Connect with us

ព័ត៌មានជាតិ

ពាក្យស្នើសុំអាហារូបករណ៍ Chevening របស់ចក្រភពអង់គ្លេស ចាប់ទទួលនៅដើមខែក្រោយ

បានផុស

នៅ

អាហារូបករណ៍ Chevening សម្រាប់អ្នកដែលចង់ទៅបន្តការសិក្សាថ្នាក់បរិញ្ញាបត្រជាន់ខ្ពស់ នៅចក្រភព អង់គ្លេស នឹងបើកទទួលពាក្យចាប់ពីថ្ងៃទី ២ ខែសីហា ដល់ថ្ងៃទី ១ ខែវិច្ឆិកា ឆ្នាំ២០២២ ដែលបេក្ខជនអាចធ្វើការដាក់ពាក្យជារយៈគេហទំព័រ www.chevening.org/apply ។ នេះបើតាមសេចក្ដីប្រកាសព័ត៌មានដែល ស្ថានទូតចក្រភពអង់គ្លេស ប្រចាំនៅព្រះរាជាណាចក្រកម្ពុជា ផ្ដល់ជូន “កម្ពុជាថ្មី”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងឆ្នាំសិក្សា ២០២៣-២០២៤ អាហារូបករណ៍ Chevening នឹងផ្ដល់ចំនួន ១ ៥០០ កនែ្លង ដល់ប្រទេសទូទាំងពិភពលោក ជាការបង្ហាញពីការប្ដេជ្ញាចិត្តរបស់រាជរដ្ឋាភិបាលចក្រភពអង់គ្លេសចំពោះការអភិវឌ្ឍអ្នកដឹកនាំនាពេលអនាគតនៅតាមបណ្តាប្រទេសនានា រួមទាំងព្រះរាជាណាចក្រកម្ពុជាផងដែរ។

អាហារូបករណ៍ Chevening ផ្តល់ការគាំទ្រផ្នែកហិរញ្ញវត្ថុមួយរយភាគរយដដល់និសិ្សតជ័យលាភីទៅបន្តការសិក្សាថ្នាក់បរិញ្ញាបត្រជាន់ខ្ពស់ នៅសកលវិទ្យាល័យរបស់ចក្រភពអង់គ្លេស ក្នុងពេលជាមួយគ្នានោះដែរ និស្សិតជាចទទួលបាននូវបទ ពិសោធន៍ពីស្ថាប័នអប់រំឈានមុខ មានជំនាញវិជ្ជាជីវៈ និងមានវប្បធម៌យ៉ាងសម្បូរបែបជាច្រើនទៀត។

លោកស្រី ធីណា​ រ៉េដស (Tira Redshaw) អគ្គរាជទូតចក្រភពអង់គ្លេស ប្រចាំព្រះរាជាណាយក្រកម្ពុជា បានមានប្រសាសន៍ថា ប្រសិនជាអ្នកជាបុគ្គលម្នាក់ដែលមានការប្ដេជាចិត្តក្នុងការផ្លាស់ប្ដូរ ទោះបីជាការផ្លាស់ប្តូរនោះនៅក្នុងប្រទេស ឬសាកលលោកក៏ដោយ ប្រសិនជាអ្នកចង់ទទួលបានលទ្ធផលល្អទៅលើអ្វីដែលអ្នកកំពុងធ្វើ ហើយបើអ្នកមានក្ដី ស្រមៃជំរុញលើកទឹកចិត្តនរណាម្នាក់ នោះអាហារូបករណ៍ Chevening គឺជាឱកាសដ៏ល្អតែមួយគត់សម្រាប់អ្នកក្នុងការបំពេញនូវបំណងនោះ។

លោកស្រី ធីណា​ រ៉េដស មានប្រសាសន៍បន្តថា៖ “សម្រាប់និស្សិតជ័យលាភី អ្នកមិនត្រឹមតែជានិស្សិតធម្មតានោះទេ ដែលជាការពិតយើងមិនបានបែងចែក អាយុ ពណ៌សម្បុរ ជាតិសាសន៍ និងទំនៀមទម្លាប់ប្រពៃជាឡើយ តែអ្វីដែលពួកយើងស្វែងរកនោះ គឺអ្នកជាមនុស្សដែលមានថាមពល មានចក្ខុវិស័យច្បាស់លាស់សម្រាប់អនាគតរបស់អ្នក និងអ្នកមានទ្ធភាពជួយបំពេញគោលបំណងរបស់ខ្លួនទៀតផង”។

សម្រាប់ព័ត៌មានបន្ថែម​ សូមចូលទៅកាន់គេហទំព័រ chevening.org/scholarships ដែលមានព័ត៌មានស្ដីពីលក្ខណៈវិនិច្ឆ័យដើម្បី ទទួលបានអាហារូបករណ៍ និងព័ត៌មានទូទៅរបស់អាហារូបករណ៍ Chevening​ ។

គួរបញ្ជាក់ថា អាហារូបករណ៍ Chevening ផ្ដល់ជូនដល់បេក្ខជនមកពីគ្រប់យជ្ឈដ្ឋានដែលមានការតាំងចិត្តខ្ពស់ មានជំនាញច្បាស់លាស់ មានឆន្ទៈធ្វើការផ្លាស់ប្តូរជាវិជ្ជមាន និងអាចបង្ហាញថា សញ្ញាប័ត្របរិញ្ញាបត្រជាន់ខ្ពស់របស់ចក្រភពអង់គ្លេសអាចជួយពួកគេឱ្យសម្រេចនូវគោលបំណងទាំងអស់នោះ។ ចាប់តាំងពីកម្មវិធីអាហារូបករណ៍ Chevening បានបង្កើតក្នុងឆ្នាំ១៩៨៣ មានអតីតនិស្សិតដែលមានជំនាញវិជា្ជជីវៈ ជាង ៥ ម៉ឺននាក់ មានឱកាសអភិវឌ្ឍជំនាញរបស់ខ្លួនតាមរយៈអាហារូបករណ៍ Chevening នៅចក្រភពអង់គ្លេស៕

អត្ថបទ៖ ច័ន្ទ វីរៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម