ព័ត៌មានជាតិ

រថយន្តបែនដឹកខ្សាច់បុកម៉ូតូមួយគ្រឿង បណ្ដាលឲ្យបុរសម្នាក់ដាច់ជើងម្ខាង

បានផុស

៥ years មុន

នៅ

ថ្ងៃអង្គារ ៥ មករា ២០២១

ដោយ

បុរសម្នាក់ត្រូវរងរបួសដាច់ជើងម្ខាង ខណៈពេលជិះម៉ូតូតាមផ្លូវត្រូវរថយន្តបែនដឹកខ្សាច់បើកលឿនជ្រុលមកបុក រួចអូសប្រហែលជាង១០ ម៉ែត្រ ទើបអ្នកបើកបរឈប់រថយន្ត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍គ្រោះថ្នាក់ចរាចរណ៍នេះ កើតឡើងកាលពីវេលាម៉ោង១៦ និង២០នាទី ល្ងាចថ្ងៃទី៤ ខែមករា ឆ្នាំ២០២១ នៅត្រង់ចំណុចក្បែរស្ពានដែកចំការដូង តាមបណ្ដោយផ្លូវ២១៧ ឋិតនៅក្នុងភូមិម័ល សង្កាត់ដង្កោ ខណ្ឌដង្កោ រាជធានីភ្នំពេញ ។

អ្នកបើកបររថយន្តបង្កឈ្មោះ ឃុន ទីឡុង ភេទប្រុស អាយុ២៣ ឆ្នាំ ស្នាក់នៅសង្កាត់បឹងទំពុនទី២ ខណ្ឌមានជ័យ រាជធានីភ្នំពេញ។ ប្រភពព័ត៌មានពីសមត្ថកិច្ចនគរបាលចរាចរណ៍ ដែលឈរជើងនៅគោលដៅស្ពានដែកចំការដូង ប្រាប់ឲ្យដឹងថា មុនពេលកើតហេតុឃើញជនរងគ្រោះជិះម៉ូតូ ម៉ាកហុងដា ឌ្រីមសង់ ស៊េរីចាស់ ដោយជិះតាមបណ្ដោយផ្លូវ ២១៧ ក្នុងទិសដៅពីត្បូងទៅជើងឆ្លងស្តុបស្ពានដែកចំការដូង ស្របពេលនោះ ក៏មានបុរសម្នាក់បើកបររថយន្តបែនដឹកខ្សាច់បើកតាមបណ្ដោយផ្លូវ ៣៧១ បត់ឆ្វេងឡើងមកផ្លូវ ២១៧ក្នុងល្បឿនលឿនស្រាប់តែជ្រុលមកដល់ចំណុចកើតហេតុក៏ជ្រុលទៅបុកម៉ូតូរបស់ជនរងគ្រោះរួចក៏អូសប្រហែលជា១០ ម៉ែត្របណ្ដាលឲ្យអ្នកបើកបរម៉ូតូរងរបួសដាច់ជើងខាងស្ដាំ ភ្លាមនោះអ្នកបើកបររថយន្តត្រូវបានសមត្ថកិច្ចនគរបាលចរាចរណ៍នៃការិយាល័យចរាចរណ៍ផ្លូវគោកស្នងការរាជធានីភ្នំពេញ ដែលឈរជើងនៅស្ពានដែកចំការដូង បានឃាត់ខ្លួនភ្លាមៗប្រគល់ឲ្យសមត្ថកិច្ចនគរបាលចរាចរណ៍ខណ្ឌដង្កោ ចំណែកជនរងគ្រោះត្រូវបានរថយន្តរបស់មន្ទីរពេទ្យបង្អែកខណ្ឌដង្កោដឹកយកទៅសង្គ្រោះនៅមន្ទីរពេទ្យភ្លាមៗផងដែរ ។

ក្រោយមកសមត្ថកិច្ចចរាចរណ៍ខណ្ឌដង្កោបានចុះមកដល់ទីតាំងកន្លែងកើតហេតុ និងធ្វើការវាស់វែងយកម៉ូតូ និងរថយន្តរួមទាំងអ្នកបើកបរប្រគល់ឲ្យសមត្ថកិច្ចជំនាញ នៃការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ យកទៅរក្សាទុក ដើម្បីរង់ចាំធ្វើការដោះស្រាយគ្នានៅពេលក្រោយ ៕

អត្ថបទ៖ រ៉ាវុទ្ធ

Related Topics:គ្រោះថ្នាក់ចរាចរណ៍

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា