ព័ត៌មានជាតិ
អគារសាខាគយ និងរដ្ឋាករខេត្តស្វាយរៀង សម្ពោធដាក់ឱ្យប្រើប្រាស់ជាផ្លូវការថ្ងៃនេះ
អគារសាខាគយ និងរដ្ឋាករ ខេត្តស្វាយរៀង បានសម្ពោធដាក់ឱ្យប្រើប្រាស់ នៅថ្ងៃទី២៩ ខែកក្កដា ឆ្នាំ២០២២ ដោយមានការចូលរួមក្រោមអធិបតីភាពរដ្ឋមន្រ្តីក្រសួងសេដ្ឋកិច្ច លោក អូន ព័ន្ធមុនីរ័ត្ន និងមន្រ្តីពាក់ព័ន្ធមួយចំនួនទៀត។
ថ្លែងនៅក្នុងឱកាសនេះលោក អូន ព័ន្ធមុនីរ័ត្ន បានកោតសរសើរដល់ រដ្ឋបាលខេត្តស្វាយរៀងដែលមានលោក ម៉ែន វិបុល ជាអភិបាលខេត្ត និងមន្ត្រីរាជការសាខាគយ និងរដ្ឋាករខេត្តស្វាយរៀងទាំងអស់ ដែលបានចូលរួមចំណែកក្នុងការប្រមូលពន្ធជូនរដ្ឋ ធ្វើឱ្យកំណើនថវិការចំណូលចូលរដ្ឋ ពីមួយឆ្នាំទៅមួយឆ្នាំ មានការកើនឡើងជាបន្តបន្ទាប់។
លោករដ្ឋមន្រ្តី ក៏បានជំរុញដល់សាខាគយ និងរដ្ឋាករខេត្តស្វាយរៀង ត្រូវខិតខំបំពេញភារកិច្ចតួនាទីរបស់ខ្លួនឱ្យបានល្អ ជាពិសេសត្រូវចូលរួមសហការជាមួយរដ្ឋបាលខេត្ត និងគ្រប់ភាគីដែលពាក់ព័ន្ធទាំងអស់ បង្កើនសកម្មភាពប្រមូលពន្ធជូនរដ្ឋ ដើម្បីសម្រេចបានតាមគោលនយោបាយរបស់រាជរដ្ឋាភិបាល ក្រោមការដឹកនាំរបស់សម្តេចតេ ជោហ៊ុន សែន នាយករដ្ឋមន្ត្រីនៃកម្ពុជា។
លោក ហេង សំបូរ ប្រធានសាខាគយនិងរដ្ឋាករខេត្តស្វាយរៀង បានថ្លែងអំណរគុណដល់ លោកឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ ដែលបានអញ្ជើញចូលរួមក្នុងពិធីសម្ពោធនេះ។ លោក ក៏ទទួលយកនូវខ្លឹមសារណែនាំរបស់លោករដ្ឋមន្រ្តីក្រសួងសេដ្ឋកិច្ច និងប្តេជ្ញាប្រមូលពន្ធជូនរដ្ឋ ដើម្បីតបតាមផែនការ និងគោលនយោបាយរបស់រាជរដ្ឋាភិបាល។
លោក ហេង សំបូរ បានឱ្យដឹងថា ការប្រមូលចំណូលនៅឆមាសទី១ ឆ្នាំ២០២២ សាខាគយ និងរដ្ឋាករខេត្តស្វាយរៀង ប្រមូលចំណូលបានចំនួន១៨៨,៥៦ ប៊ីលានរៀល ស្មើជាង៩៤% នៃផែនការ បើធៀបរយៈពេលដូចគ្នានៅឆ្នាំ២០២១ ពោលកើនឡើងប្រមាណ ៤០,២៩ ប៊ីលានរៀល ស្មើជាង២៧%។
សូមបញ្ជាក់ថា ទីតាំងអគារថ្មីរបស់សាខាគយ និងរដ្ឋាករខេត្តស្វាយរៀង ដែលត្រូវដាក់សម្ពោធឱ្យប្រើប្រាស់នៅថ្ងៃនេះ ស្ថិតនៅលើផ្ទៃដីសរុប ៧,៩៩០ម៉ែត្រការ៉េ ក្នុងភូមិស្វាយ សង្កាត់ចេក ក្រុងស្វាយរៀង ខេត្តស្វាយរៀង៕
ដោយ:ភក្ដី
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»