់- ទា ពីប្រទេសជិតខាង
អគ្គនាយកដ្ឋានសុខភាពសត្វ និងផលិតកម្មសត្វ នៃក្រសួងកសិកម្ម បានអះអាងថា ខ្លួនពុំដែលអនុញ្ញាតឱ្យមានការនាំចូលស៊ុត ពីប្រទេសជិតខាង ចូលកម្ពុជាឡើយ ហើយប្រកាសឱ្យមានការចូលរួមផ្ដល់ព័ត៌មាន ពីការនាំចូល ដើម្បីឈានដល់ការបង្រ្កាប។
ការអះអាងនេះ បានធ្វើឡើងនៅក្នុងសេចក្តីប្រកាសព័ត៌មានមួយរបស់ខ្លួន កាលពីថ្ងៃទី២១ ខែធ្នូ ឆ្នាំ២០២០ និងបន្ទាប់ពីមានការលើកឡើងពីការធ្លាក់ចុះតម្លៃស៊ុត នៅតាមតំបន់មួយចំនួន។
សេចក្តីប្រកាសព័ត៌មាន បានឱ្យដឹងថា អគ្គនាយកដ្ឋានសុខភាពសត្វ និងផលិតកម្មសត្វ ក៏ដូចជាក្រសួងកសិកម្ម រុក្ខាប្រមាញ់ និងនេសាទ ពុំដែលអនុញ្ញាតជាគោលការណ៍ ឱ្យនាំចូលស៊ុត ពីប្រទេសជិតខាង ចូលមកទីផ្សារព្រះរាជាណាចក្រកម្ពុជាឡើយ។
អគ្គនាយកដ្ឋានសុខភាពសត្វ និងផលិតកម្មសត្វ បានលើកឡើងថា ចំពោះតម្លៃស៊ុតទា សម្រាប់យកទៅភ្ញាស់ បើប្រៀបធៀបរវាងកម្ពុជា ជាមួយនឹងប្រទេសវៀតណាម គឺមានតម្លៃប្រហាក់ប្រហែលគ្នា ខណៈស៊ុតទា ធម្មតា មិនបង្កកំណើត នៅកម្ពុជា តម្លៃ២៨០រៀលក្នុង១គ្រាប់ ចំណែកនៅប្រទេសវៀតណាម តម្លៃ៣០០រៀល ក្នុង១គ្រាប់។
សេចក្តីប្រកាសព័ត៌មាន បានលើកឡើងទៀតថា ស្ថានភាពកូវីដ-១៩ ការផ្អាកកម្មវិធីជួបជុំ ធ្វើឱ្យតម្រូវការស៊ុត មានការកាត់បន្ថយជាអតិបរមា នៅពេលការចិញ្ចឹមបក្សីយកស៊ុត មានការកើនឡើងនៅគ្រប់តំបន់ទូទាំងប្រទេស ម្យ៉ាងទៀតនៅក្នុងរដូវត្រីត្រូវ ពលរដ្ឋមួយចំនួនបែរមកបរិភោគត្រីជំនួសវិញ។
យ៉ាងណាក៏ដោយ អគ្គនាយកដ្ឋានសុខភាពសត្វ និងផលិតកម្មសត្វ បានអះអាងថា ក្នុងករណីបានដឹងព័ត៌មានពីការនាំចូល ស៊ុតមាន់-ទា ពីប្រទេសជិតខាង ត្រូវរាយការណ៍ ដើម្បីក្រសួងចុះអន្តរាគមន៍បង្រ្កាប៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ