ព័ត៌មានជាតិ
វិស័យកសិកម្មនៅកម្ពុជា កំពុងជួបបញ្ហាលំបាកជាច្រើន ដែលទាមទារឱ្យមានដំណោះស្រាយបន្ទាន់
មន្ត្រីជាន់ខ្ពស់នៃក្រសួងកសិកម្មរុក្ខាប្រមាញ់ និងនេសាទបានអះអាងថា បច្ចុប្បន្ន វិស័យកសិកម្មបានកំពុងជួបបញ្ហាលំបាក ដោយសារវិបត្តិជំងឺកូវីដ និងសង្គ្រាមរុស្សី-អ៊ុយក្រែន។
ថ្លែងក្នុងសិក្ខាសាលាពិគ្រោះយោបល់ ស្តីពីការតម្រង់ទិសអាទិភាពនយោបាយ សម្រាប់ការស្តារ និងពង្រឹងកិច្ចអភិវឌ្ឍន៍សង្គម សេដ្ឋកិច្ចកម្ពុជា ក្នុងគន្លងប្រក្រតីភាពថ្មីឆ្នាំ ២០២៣ និងឆ្នាំបន្តបន្ទាប់ កាលពីថ្ងៃទី ២៨ មិថុនា លោក ស្រី វុឌ្ឍី អគ្គលេខាធិការក្រសួងកសិកម្មរុក្ខាប្រមាញ់ និងនេសាទ បានបន្តថា« បច្ចុប្បន្ន វិស័យកសិកម្មបានកំពុងជួបបញ្ហាលំបាក ដោយសារម្ខាងវិបត្តិជំងឺកូវីដ ជាពិសេសការថែមនូវវិបត្តិថ្មីមួយទៀត ដែលបានអូសបន្លាយសង្គ្រាមរុស្សី-អ៊ុយក្រែន បានធ្វើឲ្យទំនិញឡើងថ្លៃ បានធ្វើឲ្យថ្លៃដើមសម្រាប់ការផលិតឡើងថ្លៃខ្ពស់ ដែលបញ្ហានេះត្រូវកញ្ចប់ថវិកាដើម្បីដោះស្រាយ »។
លោកបានបន្តថា ក្រសួងបានកំពុងអនុវត្តគោលនយោបាយសំខាន់ៗជាច្រើនដូចជា, ការដាក់វិនិយោគសម្រាប់ការធ្វើទំនើបកម្ម ខ្សែច្រវាក់តម្លៃនៃកសិកម្ម ដើម្បីលើកកម្ពស់ខ្សែច្រវាក់ផលិតកម្មប្រកបដោយភាពប្រកួតប្រជែង ដោយផ្តោតលើការប្រើប្រាស់នូវបច្ចេកវិទ្យាវ័យឆ្លាត, ការវិនិយោគលើវិស័យសាធារណៈនិងវិស័យឯកជន ត្រូវបង្កើន ជាពិសេសការគាំទ្រដល់ហេដ្ឋារចនាសម្ព័ន្ធ ដើម្បីរុញឲ្យវិស័យកសិកម្មរីកលូតលាស់, ការធ្វើឲ្យមានកំណើនប្រកបដោយចីរភាព និងការសម្រួចអនុវត្តច្បាប់ ការកែទម្រង់ស្ថាប័ន និងការអនុវត្តធនធានមនុស្សនៅក្នុងវិស័យកសិកម្មមានការរីកចម្រើនទៅមុខ។
ជុំវិញបញ្ហានេះលោក វង្សី វិស្សុត រដ្ឋមន្ត្រីប្រតិភូអមនាយករដ្ឋមន្ត្រី ជារដ្ឋលេខាធិការក្រសួងសេដ្ឋកិច្ច និងហិរញ្ញវត្ថុបានមានប្រសាសន៍ថា ទាក់ទងសន្តិសុខស្បៀងនេះ ពិភពលោកនឹងជួបវិបត្តិម្ហូបអាហារ នឹងអាចធ្វើឲ្យទំនិញកាន់តែឡើងថ្លៃបន្ថែមទៀតនៅឆ្នាំក្រោយនេះ, ប្រការទាំងនេះយើងត្រូវសហការអនុវត្តពីពេលនេះតទៅ, ក្នុងនោះរាជរដ្ឋាភិបាល ត្រូវតែជំរុញការផលិតដើម្បីរក្សាសន្តិសុខស្បៀង ព្រោះបញ្ហាចំណីអាហារជារឿងសំខាន់បំផុត។ លោក វង្សី វិស្សុត បានបន្តថា ចំពោះទំនិញឡើងថ្លៃនេះ បានធ្វើឲ្យប៉ះពាល់ក៏ពិតមែន ប៉ុន្តែវាក៏ជាឱកាសផងដែរ ដែលបញ្ហានេះ កម្ពុជាត្រូវដោះស្រាយច្រើន និងត្រូវវិនិយោគកន្លែងដែលមានភាពប្រកួតប្រជែង ការផលិតសម្រាប់ផ្គត់ផ្គង់ និងការនាំចេញ៕
អត្ថបទ៖ សំអឿន
-
ព័ត៌មានអន្ដរជាតិ៥ ម៉ោង agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
កីឡា៤ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ៣ ថ្ងៃ agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
អត្ថាធិប្បាយ៥ ថ្ងៃ agoវិចារណកថាចក្ខុវិស័យកែទម្រង់យោធាកម្ពុជា៖ ពីកម្លាំងបរិមាណ ឆ្ពោះទៅកងទ័ពជំនាញឌីជីថល និងមនសិកាការពារជាតិ
-
ព័ត៌មានអន្ដរជាតិ៥ ថ្ងៃ agoអាមេរិក បើកការវាយប្រហារអ៊ីរ៉ង់ ថ្មីទៀត ដើម្បីសងសឹក ចំពោះការធ្លាក់ឧទ្ធម្ភាគចក្រ Apache
-
ព័ត៌មានអន្ដរជាតិ៤ ថ្ងៃ agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត
-
ព័ត៌មានជាតិ២ ថ្ងៃ agoរោងចក្រផលិតជីក្រុមហ៊ុន ម៉ុង ឫទ្ធី ចាយទុនប្រមាណ ១០ លាន នឹងចាប់ផ្តើមផលិតចែកចាយលក់ក្នុងតម្លៃទាប ជួយកសិករដាំដុះដំណាំកសិកម្ម
-
ព័ត៌មានអន្ដរជាតិ២ ថ្ងៃ agoពូទីន៖ រុស្ស៊ីតែម្នាក់ឯង ត្រូវប្រយុទ្ធជាមួយ លោកខាងលិចទាំងមូល ក្នុងសង្គ្រាមនៅ អ៊ុយក្រែន