ព័ត៌មានជាតិ
ចាយទុនជិត ៥០០ លានដុល្លារ រោងចក្រពីរកន្លែងផលិតសំបកកង់រថយន្តពីកម្ពុជា នាំចេញទៅក្រៅប្រទេស
ក្រៅពីវិស័យកសិកម្ម កម្ពុជាកំពុងជំរុញការវិនិយោគលើផ្នែកឧស្សាហកម្ម។ ថ្មីៗនេះមានការវិនិយោគរោងចក្រផលិតសំបកកង់រថយន្តចំនួនពីរកន្លែងក្រោមទុនរាប់រយលានដុល្លារ ដើម្បីផលិតសម្បកកង់រថយន្តនាំចេញទៅក្រៅប្រទេស។
ក្រុមហ៊ុន ជេនេរ៉ល ថាយអឺរ ថេកណូឡូជី ដែលមានមូលដ្ឋាននៅប្រទេសចិនបានចាប់ផ្ដើមដំណើរការផលិតសំបកកង់រថយន្តផលិតនៅកម្ពុជានាំចេញទៅទីផ្សារបរទេស ជាចម្បងទៅកាន់អាមេរិក និងទ្វីបអឺរ៉ុប។
ក្រុមហ៊ុនបានបណ្តាក់ទុនវិនិយោគប្រមាណ ៣០០ លានដុល្លារ បង្កើតរោងចក្រផលិតសំបកកង់រថយន្តនៅក្នុងតំបន់សេដ្ឋកិច្ចពិសេសក្រុងព្រះសីហនុ ស្ថិតនៅឃុំបិតត្រាំង ស្រុកព្រៃនប់ ខេត្តព្រះសីហនុ។
រោងចក្រនេះ ក្នុងមួយឆ្នាំអាចផលិតប្រភេទកង់ឡានធុនតូចបាន ៥ លានកង់ និងកង់ឡានប្រភេទធុនធំ ៩០ ម៉ឺនកង់ ដោយប្រើប្រាស់កម្លាំងកម្មករប្រហែលជា ១ ៦០០ នាក់។ នៅកម្ពុជាជារោងចក្រទីពីរ បន្ទាប់ក្រុមហ៊ុនបានវិនិយោគបង្កើតរោងចក្រទី ១ នៅក្នុងប្រទេសថៃ។
ដោយឡែកកាលពីថ្ងៃ ០៩ ឧសភា ២០២៣ រោងចក្រផលិតសំបកកង់រថយន្តមួយទៀតក៏បានបើកការដ្ឋានសាងសង់នៅតំបន់រដ្ឋបាលសេដ្ឋកិច្ចពិសេស យូ ប៊ី អ៊ី ស្នួល នៅស្រុកស្នួល ខេត្តក្រចេះ។
រោងចក្រនេះសាងសង់នៅលើផ្ទៃដីចំនួន ៤០ ហិកតា ក្រោមទុនវិនិយោគប្រមាណ ១៣៨ លានដុល្លារ ដោយគ្រោងបញ្ចប់ដំណាក់កាលទី ១ នៅក្នុងខែតុលា ឆ្នាំ២០២៣។
រោងចក្រផលិតសំបកកង់រថយន្តដ៏ធំនេះ វិនិយោគដោយក្រុមហ៊ុន ញូបាសស្តារ ខេមបូឌា ត្រាយ ខូអិលធីឌី (NEWBUSTAR (Cambodia) Trie Co.,Ltd) ឬ Double Star មកពីក្រុងឈីងតាវ ខេត្តសានទុង នៃសាធារណរដ្ឋប្រជាមានិតចិន។
Double Star Goup គឺជាសហគ្រាសល្បីឈ្មោះក្នុងពិភពលោក និងជាក្រុមហ៊ុនចុះបញ្ជីម៉ាកយីហោកំពូលទាំង ៥០០ នៅអាស៊ីជាច្រើនឆ្នាំមកហើយ៕
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ