ក្រុមហ៊ុន ប៊ូ យ៉ុង ផ្ដល់រថយន្តក្រុងចំនួន ១ ០០០ គ្រឿងដល់រាជរដ្ឋាភិបាលកម្ពុជា ដើម្បីតភ្ជាប់បណ្ដាញដឹកជញ្ជូននៅតាមបណ្ដាខេត្ត។

សម្ដេចតេជោ ហ៊ុន សែន នាយករដ្ឋមន្ត្រីកម្ពុជា មានប្រសាសន៍នៅព្រឹកថ្ងៃទី ២៥ ខែមេសា នេះថា ក្រុមហ៊ុន ប៊ូ យ៉ុង សុំផ្ដល់រថយន្តក្រុង ១ ពាន់គ្រឿងបន្ថែមទៀត ដល់កម្ពុជាចែកចាយតភ្ជាប់បណ្ដាញដឹកជញ្ជូនទៅតាមខេត្ត ដើម្បីកាត់បន្ថយគ្រោះថ្នាក់ចរាចរណ៍ បន្ទាប់ពីប្រគល់ដល់សាលារាជធានីភ្នំពេញចំនួន ២០០ គ្រឿង កន្លងមក។ សម្ដេចតេជោ ហ៊ុន សែន បញ្ជាក់ថា ឥឡូវក្រុមហ៊ុនបានសុំផ្ដល់ជាថវិកាដើម្បីទិញរថយន្តតែម្ដង។

កាលពីថ្ងៃទី ២៨ ខែកុម្ភៈ រថយន្តក្រុងចំនួន ២០០ គ្រឿង ដែលជាអំណោយរបស់ក្រុមហ៊ុន ប៊ូយ៉ុង គ្រុប» ត្រូវបានប្រគល់ជូនរដ្ឋបាលរាជធានីភ្នំពេញ ដើម្បីរួមចំណែក ពង្រឹងប្រសិទ្ធភាព នៃការផ្តល់សេវាដឹកជញ្ជូនសាធារណៈ រថយន្តក្រុង (City Bus) ក្នុងរាជធានីភ្នំពេញឱ្យកាន់តែប្រសើរឡើងមួយកម្រិតថែមទៀត៕