ព័ត៌មានជាតិ

អាកាសធាតុកំពុងត្រជាក់ ផឹកស្រាតាំងពីថ្ងៃ យប់ឡើងដេកស្លាប់

បានផុស

៦ years មុន

នៅ

ថ្ងៃពុធ ១៣ មករា ២០២១

ដោយ

បុរសវ័យចំណាស់ម្នាក់ ត្រូវបានក្រុមគ្រួសារប្រទះឃើញដេកស្លាប់ បង្កការភ្ញាក់ផ្អើលកាលពីវេលាម៉ោង ៨យប់ ថ្ងៃទី១២ ខែមករា ឆ្នាំ២០២១ នៅក្នុងភូមិតាគល់ ឃុំ ផ្គាំ ស្រុកស្វាយចេក ខេត្តបន្ទាយមានជ័យ។

នគរបាលមូលដ្ឋានប្រាប់ឲ្យដឹងថា សពមានឈ្មោះ យ៉ែម ឈឿង អាយុ ៦២ ឆ្នាំ ជាជនពិការជើងទាំងពីរនៅ រស់នៅក្នុងភូមិតាគល់ ឃុំផ្គាំ ស្រុកស្វាយចេក ខេត្តបន្ទាយមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នគរបាលមូលដ្ឋានបានប្រាប់ឲ្យដឹងបន្តទៀតថា កាលនៅរស់ ឈ្មោះ យ៉ែម ឈឿង ផឹកស្រាខ្លាំងណាស់ ហើយនៅមុនពេលកើតហេតុ គេឃើញជនរងគ្រោះផឹកស្រាតាំងពីថ្ងៃ ហើយមិនទទួលទានបាយទេ ម្យ៉ាងអាចដោយសារតែអាកាសធាតុត្រជាក់ខ្លាំង ទើបបណ្តាលឱ្យខ្យល់គ ដេកស្លាប់ក្នុងផ្ទះតែម្តង។

សមត្ថកិច្ចបានសន្និដ្ឋានថា សពពិតជាស្លាប់ដោយជំងឺខ្យល់ គ ព្រោះសំអាងថា មិនមានភិនភាគស្លាកស្នាមអ្វីឡើយ។ក្រោយពិនិត្យរួច នគរបាលប្រគល់សពឲ្យក្រុមគ្រួសារធ្វើបុណ្យតាមប្រពៃណី ៕

អត្ថបទ ៖ វ៉ាន់ ណាង