ព័ត៌មានជាតិ

បណ្ដុះបណ្ដាលជូនដល់ជនបង្គោលនៅថ្នាក់ខណ្ឌទាំង១៤ស្ដីពី ការចិញ្ចឹមកូនបែបវិជ្ជមាន

បានផុស

៥ years មុន

នៅ

ថ្ងៃចន្ទ ២៥ មករា ២០២១

ដោយ

ភ្នំពេញ ៖ ថ្នាក់ដឹកនាំជាន់ខ្ពស់របស់ក្រសួងសង្គមកិច្ច អតីតយុទ្ធជន និងយុវនីតិសម្បទាបានថ្លែងថា ដើម្បីកុមារមានសុខភាពល្អពិសេសបញ្ចៀសនូវជំងឺដង្កាត់បានលុះត្រាតែមានការថែរទាំកូនៗឲ្យបានល្អពីសំណាក់អ្នកម្តាយលោកឪពុកគ្រប់រូប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដូចនេះហើយទើបក្រសួងសង្គមកិច្ច អតីតយុទ្ធជន និងយុវនីតិសម្បទា បានរៀបចំវគ្គបណ្ដុះបណ្ដាល ស្ដីពីការចិញ្ចឹមកូនបែបវិជ្ជមានជូនដល់ជនបង្គោលនៅថ្នាក់ខណ្ឌទាំង១៤ ក្នុងរាជធានីភ្នំពេញតែម្ដង។

នេះជាការលើកឡើងរបស់លោកស្រីខៀវ បូរី រដ្ឋលេខាធិការក្រសួងសង្គមកិច្ច អតីតយុទ្ធជន និងយុវនីតិសម្បទា ថ្លែងបែបនេះកាលពីនៅព្រឹកថ្ងៃច័ន្ទ ១២កើត ខែមាឃ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៥ ខែមករា ឆ្នាំ២០២១ នៅនាយកដ្ឋានសុ ខុមាលភាពសង្គម នៃក្រសួងសង្គមកិច្ច អតីតយុទ្ធជន និងយុវនីតិសម្បទា ក្នុងពេលរៀបចំវគ្គបណ្ដុះបណ្ដាល ស្ដីពី ការចិញ្ចឹមកូនបែបវិជ្ជមានជូនដល់ជនបង្គោលនៅថ្នាក់ខណ្ឌទាំង១៤ ក្នុងរាជ ធានីភ្នំពេញ។

លោកស្រីខៀវ បូរី រដ្ឋលេខាធិការក្រសួងសង្គមកិច្ច អតីតយុទ្ធជន និងយុវនីតិសម្បទា បានថ្លែងថា វគ្គបណ្តុះបណ្តាលស្ដីពី ការចិញ្ចឹមកូនបែបវិជ្ជមានជូនដល់ជនបង្គោលនៅថ្នាក់ខណ្ឌទាំង១៤ ក្នុងរាជធានីភ្នំពេញមានអត្ថប្រយោជន៍ណាស់សម្រាប់ជួយដល់សុខភាពកុមារឲ្យមានសុខភាពល្អស្មារតីឆ្លាតវាងវៃថែមទៀត។ ដូច្នោះហើយជនបង្គោលក្រោយទទួលបានចំណេះដឹងពីរបៀបចិញ្ចឹមកូនបែបវិជ្ជមានត្រូវចែករំលែកចំណេះបន្តទៅអ្នកម្តាយគ្រប់ៗរូបដើម្បីជួយដល់ការលូតលាស់ប្រកបដោយភាពវិជ្ជមានសម្រាប់កូនៗ៕

ដោយ ៖ វិមាន