ព័ត៌មានជាតិ
លោក ហ៊ុន ម៉ាណែត ត្រូវដំឡើងឋានៈ ជាអនុប្រធានគណៈចលនាមហាជននៃគណៈកម្មាធិការកណ្ដាល នៃគណបក្សប្រជាជនកម្ពុជា
កូនប្រុសច្បងសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា គឺលោក ហ៊ុន ម៉ាណែត ត្រូវបានដំឡើងឋានៈ ពីសមាជិក ជាអនុប្រធានគណៈចលនាមហាជន នៃគណៈកម្មាធិការកណ្ដាលគណបក្ស ប្រជាជនកម្ពុជា នេះបើយោងតាមសេចក្តីសម្រេច ស្ដីពីការតែងតាំងដំឡើងឋានៈមន្ត្រីគណបក្ស ចុះហត្ថលេខាដោយសម្ដេចវិបុលសេនាភក្តី សាយ ឈុំអនុប្រធានគណបក្ស ប្រជាជនកម្ពុជា នាថ្ងៃទី២៣ ខែធ្នូ ឆ្នាំ២០២០នេះ។
បើតាមសេចក្តីសម្រេចនោះ ការសម្រេចតែងតាំងលោក ហ៊ុន ម៉ាណែត នេះដោយយោងទៅលើសេចក្តីសម្រេចលេខ ៣២៧/១៥ សស.គក ចុះថ្ងៃទី២៥ ខែឧសភា ឆ្នាំ២០១៥, សំណូមពរការងារនិងសមត្ថភាពរបស់មន្ត្រីគណបក្ស, សំណើរបស់គណៈចាត់តាំង នៃគណៈកម្មាធិការកណ្ដាល និងមតិរបស់គណៈប្រចាំការ នៃគណៈអចិន្ត្រៃយ៍គណៈកម្មាធិការកណ្តាលគណបក្ស ប្រជាជនកម្ពុជា។
សូមបញ្ជាក់ថា លោក ហ៊ុន ម៉ាណែត បច្ចុប្បន្នមានឋានន្តរស័ក្តិយោធា ជាឧត្ដមសេនីយ៍ឯក ជាអគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងទ័ព ជើងគោក នៃកងយោធពលខេមរភូមិន្ទ ហើយលោកក៏ជាសមាជិកអចិន្ត្រៃយ៍ នៃគណបក្សប្រជាជនកម្ពុជាផងដែរ។ លោកត្រូវបានសារព័ត៌មានអន្តរជាតិធំៗមួយចំនួន បានចុះផ្សាយយ៉ាងច្រើន អំពីតួនាទី និងទេពកោសល្យផងដែរ។
កាលពីថ្ងៃទី៨ ខែមិថុនា ឆ្នាំ២០២០ លោក ហ៊ុន ម៉ាណែត ត្រូវបានតែងតាំងពីអនុប្រធាន ជាប្រធានយុវជនគណបក្សប្រជាជនកម្ពុជា ជំនួសលោក កែ ប៊ុនខៀង ដែលត្រូវទៅកាន់ការងារថ្មី ហើយការសម្រេចដំឡើងឋានៈ នាពេលនោះ ដោយយោងទៅតាមសំណូមពរការងារ និងសមត្ថភាពរបស់មន្ត្រីគណបក្ស និងតាមសំណើរបស់គណៈចាត់តាំងនៃគណៈកម្មធិការកណ្ដាលផងដែរ៕
ដោយ ៖ កោះកែវ
-
ព័ត៌មានអន្ដរជាតិ១ សប្តាហ៍ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា៤ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ៣ ថ្ងៃ agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
អត្ថាធិប្បាយ៥ ថ្ងៃ agoវិចារណកថាចក្ខុវិស័យកែទម្រង់យោធាកម្ពុជា៖ ពីកម្លាំងបរិមាណ ឆ្ពោះទៅកងទ័ពជំនាញឌីជីថល និងមនសិកាការពារជាតិ
-
ព័ត៌មានអន្ដរជាតិ៤ ថ្ងៃ agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត
-
ព័ត៌មានអន្ដរជាតិ៥ ថ្ងៃ agoអាមេរិក បើកការវាយប្រហារអ៊ីរ៉ង់ ថ្មីទៀត ដើម្បីសងសឹក ចំពោះការធ្លាក់ឧទ្ធម្ភាគចក្រ Apache
-
ព័ត៌មានជាតិ២ ថ្ងៃ agoរោងចក្រផលិតជីក្រុមហ៊ុន ម៉ុង ឫទ្ធី ចាយទុនប្រមាណ ១០ លាន នឹងចាប់ផ្តើមផលិតចែកចាយលក់ក្នុងតម្លៃទាប ជួយកសិករដាំដុះដំណាំកសិកម្ម
-
ព័ត៌មានអន្ដរជាតិ១ សប្តាហ៍ agoមេ Scammer និងជាឧក្រិដ្ឋជន នៃបណ្តាញជួញដូរមនុស្សអន្តរជាតិ ត្រូវចាប់បាននៅ ថៃ