Connect with us

ព័ត៌មានជាតិ

អ្នកជំនាញ៖ តម្លៃមាសអាចបន្តហក់ឡើងដល់ ២៥០០ដុល្លារ ទៅ ២៧០០ ដុល្លារ ក្នុង១តម្លឹង

បានផុស

នៅ

តម្លៃមាសអាចនឹងបន្តកើនឡើងរហូតដល់ជាង ២១០០ដុល្លារ ក្នុងមួយអោន នាថ្ងៃខាងមុខ ខណៈដែលបច្ចុប្បន្នមានតម្លៃ ២០២៤ដុល្លារ ក្នុងមួយអោន នៅលើទីផ្សារអន្តរជាតិ។ ដោយឡែកនៅកម្ពុជា ស្ថិតនៅក្នុងតម្លៃ ២៤៣៨ដុល្លារ ក្នុងមួយតម្លឹង ដោយតម្លៃអាចនឹងកើនឡើងរហូតដល់ ២៥០០ដុល្លារ ​ទៅ ២៧០០ដុល្លារ នាពេលខាងមុខ។ នេះបើតាមការបញ្ជាក់របស់អ្នកតាមដានសេដ្ឋកិច្ច និងហិរញ្ញវត្ថុអន្តរជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឡុង សំណាង ប្រធានផ្នែកប្រឹក្សាយោបល់ហិរញ្ញវត្ថុ នៃក្រុមហ៊ុន ភី ភី លីង ស៊ីឃ្យួរឹធី (PP Link Securities)បានឱ្យដឹងថា មានកត្តាមួយចំនួនដែលបង្កឱ្យហាងឆេងមាសហក់ឡើង គឺដោយសារសង្រ្គាម​រ៉ាំរ៉ៃរវាងអ៊ុយក្រែង និងរុស្ស៊ី ដែលនាំឱ្យប៉ះពាល់ដល់សេដ្ឋកិច្ចពិភពលោកទាំងមូល។ ជាមួយគ្នានេះ ប្រទេសមួយចំនួនទៀត នៅតែបន្តទិញមាសទុក ដើម្បីការពារហានិភ័យដែលបង្កឡើងពីវិបត្តិសេដ្ឋកិច្ច។

លោក ឡុង សំណាង បានបន្តថា ចំណុចមួយទៀតនោះ គឺពាក់ព័ន្ធនឹងការអស់ទំនុកចិត្តលើការប្រើប្រាស់ប្រាក់ដុល្លារ។ លោកមើលឃើញថា សព្វថ្ងៃនេះ អត្រាការប្រាក់ដុល្លារមានកំណើនខ្ពស់ ដែលគេអាចលក់ចេញ ដើម្បីទទួលបានប្រាក់​ចំណេញ។ លើសពីនេះទៀត គេមើលឃើញថា ធនាគារកណ្តាលអាមេរិក នាពេលបន្ទាប់អាចពិចារ​ណាកាត់បន្ថយ​អត្រាការប្រាក់ ឬរក្សាទុកបន្ត។

លោកបានសង្កត់ធ្ងន់ថា ពិភពលោក បានរងផលប៉ះពាល់ដោយសារវិបត្តិសេដ្ឋកិច្ច នាំឱ្យធនាគារធំៗមួយចំនួន​នៅអាមេរិក អាឡឺម៉ង់ ស្វ៊ីស ជាដើម បានដួលរលំ គឺសុទ្ធតែពាក់ព័ន្ធនឹងបញ្ហាហិរញ្ញវត្ថុ។ បើតាមអ្នកជំនាញរូបនេះ ហេតុផលទាំងអស់នេះហើយដែលនាំឱ្យតម្លៃមាសកើនឡើងជាបន្តបន្ទាប់។

លោក ឡុង សំណាង បានបញ្ជាក់ថា នៅឆ្នាំ ២០២៣នេះ តម្លៃមាសនៅតែបន្តកើនឡើង។ លោកលើកទឹក​ចិត្តដល់​អាជីវករទាំងអស់ អាចវិនិយោគទិញមាសនៅក្នុងតម្លៃសមរម្យណាមួយ ដើម្បីទុកចំណេញនៅពេលក្រោយ។ លោក មានសុទិដ្ឋិនិយមថា ទីផ្សារមាសនៅកម្ពុជា នឹងកើនឡើងតម្លៃពី ២៤៣៨ដុល្លារ ក្នុងមួយតម្លឹងនាពេលបច្ចុប្បន្ន ទៅដល់ ២៥០០ដុល្លារ ឬអាចដល់ ២៧០០ដុល្លារ ក្នុងមួយតម្លឹង នាពេលពេលខាងមុខ។

ជាមួយគ្នានេះ ម្ចាស់ហាងមាសទីមង្គល បានលើកឡើងនៅលើផេកផ្លូវការថា នៅថ្ងៃនេះ តម្លៃហាងឆេងមាស​បន្តកើនឡើងទៀតហើយ។ បើតាមហាងមាសទីមង្គល លក់ចេញក្នុងតម្លៃ ២៤២០ដុល្លារ ក្នុងមួយតម្លឹង និងទិញចូលក្នុងតម្លៃ ២៣២០ដុល្លារ ក្នុងមួយតម្លឹង៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ១ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ២ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ២ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

ព័ត៌មានជាតិ៤ ម៉ោង មុន

នៅខែមេសា-ឧសភា កម្ពុជានឹងក្ដៅខ្លាំង កម្រិត៣៨°C និងមានបាតុភូតផ្គរ រន្ទះ និងខ្យល់កន្ត្រាក់

Sokha Hotels

ព័ត៌មានពេញនិយម