ព័ត៌មានជាតិ
វ៉ាក់សាំង Pfizer ចំនួន ២០ម៉ឺនដូសជាជំនួយរបស់អូស្រ្តាលី នឹងដឹកមកដល់កម្ពុជានៅព្រឹកស្អែកនេះ
វ៉ាក់សាំងបង្ការជំងឺកូវីដ-១៩ ប្រភេទ Pfizer សម្រាប់ចាក់ជូនកុមារចំនួន ២០ម៉ឺនដូស ដែលជាជំនួយ របស់ប្រទេសអូស្រ្តាលី នឹងដឹកមកដល់ប្រទេសកម្ពុជា នៅម៉ោង ៧និង៥៥នាទីព្រឹក ថ្ងៃទី ៨ ខែកក្កដា ឆ្នាំ ២០២២ស្អែកនេះ ខណៈវ៉ាក់សាំងជិត ៣០ម៉ឺនដូសទៀត នឹងដឹកមកជាបន្តបន្ទាប់។
ពិធីប្រគល់-ទទួលវ៉ាក់សាំ ង២០ម៉ឺនដូសនេះ នឹងធ្វើឡើងក្រោមអធិបតីភាពលោកសាស្រ្តាចារ្យ ម៉ម ប៊ុនហេង រដ្ឋមន្រី្តក្រសួងសុខាភិបាល និងតំណាងស្ថានអូស្រ្តាលី ប្រចាំព្រះរាជាណាចក្រកម្ពុជា។
លោកស្រី វេជ្ជបណ្ឌិត យក់ សម្បតិ្ត រដ្ឋលេខាធិការក្រសួងសុខាភិបាល បានមានប្រសាសន៍នៅរសៀលថ្ងៃទី ៧ ខែកក្កដានេះថា វ៉ាក់សាំង ២០ម៉ឺនដូសនេះ ជាជំនួយទ្វេភាគីដែលរដ្ឋាភិបាលអូស្ត្រាលី ផ្តល់ជូនរាជរដ្ឋាភិបាលកម្ពុជា បន្ទាប់ពីបានផ្តល់លើកទី ១ ចំនួន ២លាន ៣សែនដូសរួចហើយ។
លោកស្រីបានបន្តថា ចំណែកវ៉ាក់សាំង ២៨ម៉ឺនដូសទៀត ដែលជាជំនួយរបស់រដ្ឋាភិបាលអូស្ត្រាលីដែរនោះ នឹងដឹកមកតាមក្រោយជាបន្តបន្ទាប់ទៀត។ លោកស្រីបានបន្ថែមថា បើគិតវ៉ាក់សាំង ២០ម៉ឺនដូស ដែលមកដល់នៅថ្ងៃស្អែកនេះទៀត ធ្វើឲ្យកម្ពុជាទទួលបានវ៉ាក់សាំងប្រមាណជាង ៥៣លានដូសហើយ៕
អត្ថបទ៖ សំអឿន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង