ព័ត៌មានជាតិ

កងពលតូចថ្មើរជើងលេខ ៤២ យោធភូមិភាគ៤ ត្រូវបន្តយកចិត្តទុកដាក់ លើការងារបង្កបង្កើនផល និងចិញ្ចឹមសត្វ

បានផុស

១ ខែ មុន

នៅ

ថ្ងៃសុក្រ ២០ មករា ២០២៣

ដោយ

ឧត្តរមានជ័យ ៖ ថ្ងៃទី២០ ខែមករា ឆ្នាំ២០២៣ ក្រៅពីភារកិច្ចស្នូល និង ការងារជំនាញ គ្រប់បណ្តាកងឯកភាពចំណុះ កងពលតូចថ្មើរជើងលេខ ៤២ យោធភូមិភាគទី ៤ បានយកចិត្តទុកដាក់យ៉ាងខ្លាំង លើការងារបង្កបង្កើនផល និងចិញ្ចឹមសត្វ ដើម្បីធានាដល់ជីវភាពរបស់កងទ័ព និងគ្រួសារ បន្ថែមលើប្រាក់គោលរបបដែលមានស្រាប់ ពិសេសចូលរួមអនុវត្តតាមផែនការយុទ្ធសាស្ត្រលើកស្ទួយវិស័យកសិកម្មក្នុងស្រុក របស់រាជរដ្ឋាភិបាលកម្ពុជា ផងដែរ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឧត្តមសេនីយ៍ទោ ប៉ែន វ៉ូយ មេបញ្ជាការ បានក្រើនរំលឹកជានិច្ចដល់គ្រប់អង្គភាពចំណុះ ត្រូវយកចិត្តទុកដាក់ថែទាំលើដំណាំ សត្វ ដែលមានស្រាប់ ដើម្បីទទួលបានផលល្អ អាចដោះស្រាយការហូបចុក និងអាចលក់ទៅលើទីផ្សារ ដើម្បីបង្កើនជីវភាព ប្រចាំថ្ងៃរបស់កងទ័ពផងដែរ។

គួរបញ្ជាក់ថា ក្រុមការងារត្រួតពិនិត្យការងារបង្កបង្កើនផល និងចិញ្ចឹមសត្វ របស់កងពលតូចថ្មើរជើងលេខ ៤២ តែងតែចុះពិនិត្យ និងបង្រៀនពីវិធីថែទាំ ដំណាំ សត្វ ឲ្យទទួលបានផលល្អ ដល់គ្រប់បណ្តាអង្គភាពចំណុះ ជាប្រចាំ៕

ដោយ ៖ ចាន់ ធី