ព័ត៌មានជាតិ
ស្ថានភាពរន្ទះបាញ់ដើមឆ្នាំនេះ មានលក្ខណៈល្អប្រសើរជាងឆ្នាំមុន
ស្ថានភាពរន្ទះបាញ់នៅដើមឆ្នាំ ២០២៣ នេះ មានលក្ខណៈល្អប្រសើរជាងឆ្នាំមុន ដោយមិនមានមនុស្សណាម្នាក់រងគ្រោះដល់ស្លាប់បាត់បង់ជីវិតទេ។
លោក សុទ្ធ គឹមកុលមុនី អ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយបានមានប្រសាសន៍នៅព្រឹកថ្ងៃទី ១២ មេសានេះថា ក្នុងរយៈពេល ៣ ខែ ដើមឆ្នាំ ២០២៣ នេះ គ្រោះរន្ទះបាញ់បានកើតឡើងចំនួន ៣ លើកប៉ុណ្ណោះ នៅខេត្តក្រចេះ ឧត្តរមានជ័យ និងបាត់ដំបង បណ្ដាលឲ្យប្រជាពលរដ្ឋរងរបួសធ្ងន់-ស្រាលចំនួន ៣ នាក់ និងងាប់គោ ១ ក្បាល។
លោកបានបន្តថា ចំនួននេះបើប្រៀបធៀបទៅនឹងរយៈពេល ៣ ខែ ឆ្នាំ ២០២២ កន្លងទៅឃើញថា មានការថយចុះច្រើន ដោយ ៣ ខែឆ្នាំមុន គ្រោះរន្ទះបាញ់បានកើតឡើង ១២ លើក បណ្ដាលឲ្យខូចខាតផ្ទះ ២ ខ្នង មនុស្សស្លាប់ ៣ នាក់ រងរបួស ៦ នាក់ និងងាប់គោក្របី ៥ ក្បាល។
យ៉ាងណាក៏ដោយ ក្រសួងធនធានទឹក និងឧតុនិយម បានណែនាំដល់ប្រជាពលរដ្ឋឲ្យមានការប្រុងប្រយ័ត្នខ្ពស់ចំពោះខ្យល់កន្ត្រាក់ និងរន្ទះបាញ់នេះនៅក្នុងពិធីបុណ្យចូលឆ្នាំខ្មែរ ដោយចាប់ពីថ្ងៃទី ១២ ដល់ថ្ងៃទី ១៨ ខែមេសាខាងមុននេះ ដោយសារកម្ពុជាបន្តទទួលឥទ្ធិពលពីជ្រលងសម្ពាធទាបក្នុងកម្រិតខ្សោយទៅមធ្យម។
គួរបញ្ជាក់ថា នៅក្នុងរយៈពេល ៣ ខែ ដើមឆ្នាំ ២០២៣ នេះដែរ ខ្យល់កន្ត្រាក់បានកើតឡើងចំនួន ៣២ លើក ទៅលើខេត្តចំនួន ១៤ បណ្ដាលឲ្យខូចខាតផ្ទះធ្ងន់ធ្ងរចំនួន ១៧០ ខ្នង របើកដំបូល និងខូចខាតមធ្យមចំនួន ១២២៦ ខ្នង របើកដំបូលសាលារៀន ១៥ អគារ កុដិព្រះសង្ឃ ១ ខ្នង អគាររដ្ឋបាល ២ ខ្នង លិចទូកនេសាទ ២ គ្រឿង ស្លាប់ ២ នាក់ របួស ១២ នាក់ និងជួយសង្គ្រោះបានចំនួន ១៦ នាក់៕
អត្ថបទ ៖ សំអឿន
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង