វិទ្យាស្ថានបច្ចេកទេសឧស្សាហកម្ម ផ្ដល់អាហារូបករណ៍ដល់សិស្សជាប់ ឬ ធ្លាក់បាក់ឌុប ជិត ១ ពាន់កន្លែង

មុន​នេះ​បន្តិច វិទ្យាស្ថាន​បច្ចេកទេស​ឧស្សាហកម្ម បាន​ប្រកាស​ផ្ដល់​អាហារូបករណ៍​ដល់​សិស្ស​ជាប់ ឬ​ធ្លាក់​មធ្យមសិក្សា​ទុតិយភូមិ​(បាក់ឌុប) ចំនួន ៩៤០ កន្លែង និង​ទទួល​បាន​អត្ថប្រយោជន៍ ព្រមទាំង​ប្រាក់​ឧបត្ថម្ភ​ជាច្រើន សម្រាប់​ការ​ចុះ​ឈ្មោះ​ចូលរៀន​ជំនាញ ដែល​វិទ្យាស្ថាន បាន​និង​កំពុង​បណ្ដុះបណ្ដាល។

នៅ​រសៀល​ថ្ងៃ​ទី ០៤ ខែ​មករា ឆ្នាំ ២០២៣ នេះ បើ​យោង​តាម​ទំព័រ​ហ្វេស​ប៊ុក​​ផ្លូវការ​របស់ វិទ្យាស្ថាន​បច្ចេកទេស​ឧស្សាហកម្ម បាន​ឲ្យ​ដឹង​ថា វិទ្យាស្ថាន បាន​សម្រេច​ផ្ដល់​ជូន​អាហារូបករណ៍​ដល់​សិស្សានុសិស្ស ដែល​ជាប់ ឬ ធ្លាក់​មធ្យមសិក្សា​ទុតិយភូមិ ចំនួន ៩៤០ កន្លែង លើ​ជំនាញ​ព័ត៌មានវិទ្យា ពាណិជ្ជកម្ម អេឡិចត្រូនិក គ្រប់គ្រង​បច្ចេកវិទ្យា បរិក្ខារ​ត្រជាក់ វិស្វកម្ម​រថយន្ត វិស្វកម្ម​អគ្គិសនី វិស្វកម្ម​លោហៈ​(មេកានិច​ទូទៅ) និង​វិស្វកម្ម​លោហៈបន្ទះ​បន្សារ។

សម្រាប់​ការ​ចុះ​ឈ្មោះ​រៀន​នៅ​វិទ្យាស្ថាន​បច្ចេកទេស​ឧស្សាហកម្ម​នេះ សិស្សានុសិស្ស នឹង​ទទួល​បាន​អត្ថប្រយោជន៍ ព្រមទាំង​ប្រាក់ឧបត្ថម្ភ​ជាច្រើន​ផង​ដែរ៕

អត្ថបទ ៖ ពិសី

សូម​អាន​សេចក្ដី​ជូនដំណឹង​លំអិត​ខាង​ក្រោម ៖